غلطة غيرت حياتي (مكتملة)

البارت الرابع

تعلم ان تطلب من الله ما تريد ....وان ترضى وتقبل بنفس راضية ما يريد ؛ لان اراده الله دائما تاتي بالخير ....ولما لا وهو ارحم الراحمين ❤❤

ايهاب وقف بغضب وقال بصدمة: يانهار اسود ومنيل اي الكلام الزفت الي بتقوله ده .
احمد : والله هو ده الي حصل يا ايهاب انا ...انا شخصيا هتجنن مش عارف اي ده ولا حصل ازاي .
ايهاب بغضب : طب اقفل اقفل وانا هحاول اتصرف .
وقفل الخط مع احمد .
محمد بقلق : اي يابني اي في اي .
ايهاب جلس بصدمة ولا يرد .
هناء بقلق اكبر : اي يا ايهاب متوجعش قلبنا في اي .
ايهاب : كل حاجة راحت .... الصفقتين الي داخلهم وبقلب جامد بكل الي معايا ومتاكد انهم ليا وده الي حصل اكتشف دلوقت انهم مرسيوش عليا .... بس ازاي ازااااي وجاسر بنفسه مستلم كل حاجة والورق الي بيثبت انهم رسيوا علينا انا هتجنن مش فاهم .
نور بقلق: طب...طب خيرها ف غيرها بقا يا حبيبي متزعلش عوضها ف الي جاي .
ايهاب بغضب : اعوضها ف اييييي هو اي الي جاي بقولك الصفقتين دول اهم صفقتين ف حياتي وراح فيهم تقريبا تلت تربع مزانيه الشركة يعني كدا الشركة راحت و احتمال يحجزوا علي كل املاكي الي باسمي عارفة يعني اي ...يعني كارثة .

نور شهقت بصدمة .
هناء : يادي المصيبه يادي المصيبة .
محمد :طب اهدي اهدي بس هو انت مش قولت جاسر الي كان مسؤول عنهم متتصل بيه تساله افهم بدل ما بتضرب اخماس ف اسداس كدا .

ايهاب بسرعة : اه ايوا صح معاك حق يا بابا انا هتصل بيه .
وفعلا اتصل بجاسر
جاسر: الوا ايوا يا ايهاب .
ايهاب بسرعة : جاسر تعالالي ع الشركة فورا في مصيبه .
جاسر : مصيبه ... مصيبة اي طب روح وانا قايم اهو وحصلك .
ايهاب : بسرعة بسرعة ومتتاخرش .
واقفل الخط معه
ايهاب : انا قايم اروح اشوف في اي .
هناء : خلي بالك من نفسك يابني والنبي .
ايهاب : ان شاء الله مع السلامة .
وتركهم ورحل
نور : اي المصيبه الي حلت علينا فجأة دي ...خو في اي بس ياربي .
محمد : خير خير كله خير باذن الله هتتحل .
هناء : هو كله من وش النحس الي عايز يتجوزها دي هي بتبقا اقدام واعتاب وهو بان قدمها قدم اسود .
نور بتحاول تكتم ضحكتها علي شكل امها .
نور : ياماما يا ماما هو ده وقته ..... بس تصدقوا انا شاكة ف حد هو الي عمل كدا .
محمد : شاكة ف مين ؟؟
نور بتفكير : شاكة ف جاسر .
هناء : حرام عليكي اي الي بتقوليه ده جاسر اي بس ده صاحب عمره من وهما صغيرين هيعمل فيه كدا انتي بس الي طول عمرك مش بتحبيه  .
نور بتهكم : وميعملهاش ليه يعني طول عمره غلاوي وحقود ومش بيحبله الخير وانا اكتر واحده عارفة كدا ومش عارفة انتوا مش اخدين بالكوا ازاي ...وبعدين مهو الي متنيل مسؤول علي الصفقتين يبقا هي صح هو جاسر وبكرا تشوفوا وتعرفوا .
محمد : ان بعض الظن اثم يا نور متظلميهوش مشوفناش منه حاجة وحشه .
نور : ده مش ظن ده تاكيد يا بابا وانا متاكده ان هو الي وراها وبكرا تشوفوا بس نعدي منها بس .
هناء : يارب يارب بس متقوليش الكلام ده قدام اخوكي بس .
نور بسخرية : ال يعني لو اتقال قدامه هيصدق ده ممكن يتهمني انا .... هو من امتى بيصدق حاجة علي ست شاهي هانم واستاذ جاسر بيه بس يا ماما بس والنبي .... اهم حاجة بس ابيه ايهاب دلوقت ومش حاجة تانيه .
نور فنفسها : ماشي يا جاسر الكلب انا متاكده ان انت الي عملتها محدش يعرف حقيقتك زيي ومن زمان .