غلطة غيرت حياتي (مكتملة)

البارت الثامن عشر

احببتك علي الرغم من كل شئ ، حتي عيوبك اراها مميزات .... جنونك عصبيتك غضبك وغيرتك ، لم اذق حبك وحنانك بعد ... ولكني اعدك ساتذوقه ❤❤

في الصعيد كان الشباب والبنات يجلسون مع بعضهم
نور بضحك: كفايا يا الاء ابوس ايدك بموت من الضحك .
الاء : والله زي ما بجولك كدا 😂
اياد بضحك: انتي مش طبيعية والله .
شروق: لا ده العادي بتاعها ده هي كدا هادية .
نور : كمان 🙆🙆😂
وظلوا يضحكون مع بعضهم الي ان نزلت سلمي وكانت ملامح وجهها حزينه
لاحظ ملامحها اياد ف قام وجلش بجانبها
اياد: مالك يا سلمي في اي .
سلمي بحزن : مخنوجة مخنوجة اوي يا اياد
اياد باهتمام شديد : ليه في اي حصلك حاجة حد عملك حاجة .

كانت علي وشك الكلام الي ان دخل الجد فوقف الجميع .
الحاج منصور بابتسامة : اها متچمعين عند النبي .
الجميع : عليه افضل الصلاه والسلام ❤
الحاج منصور: اي سر التچمع الحلو ده .
نور : ولا اي حاجة يا جدو الاء حبت تموتنا من الضحك بس .
الحاج منصور ل الاء: مش هتبطلي حركاتك دي ابدا يا لؤلؤتي.
ذهبت اليه الاء واحتضنته : طب بذمتك تجدر تعيش من غيري يوم واحد .
الحاج منصور بحنان : ولا اجدر حتي افكر فيها .
شروق : يا عيني يا عيني يا بختك يا ست الاء .
الاء: جري جري عليا مهي ناجصة
الحاج منصور : يلا هروح انا علي مكتبي .. خلو بالكم من البنات يا رچاله .
الشباب : حاضر يا جدي .
وكان علي وشك الذهاب الي ان لاحظ ملامح وجه سلمي الحزينه .
فوقف : مالك يا سلمي وشك حزين ليه اكده يا حبيبتي .
ف انتبه اليها الجميع .
سلمي : ولا حاچة يا چدي .
الحاج منصور : تعالي اوجفي جدامي .
ف ذهبت له سلمي ووقفت امامه .
الحاج منصور: ها في اي حوصول جلب وشك الي كان دايما يضحك كدا في حاچة .
سلمي بحزن : ايوا يا چدي .
الحاج منصور : جولي يلا في اي .
سلمي : دكتور حسام الي عندنا ف الكليه يا چدي .
الحاج منصور: ماله ضايجك ف حاچة .
سلمي بحزن : مش عارفة ماله ومالي يا چدي مستجصدني في الراحة والچاية وفي المحاضرات كمان واخر حاچة النهارده عندنا تدريب عملي المفروض نتوزع علي المستشفيات كل مچموعة ف مستشفي ولما اچا دوري اعرف انا ف اي مستشفي جالي محطتكيش وملكيش عملي ولما سالته ليه جالي بما انك بقا من عيله حاكمة الصعيد كله وغنيه اوي خلي بجا چدك يبنيلك مستشفي ليكي اطلعي فيها عملي براحتك اما اما مش هطلعك عملي ومش هديكي درچاتك ... وانا كدا هسجط يا چدي .
قالت جملتها الاخيره بدموع .

عز بغضب : هو اي الاستعباط ده اتجنن ده ولا اي اسمه اي الواد ده .
سلمي : اسمه حسام العمري .
سليم : ااااااااه ابن حسين العمري ... لازم طبعا يطلع قليل الادب وميطقكيش احنا ولا بنطقهم وهما ولا بيطقونا والي زودها ان احنا مرضناش نعمل اخر صفقة معاهم .
سلمي بحزن : ايوا بس انا مالي ومال كل ده اي علاجة الشغل بالكليه .
نور ذهبت اليها هي وشروق والاء : معلش معلش هتتحل اكيد هو رخم اصلا .
الحاج منصور بصرامة: بس خلاص .