غلطة غيرت حياتي (مكتملة)

البارت السابع والعشرون

اتعاقبيني ؟!
اتعاقبيني علي هجري لكي ... علي جرحي لكي .. علي رفض حبك البرئ لي والاستهزاء به

اذا عاقيني خذي بثأرك مني
كل العواقب ساتحملها ، الا عقابك لي ببعدك عني ❤❤

الاااااااااااااااااااااء
استدارت بسرعة وخضة شديده ووقع منها الماء علي الارض من الصدمة
الاء بخضة : عز
ف تقدم منها بسرعة رهيبه وكان شكله مرعب وهو غاضب ، ثم وصل اليها وامسكها من زراعها بقسوه ورفعها اليه
قال بغضب شديد : ايه الي انتي عملتيه ده هاااااا
الاء بخوف ودموع : انا انا انا عملت اي ... انا عملت اي يا ابيه .
عز بغضب: متقولييييش ابيه دي بتعصبني متقوليهاش انا مش ابيه انا عز بس فاهمة انا عز بس فاهمة ولا مش فاااهمة
الاء : ااااه فاهمة فاهمة بس سبني .. سبني بقا وقولي انا عملت اي .

عز بغضب : انتي ازاي.. ازاااي تجيلك الجرأه انك تعرضيني ها واززززاي توافقي علي حازم هو انا مش قولت لا ... ازاي بقا اني تقولي اه موافقة ..... ازاي تبقي لحد غيري اصلا ...ها انطقي
وامسكها بقوه اكبر .
 
الاء بوجع من يده : انا اساسا مكنتش ليك عشان ابقا لغيرك يا عز .
عز : لاء ليا .... ليا من يوم ما اتولدتي من ساعة ما جيتي ع الدنيا دي وانتي ليا .
ثم تركها ورجع الي بروده وقال: انتي هتروحي لجدي
وهتقوليله انك غيرتي رايك وانك مش عاوزه تشوفيه ومش موافقة انتي فاهمة ولا لاء

الاء بغضب وقد خرجت عن شعورها : لا مش فاهمة ...وانا اي الي يجبرني اني اعمل الي بتقول عليه ده ، ف شرع مين اساسا .
عز ببرود : ف شرعي انا ، وانا الي بجبرك انك تعملي كدا وكلمة ابيه دي مش عاوز اسمعها تاني انا عز ،عز وبس .

الاء : اما امرك عجيب صحيح مش كلمة ابيه دي انت الي فرضتها عليا مش قولتلي مش عاوز اسمعك بتقوليلي يا عز حاف ومن هنا ورايح تقوليلي يا ابيه عز... مش ده كلامك ولا انا جايباه من عندي ، ما ترد ساكت ليه رد يا ....يا ابيه .
وقف عز صامت ينظر لها ولم ينطق باي كلمة
الاء بغضب : وبعدين مين اداك الحق انك تتحكم بحياتي ها ...الحق ده انت ضيعته من زماااان اوي اوي يا عز ..فاكر ، فاكر لما جتلك هنا فنفس المكان وقولتلك اني بحبك فاكر عملت اي ولا تحب افكرك ...انا بقول افكرك .
حلت في عينيها نظره حزن شديد وعتاب محل الغضب ودمعت عيناها وقالت بصوت منخفض عكس صوتها الغاضب  وقالت بدموع وحزن شديد : ضربتني .... ضربتني قلم عمري ما نسيته ولا هنساه ، ضربتني وذلتني  واهنتني كاني جاية اعرض نفسي عليك مش جاية اقولك علي مشاعر حلوه وبريئة اول مره احسها كانت ليك وعشانك ...جيت اصرحك بمشاعري تجاهك يمكن حلمي يتحقق وتبادلني نفس مشاعري الصادقة ...حتي لو رفضت مشاعري ومبدلتهانيش كان ممكن ترفض بطريقة احسن من كدا من غير مد ايد من غير احانه وكسرة قلب وخاطر من غير وجع وخصام وتجاهل 3 سنين من غير ولا كلمة ونظرات اسقع من التلج .....جاي بعد ده كله جاي تتحكم فيا وتقولي اعملي ومتعمليش وتقولي انتي ليا  .... مش بمزاجك ، مش بمزاجك
تبعدني وتقربني وقت ما تحب انا مش لعبة ف ايدك ...انا بني ادمة ، بني ادمة ليا مشاعر وكرامة .. وانت جيت علي مشاعري وكرامتي كتير اوي وانا خلاص اكتفيت ....مش انت قولتلي شوفي حياتك اديني بشوفها وبشوفها كويس اوي ، سبني ف حالي بقا ... سبني ف حالي .