غلطة غيرت حياتي (مكتملة)

البارت الرابع عشر

ما اشد حيرتي فيما اريد فعله وما استطيع فعله

وان كان الماضي لا يستحق الحديث .. فالنصنع مستقبل يستحق ان يحكى ❤❤

في الصعيد في قصر الحاج منصور المنياوي .
تحديدا في حديقة القصر .
اياد بعد ان انتهي من الشرح: ها يا ياستي فهمتي دلوقت .
سلمي : ايوا طبعا فهمت ... شرحك حلو جوي .
ولكن كان رد اياد عليها هو الضحك .
سلمي باستغراب : بتضحك علي اي .
اياد : اصل شكلك حلو اوي وانتي بتتكلمي صعيدي .
سلمي انزلت رأسها بخجل .
اياد: وشكلك غريب بردو .
سلمي : غريب كيف يعني
اياد : يعني الي يشوفك ميقولش انك صعيدية وبتتكلمي صعيدي .
سلمي بعد ان فهمت مقصده ف ردت بابتسامة : علي فكره انا بعرف اتكلم قاهري احسن منك وممكن اتكلم معاك عادي جدا بس اما بعتز بالصعيدي وفخوره اني من هنا عشان كدا بتكلم صعيدي ف اي مكان حتي لما بروح القاهره بكون فخوره جدا بلغتي الصعيديه
ده غير ان مينفعش اتكلم غيرها طول منا قدام جدي احتراما ليه ولمقامه حتي عمي خالد والدك وعمو محمد مع انهم قضوا سنين كتير في فرنسا والقاهره الا انهم دلوقت بيتكلموا صعيدي هنا احتراما لبلادهم ولجدو الي هو ابوهم ... وابيه عز وابيه سليم متعلمين ف امريكا بس هنا بيتكلموا صعيدي قدام جدي احتراما ليه ، عرفت ليه بقا انا بتكلم صعيدي مش قاهري مع اني بعرف .
نظر لها اياد باعجاب وانبهار من ردها المقنع والسريع : عرفت، عرفت يا سلمي وصدقيني اكيد جدو فخور بيكي كمان والبلد كلها زي ما انتي فخوره بيهم .
سلمي : اتمني يا اياد اتمني ... لو تحب اتكلم معاك قاهري معنديش مانع .
اياد بسرعة: لا اتكلمي صعيدي انا حبيت الصعيد ولغتها اوي ف عايزه تتكلمي صعيدي حتي معايا .... لسه قايلك ان شكلك حلو وانتي بتتكلميه
نظرت له سلمي بخجل .
سلمي : طب يلا خد اشرحلي دي كمان .
اياد: استغليني بقا استغليني لما عرفتي اني دكتور .
سلمي : الله مش جولتلي قوليلي اي حاچة مش فاهماها استحمل بجا .
اياد بضحك: ههههههه بتعاقبيني يعني ... ماشي يا ستي تعالي .
ورجع يشرح لها ما لا تفهمه اما هي فظلت تنظر له وكانه اخر رجل علي وجه هذه الارض .

اما داخل القصر كان يجلس ذلك الهادئ الرزين سليم ينهي بعض الاعمال علي جهاز اللاب توب
وفي هذه الاثناء نزلت المشاكسه الثانيه نور .
نزلت تقفذ من علي السلم وفي اذنها السماعات .
وعندما رات سليم يجلس علي اللاب ابتسمت واتجهت ناحيته لتتكلم معه ف هي كانت تريد هذا منذ البارحة .

نور بمرح وابتسامة: صباح التوت ع الناس الكيوت .
سليم نظر لها بابتسامة متعجبه : اي .
نور بضحك: هههههه بقولك صباح التوت ع الناس الكيوت ، يعني صباح الخير يا سيدي .
قالت هذا وهي تجلس امامه .
سليم بابتسامة : طب ما تقولي كدا من الاول .. صباح النور يا ستي .
نور : طبعا مكنش عندنا فرصة نتعرف علي بعض امبارح ... انا نور بنت عمك محمد واخت ايهاب .
اياد بابتسامة: وانا سليم ابن عمك مصطفي واخو شروق .
نور بمرح: طب منا عارفة .
سليم : وعرفتي ازاي بقا .
نور ببساطة: سالت عليك البنات .
سليم باستغراب : سالتي عليا انا ... طب ليه .
نور بابتسامة: كدا حسيت اني عايزه اعرفك ف سالت عليك قالولي شوشو بقا قالتلي انك اخوها وعرفوني عليك ، ودلوقت لقيتك وانا نازله بالصدفة قاعد لوحدك قولت ان دي فرصة اتعرف عليك بنفسي بس 🤷.
سليم قفل اللاب توب ومال الي الامام يسند علي الطاولة: انتي جريئة اوي .
نور باستغراب : جريئة ... جريئة ليه .
سليم : اصل اي بنت هتتكسف تقول لشاب انها مهتمة وسالت عليه وحتي لو ده حصل هتخليه بينها وبين نفسها .
نور بابتسامة: لا دي مسمهاش جرأة يا باشمهندس دي اسمهاصراحة، وبعدين هخبي ليه هو انا بعمل حاجة غلط انا عايزه اتعرف علي ابن عمي .. الي بيخبي ده بيك ن عامل حاجة غلط مش عايز حد يشوفها او يعرفها بالبلدي كدا علي راسه بطحة وانا مش علي راسي بطحة حتي شوف .