غلطة غيرت حياتي (مكتملة)

البارت السادس

في حلمي احلم بك واقع
وفي واقعي انت اجمل حلم❤❤

نبدا من القاهرة في فيلا محمد المنياوي يدخل ايهاب و احمد فيلتفت اليهم الجميع .
هناء وهي تجري عليهم : اي يا ولاد في اي انتوا قلقتوني بتصل بيكوا محدش بيرد اي حصل اي ؟
ايهاب ذهب وجلس بدون ان يتحدث جلس بتعب .
محمد: مالك يا ايهاب اي حصل رد علينا يابني .
طب بلاش انت قول انت يا احمد في اي .
احمد بتنهيده : موقفنا صعب اوي اوي يا عمي ... جاسر ودانا فداهية وضيع كل حاجة منه لله .
هناء باستغراب : جاسر ... يعني اي جاسر وداكوا فداهية انا مش فاهمة !
نور: وهي دي محتاجة فهم يا ماما هو الي عامل كل الغاغا دي انا قولتلكوا من الاول ان هو مش مظبوط وهو حقود وخبيث وعمره ما حب ولا هيحب غير نفسه وهيجي يوم ويلدعنا كلنا بس كلكوا كنتوا بتدافعوا عنه وحرام يا نور ومش عارفة اي يا نور اديه ودانا فداهية علي راي احمد ..... ها اي بقا غير ان هو ضيع اكبر صفقتين عمل اي تاني .

ايهاب بسخرية : لا هو من ناحية عمل ف هو عمل كتير اوي لدرجة اني مش عارف اعد ... قولهم انت ياحمد والنبي علي ما اطلع اخد شور واغير هدومي ونزل مش قادر .
وفعلا ذهب ايهاب الي غرفته .
محمد : اتكلم يااحمد هبب اي استاذ جاسر .
احمد : حاضر يا عمي وقص عليه كل ما حدث ..................
هناء بصدمة : يا نهار اسود ومنيل يعني اي الكلام ده يعني اي هتضيعوا مني انتوا الاتنين .
احمد : اهدي بس يا امي .
هناء ببكاء : اهدي اي انت مسمعتش قالكوا اي قال هيدمر حياتكوا لا وكمان تاجر مخدرات وسلاح وزفت مافيا علي دماغه ولازم تروحوا مكان بعيد عنه تهربوا منه فيه يبقا عايزني اهدي ازاي يابني اهدي ازاي وانتوا الاتنين بتضيعوا مني عشان واحد معندوش دين زي ده .
احمد بسرعة : متقلقيش يا ماما والله هنبقا كويسين احنا بس عايزين مكان بعيد محدش يعرف ياذينا فيه وجاسر ميقدرش يوصله بس لكن غير كدا كله تمام وهيتحل باذن الله ومش هنضيع منك ولا حاجة .

هناء ببكاء : بردو بردو مش هرتاح لا ده ممكن ياذيكوا لو ف اخر الدنيا ... ونظرت لزوجها : اتصرف يا محمد اتصرف هيضيعوا مني والنبي طب انا لما اقابل مني اقولها اي اقولها معرفناش نحافظ علي احمد ابنك وابني الي ربيته والتاني كمان ايهاب ابني هيضيعوا هما الاتنين وانت واقف تتفرج كدا اتصرف .

محمد : هعمل اي هعمل اي منا بفكر اهو ف المصيبه الي حلت علينا دي الشركة كدا كدا هيتحجز عليها وهتتباع وكل حاجة هتروح وهو هيشتريها ... بس اهم حاجة دلوقت سلامة ايهاب واحمد دي اهم حاجة عندي دلوقتي لازم نفكر ف مكان يرحوه محدش يقدر يقربله .
وفي هذه الاثناء ينزل ايهاب وكان مستمع لكلام ابيه
ايهاب : مهو هو ده الي احنا جايين عشانه يا بابا الشركة وكدا كدا هتتعرض للبيع وهو هيشتريها عشان يزلني لكن اهم حاجة نلاقي مكان بعيد دلوقت بس هو فين .

جلس الجميع يفكر الا ان قالت نور بسرعة شديدة: الصعيد .
احمد : اي!!؟؟
نور : بقول الصعييييد مش احنا عندنا اهل بابا هناك و جدو هو الكبير هناك وحضرتك يا بابا كنت بتقولنا لما تيجي الفرصه هنروح هناك واهي جت اهي .
ايهاب: صعيد اي الي نروحه ده والنبي تنقطيني بسكاتك.
محمد : لا صح اختك صح معاها حق ده أأمن مكان ممكن تفضلوا فيه انت واحمد وعمر ما حد هيتجرأ يقرب منكوا هناك جدكوا ياكله بسنانه مفيش نملة بتخش البلد من غير ما جدكوا ياخد بيها خبر وامن البلد كلها ف ايده .... بس خلاص انا هتصل ب ابويا النهارده واقوله ومش ايهاب واحمد بس الي هيروحوا لا ده كلنا هنروح هناك انا كل حاجة وحشتني هناك كدا كدا كنا ف يوم هنروح ومفيش اكتر وقت مناسب غير ده جهز نفسك انت وهو يومين بالكتير اوي.وهنكون هناك انا هتصل بالحاج واقوله .
احمد : خلاص تمام انا هروح دلوقت وهاجي بكرا نرتب كل حاجة
هناء بسرعة: ت اي ت اي سمعني تاني كدا تروح ... لا بقولك اي زمان قولتلي انا كبرت وهعيش لوحدي ف ففلة ابويا وامي وقولنا ماشي سبيه علي راحته لكن دلوقت ابدا لو اتشقلبت منتاش ماشي من هنا تاني انا مش مستغنية عنك هبعت حد يجيب حتجتك من هناك وهتيجي هنا اوضتك جاهزة ومتوضبة محدش دخالها ومستنايك انما عيشة لوحدك تاني علي حثتي ومفيش ولا بس ولا مش بس ومش عايزه ولا كلمة انت فاهوم ولا مش فاهم .
احمد : حاضر حاضر يا ماما فاهم .
هناء : ايوا كدا.... كدا ابني الي انا ربيته رجع يعيش ف حضني تاني انما عيشه لوحدك تاني وكمان متهدد ده لما القيامة تقوم ده مش هيحصل .
محمد : هناء معاها حق محناش مستغنين عن واحد فيكوا ابدا يبقا كدا تمام كل واحد يروح اوضة يرتاح وانا هتصل بالحاج ابلغة بوصولنا بعد يومين كل واحد يرتب اموره عشان نكون جاهزين يلا .
وفعلا ذهب كل واحد الي غرفته للراحة ولا يعلمون ماذا يخبئ لهم الغد .