غلطة غيرت حياتي (مكتملة)

البارت السابع

الضيق ثم الفرج
العسر ثم اليسر
الحزن ثم السعادة
هذه هي الحياة ....وهذا هو عوض الله الجميل ❤❤

نبدا من فيلا محمد المنياوي في الصباح علي مائدة الافطار
كان الجميع يجلس علي المائدة وكان محمد المنياوي يترئس الطاولة .
محمد : اجهزوا بقا يا ولاد عشان باذن الله بكرا يعدي بعده هنكون ف البلد مش عايز تاخير .
نور : انا عن نفسي جاهزة ومتحمسة جدا جدا انا من زمان نفسي اروح اوي واشوف جدو اوي وعمامي واولادهم والبلد نفسها هموت واروحها ف متحمسة اوي وجاهزة من دلوقتي لو تحبوا
هناء: كأنك طالعة رحله مش رايحين هناك عشان خايفين علي اخواتك .
نور : الاتنين يا ماما الاتنين حماية لاخواتي ورحلة كنت هموت واطلعها .
ايهاب بسخرية وغرور: انا مش عارف والله عاجبك انك رايحة هناك ف اي الطين ولا الناموس الي هيكولنا ولا اي انا مش فاهمك بعد الڤلل والعربيات نروح للطين والبهايم والحر والناموس انا اساسا ............ قاطعة صوت محمد الغاضب بزعيق : ولددددد احترم نفسك واتكلم عدل علي البلد الي ربت ابوك وجدودك يا قليل الرباية، البلد الي عمال تتريق عليها دي يا ننوس عين امك هي الي هتأويك وتحميك من معارفك الهباب الي ودونا فداهية والي ياما حظرناك منهم ف متتحمقش اوي كدا ليطقلك عرق واتكلم علي بلدك وبلد ابوك وجدك عدل مهو لو كنت اتربيت هناك مكنش ده بقا حالك ...انا ماشي اما اشوف حل عشان نسافر بلاش قرف بقا .
هناء بسرعة: محمد محمد اهدي يا محمد ... تمشي فين انت مكلتش حاجة اقعد كمل اكل عشان خاطري يا حبيبي .
محمد بغضب : لا اكمل اي مهو ابنك سدلي نفسي .
وتركهم وذهب .
احمد نظر لايهاب بحدة : هو انت مش ناوي تبطل الدبش الي بينقط من بؤك ده يا اخي في حد يقول كدا بردو .
ايهاب بلا مبالاه: انا بقول رأيي لاقيته زي ما انت شوفت كدا اعمله اي يعني  هو حر اساسا مش طايقلي كلمة .
هناء : لاااااا بقا احترم نفسك اي هو حر دي هو صاحبك بيلعب معاك ف الشارع ده ابوك وهو يعني بيعمل كدا عشان مين مش عشان سيادتك ده انت بقيت معندكش دم صحيح .... عقله يا احمد عشان ميندمش علي قلة ادبه دي .
وتركتهم وذهبت هي ايضا .
وكل هذا تحت انظار نور وهي صامته ولكن تنظر لاخيها بحدة وضيق علي غروره الذي لم ولن ينتهي .

لحظات ودخلت شاهي مسرعة ووقفت امامهم
شاهي بسرعة: صحيح الي سمعته ده يا ايهاب الشركة وكل حاجة راحت وهتتعرض للبيع .
نور بضيق : اهلا اهلا اهي الكونتيسه شرفت .... صباح الخير عليكي بردو ، انا رايحة الكليه عشان اشوف اجراءات التحويل مهياش ناقصة قفلة يوم اكتر ما هو اتقفل ...والنبي تيجي توصلني يا ابيه احمد .
قام احمد : يلا يلا يا حبيبتي تعالي اوصلك ..وانتي اتفضلي اقعدي يا شاهي اتكلمي مع ايهاب براحتكوا عن اذنكوا ، يلا يا حبيبتي .
وذهب احمد مع نور ليوصلها للجامعة .
( ملحوظة : احمد ابن اعز الاصدقاء ل محمد من ايام الطفولة ومتربي معاه واتجوز الانتيم ل هناء مني بس الاتنين ماتوا ف حادثة سياره والوحيد الي نجي منها هو احمد وكان عمره وقتها 5 سنين ومن ساعتها وهو عايش معاهم ومحمد وهناء ربوه زي ابنهم بالظبط  مع ايهاب وبعدين جت نور وهو يعتبر اخوهم بالظبط لانهم متربي معاهم زي الاخوات مفيش تفرقة بنهم ).