غلطة غيرت حياتي (مكتملة)

البارت الثاني والعشرون

وتعلم كيف تحافظ علي نعمك ، وان تستغل فرصك ، وان تقدر الاشخاص التي وقفت بجانبك وانت في امس الحاجة للدعم ، وان تقبل اليد التي امدت لك يد العون وقت الخذلان .... ولا تكن ابدا ناكرا للجميل
من اكرمك اكرمه ومن اساء اليك اكرم نفسك بالبعد عنه ❤❤

كان احمد يجلس في غرفته وهو في قمة عصبيته وغضبه ..لا يعلم لماذا لا ترد عليه وتقفل الخط عندما يهاتفها ، هو يريد ان يتحدث معاها الان وان يسمع صوتها اذا لماذا تمنعه من سماعه

دخل ايهاب عليه الغرفة .
ايهاب : يا احم..... يا ساتر يارب اي ده في اي مالك مكشر كده ليه اي حصل .
احمد بغضب : برن علي شيرين مش بترد عليا ، يا متردش يا تكنسل وانا مش عارف فيه اي .
ايهاب: طب ما تهدي اهدي ممكن تكون مع جاسر
احمد بغضب شديد: وهي تبقا مع زفت الطين ده ليييييه ... وحتي لو معاه اي كول ده هو موراهوش غيرها ف الشركة دي ولا اي مش بيتنيل يروح .
ايهاب وهو بيضيق عينه : الله لا ده انت هصبي النهارده خالص محدش قادر عليك ... طبيعي لازم تكون مع جاسر كتير يا احمد بتشتغل معاه ولازم تكون موجوده وكمان هي صح مخناش عاوزين حد يعرف مكانا وجاسر بالذات لو ردت عليك قدامه هيشك فيها 

احمد وهو بيحاول يهدي : طيب طيب هديت اهو لما نرشوف هسيبها امتي لوحدها اعرف اكلمها ف الليلة السوده دي .
ايهاب بخبث: الا قولي من امتي وانت بتكلم شيرين ده انت اقل واحد بتكلمها اي بقا الي لم الشامي ع المغربي .
احمد بتهرب : ولا شامي ولا فينو حل عن سمايا اي يعني لما اكلم شيرين مش .. مش صاحبتنا من زمان ولا اي ، وبعدين بطمن عليها مش كفايا قاعده مع زفت ده لوحدها خايف يعمل فيها حاجة ولا ياذيها ده ميضمنش .
ايهاب بهدوء: لا متقلقش مش هيعمل فيها اي حاجة لو السما انطبقت ع الارض جاسر عمره ما ياذي شيرين ولا يسمح بكدا ابدا تحت اي ظرف .
احمد بعصبية: ليه بقا ان شاء الله ماسكة عليه ذلة .
ايهاب بسخرية : لا لا يا حبيبي عشان بيحبها ولا بيحبها اي ده بيعشقها وبيعشق التراب الي بتمشي عليه ومش من دلوقت ده من زمان اوي من ايام الجامعة بس انت الي كنت ومازلت اعمي ومش شايف .
احمد بغضب : اي الكلام الفارغ الي انت بتقوله دااااا .
ايهاب: ده مش كلام فارغ دي الحقيقة الي انت مش شايفها ومش عايز تشوفها .... جاسر عمره ما حب ف حياته ولا هيحب غير شيرين انما شاهي دي متجوزها عشان ينتقم مني بس وهي رخيصة وراحت مع الي معاه فلوس والحمد لله انه خدها متلزمنيش ده انا علي رأي نور اختي كنت اعمي يوم ما حبتها او كنت فاكر كدا كفايا عليها اوي معاملة الكلاب الي هو بيعاملهالها دلوقت انما هو حسابه قرب معايا اوي .... فوق فوق كدا يا ابو حميد بدل ما تلاقي نفسك ندمان وده احساس وحش اوي .
وتركه وخرج
جلس احمد علي السرير .
احمد بغضب : ماشي ماشي يا جاسر الكلب شيرين لا كله الا شيرين ويانا يا انت المره دي لا يمكن شيرين تبقا ليك ف يوم من الايام ده نجوم السما اقربلك .

في غرفة اياد
كان يجلس ويفكر في من سرقت قلبه وعقله معا
الا ان رن هاتفه نظر اليه فوجد المتصل جاكلين .
اياد بانزعاج : هوووووف ودي عايزه اي دي
اياد: الو .
جاكلين بسرعة : اياد حبيبي وحشتني
اياد : جاكلين هو انا مش طلبت منك انك متتصليش بيا هنا .
جاكلين بدلع : وحشتني اي هو انا موحشتكش ولا اي .
اياد بانزعاج : جاكلين متتصليش بيا هنا احنا هنا مش ففرنسا انا هنا ف بلدي والكلام ده مش مقبول .
جاكلين : طب انت راجع امتي .
اياد تذكر سلمي وانه لن يستطع العوده لقد تعلق بالجميع هنا وسلمي حبيبته هنا مالكة قلبه وعقله واولاد عمه الذين بمثابة اخوه له عوضوه عن الوحده
ومراره فقدان امه فلم يعد يعاني من الوحده والالم هنا وايضا وجد حبه الحقيقي هنا ف هو الان لن يستطيع العوده وترك كل هذا النعيم وراءه .