غلطة غيرت حياتي (مكتملة)

البارت الثالث

وما فائدة ان تعرف ان ما تفعله خطأ ولا تعترف بيه
وما فائدة اصلاحه بعد فوات الاوان .

خالد :............. عشان راجعين مصر الاسبوع الي جاي .
اياد بصدمه : اي ؟؟؟!!
خالد ببساطة: بقولك راجعين مصر الاسبوع الي جاي وهنروح عند اهلي ف الصعيد .
اياد بغضب : اي الي حضرتك بتقوله ده يا بابا مصر اي وصعيد اي الي انت عايزني اروحه الكلام ده مستحيل يحصل مستحيل ؟؟؟!
خالد بغضب :جرا اي يا ولد شايفني كبرت خلاص وبخرف قدامك ولا يكنش شايف نفسك كبرت وهتمشي كلامك عليا .
اياد: انا اسف يا بابا مش قصدي انا بس ......
قاطعه خالد : بلا بس بلا مبسش اظاهر بقا اني انا دلعتك اوي زياده عن اللزوم لدرجة ان حالك مال معدش حد قادر عليك..... بس لا فاهم يعني اي لا هنرجع مصر يعني هنرجع مصر وحياة الصرمحة والبنات والقرف الي انت فيه ده خلاص بح خلصت .
اياد بصدمة: ب بنات اي بس يا بابا مفيش الكلام ده .
خالد : لا والله عيل صغير انا هتضحك عليه هو انا واحد من صحابك الصايعين دول لا كدا فوق وصحصح انا ابوك عارف يعني ابوك ولا يكنش نسيت مثلا محتاجني افكرك ..... هو انت فاكرني نايم علي وداني مش عارف الي بتعمله ولا اي يا دنجوان فرنسا بس حاضر حاضر يا اياد من بعد موت امك وانت حالك مال بس وماله نعدله وان متعدلش بالذوق نعدله بالعافيه.

اياد : طب وشغلي وحياتي انا كل حاجة ليا هنا يا بابا والمستشفي بتاعتي .
خالد: بسيطة صفيهم من هنا وخلال الاسبوع ده جهز نفسك ورتب اوراقك وصفي كل شغلك هنا حتي انا هصفيهم وارجع مصر اعمل كل حاجة هناك مش حجة لولا اني جيت انا وامك نعيش هنا كان زمان حياتك بقت ف مصر مش هنا ابدا ودي غلطتي انا بس كل حاجة من هنا ورايح هتتصلح .
صمت قليلا ثم تابع بصرامة: وزي ما قولتلك جهز نفسك عشان هنرجع مصر انا هكلمهم النهارده واقولهم اننا جايين وكلمة زياده ف الموضوع ده وهتشوف وش عمرك ما شوفته ولا تتمني تشوفه مني فاهم ولا لاء .
اياد : الي حضرتك تشوفه يا بابا .
خالد : مهو من هنا ورايح مش هيحصل غير الي انا عايزه والي هشوفه متقلقش .
ونظر لابنه ثم تركه ذهب الي غرفة مكتبه .
رمى اياد بكل ثقله علي الكرسي وقال : وبعدين بقا ... وبعدين ف المصيبه الي نزلت علي دماغي مره واحده دي .

نذهب الي ذلك العز البارد نجده جالس علي مكتبه يراجع بعض الملفات بتركيز شديد قاطعه طرقات علي الباب فقال بصوته العميق البارد : ادخل .
دخلت سكرتيرته رشا : الملفات الي حضرتك طلبتها يا فندم .
قال دون النظر اليها : حطيها هنا يا رشا وياريت تجبيلي القهوة بتاعتي .
رشا : حاضر يا فندم .... عن اذنك .
وذهبت وبعد دقائق دخلت بفنجان القهوة خاصته .
ووضعته امامه وتركته ورحلت تكمل عملها .
ترك عز ما في يده وخلع نظارته الطبيه وارجع رأسه الا الخلف واغمض عيناه .
وبمجرد ان اغمض عيناه ظهرت امامه صورة الاء وبضحكها وبمرحها ومشاكستها الدائمة للجميع
ففتح عيناه وتذكر يوم اعترفت له الاء بحبها لاول مره من ثلاثة سنوات