غلطة غيرت حياتي (مكتملة)

البارت الخامس

الحياة تجارب كتيرة.....اقرب الناس اليك يؤذوك ويخونوك سترى الحياه علي انها سوداء وكانها ابشع ما يكون .... ولكن لا نعلم ان الله يسير لنا حياتنا لنرى اجمل ما فيها ، يزيل اشخاص من حياتنا ليحل محلهم اشخاص تعرف قيمتنا وتحبنا بصدق وهؤلاء الاشخاص لا يأتون لا بعد عناء❤❤

ايهاب بهدوء : ..........الا قولي يا جاسر اخبار حميد الشرقاوي اي ؟؟!
جاسر بصدمة :....اي حميد الشرقاوي ؟؟...ح ح حميد الشرقاوي مين.
ايهاب بضحكة سخرية : ههههههه جرا اي يا جاسر هي صدمة خساره الصفقات نستك نفسك ولا اي مش فاكر حميد ياراجل هههههه.
جاسر بتوتر: لا لا فاكره بس اصل يعني .... اي علاقته بالموضوع .
ايهاب بهدوء : اصل هو الي عمل كدا وخسرنا الصفقتين ...ده طبعا بالتعاون مع حد قريب مني اوي لدرجة انه عارف كل حاجة عن الصفقتين عشان اخسرهم واخسر معاها كل حاجة كدا .
جاسر بعد ما استجمع قوته : ايوا طبعا هو مفيش غيره احمد .... احمد هو الي عمل كدا محدش غيرنا احنا التلاته الي عارفين يبقا هو احمد مفيش غيره .

كان جاسر يتكلم بانفعال وايهاب يتابعه بهدوء وسخرية مخلوطه بخيبه امل كبييييره ودموع علي خيانة صديقه الذي ظن ان خانه الجميع هو لن يفعل ...جاسر الذي كان دائما يحاول ان يقلبه علي صديق طفولته احمد والذي احزن ايهاب انه في بعض الاحيان يميل لكلام جاسر ويغضب علي احمد ويخونه ويتوخى الحظر منه وتذكر جميع المواقف الي كان يأتي علي احمد فيها لاجل جاسر والحزن الذي كان يسكن عيون احمد في كل موقف ومع ذلك تحمله ولم يغضب ويتركه لنفسه بل كان اول الحاضرين اذا احتاجه ... لا يعلم بان من كان يجب ان يتوخى الحظر منه كان بجانبه طوال الوقت واقرب الناس اليه.... كل هذا وهو ينظر اليه وعلي فمه ابتسامة سخرية .
وفي هذه اللحظه دخل احمد
احمد : ايهاب انا عرفت ........ اي ده جاسر .
جاسر ذهب اليه سريعا ومسكه من لياقة قميصه : انت انت يا احمد تعمل كدا انت طبعا مهو ياما تحت الساهي دواهي مين كان يصدق ان احمد الطيب الغلبان الصدر الحنين للكل يبقا بالمنظر ده ده انا هشرب من دمك .
قام ايهاب من علي مكتبه سريعا وابعد جاسر عن احمد
ايهاب بغضب : ابعد ... ابعد ايدك القذره دي عنه ... الطيب ده جزمته برقبتك ورقبة مية زيك يا كلب يا خاين انا انا تعمل فيا كدا يا جاسر انا .
جاسر : اي الي انت بتقوله ده يا ايهاب
احمد بهدوء: بيقول الحقيقة... الحقيقة الي انت عمال تحور وتدحلب عشان تداريها يا جاسر بيه ولا تحب اقولك يا مارك.
جاسر بصدمه : اي
احمد بسخرية: اي الاسم جديد عليك ولا اي مش ده بردو الاسم الي انت بتستورد بيه المخدرات والسلاح وبتعديهم بيه وتدخلهم مصر وتخرجهم منها بردو للمافيا ولا انا بتخيل وبقول اي كلام .
جاسر : مخدرات اي وسلاح اي ومافيا اي الي انت بتقول عليهم دول ...اي الفيلم الاجنبي ده .
ايهاب بغضب : والله الفيلم الاجنبي ده احنا الي نسالك عليه مش انت .... مش انت بردو الي متعاون مع حميد الشرقاوي ف كل ده ، مش انت الي مسلمه ورق الصفقتين وخدت منهم صافقة لحسابك ده غير الصفقات التانيه الي كنت اقولك فين ارباحهم تقولي بشغلهم ف البورصه والسوق اتاريك بتشغلهم لحسابك لدرجة ان ربنا كرمك اوي وفتحت شركة باسمك صح ولا لا يا ابو فيلم اجنبي .