غلطة غيرت حياتي (مكتملة)

البارت التاسع عشر

عندما نحب ، نحب بجميع حواسنا وليس القلب فقط ❤❤

شيرين بصدمة: نهاااار اسود ومنيل انت بتعمل اي هناااا؟!
جاسر دخل وقفل الباب وجلس امامها وهي مازالت واقفة تنظر له بصدمة .
جاسر بضحك : ههههههه مالك يا شيرين في اي اقفلي بؤك واقعدي .
هزت شيرين راسها لتفيق من الصدمة .
شيرين : جاسر انت بتعمل اي هنا
جاسر بابتسامة: مالك يا شيري بس
شيرين :مالي اي ماااالي اييييييي انت مش فرحك كان امبارح يا جاسر ولا انا كان بيتهيالي .
جاسر بابتسامة: بالظبط كان امبارح .
شيرين : كمان بتأكدلي الفكره كماااان ، طيب بما ان فرحك كان امبارح .. انت بتعمل اي هنا دلوقت مش الفروض ان النهارده يوم صبحيتك .
جاسر : واي يعني
شيرين بصدمة: واي يعني، يا مثبت العقل والدين يارب ، انت عايز تجنني يابني في حد عاقل ف الدنيا يسيب مراته يوم صباحيتها وينزل يروح الشغل بدل ما يقعد معاها ويجهزوا لشهر عسل .. انت بتستعبط يا جاسر .
وجاسر كان يضحك عليها : ههههههههههه
شيرين : انت بتضحك علي اي انت عايز تجنني
جاسر بابتسامة وحب: اصل شكلك حلو اوي وانتي متنرفزة ومصدومة كدا ... قمر
شيرين : اااه ده انت فايق ورايق وبتهزر كمان والله انت مخك طق وفيوزاتك ضربت ، ربنا يستر عليك بقا لما تروح .
جاسر : يعني هقعد جمبها يا شيري ورايا شغل مش هقعد ادلع فيها واسيب شغلي تصرف امورها بقا انا مش بتاع قاعده .
شيرين: قمة الرومانسية ، وبعدين انا مقولتش تقعد بس مش كدا يا بابا متسبهاش من تاني يوم كدا اقعد اسبوع الاقل معاها لنا تيجي تروح تبقا مبلوعة انما تنزل من تاني يوم كدا مش ممكن .
جاسر بابتسامة: اهو الي حصل بقا يا شيري ... ها الجميل عامل اي ف الشغل .
شيرين هزت راسها بياس منه : الجميل جه وقعد شوية لقا كارثة جايه عليه والي هي حضرتك صدمتني بصراحة ، هقعد اكمل شغل تاني .
جاسر : وانا هقعد معااكي شوية وهقوم اروح مكتبي انا كمان.
شيرين : زي ما تحب اقعد يا سيدي .
وفجأة رن هاتف شيرين وكان مساعدها ف شركتها الاخري .
شيرين : الو ، ايوا يا ادم في اي .
: يعني اي مجبش الملف
: انا مليش ف كل الي بيقوله ده انا ليا الملف يبقا علي مكتبي بكرا الصبح يا ادم بكرا الصبح جه من غيره يبقا فداهيا متلزمنيش الصفقة دي .
: زي ما قولتلك كدا ابقا بلغه وقوله انسه شيرين الي قالت كدا .
: ماشي هحاول اخلص بدري النهارده واشوفك ، مع السلامة.
واقفلت الخط معه
جاسر ببرود: كان عايز اي .
شيرين: ابدا يا سيدي فيه عميل رخم شوية ف التعامل ف هشوف اذا كان هيتعدل نخلص الصفقة دي ومشتغلش معاه تاني ولو متعدلش بلاها الصفقة دي .
جاسر: وعايزك ف اي بعد الشغل .
شيرين: ابدا مهو انت عارف ان احنا ولاد عم ف مرات عمي عاوزه تعزمني ع الغدا عندهم النهارده ف قولت هحاول ، انت عارف هما ربوني بعد امي وابويا الله يرحمهم مقدرش ارفضلهم طلب .
ها بقا مش هتشوف شغلك ولا اي هتفضل قاعدلي ف المكتب ولا اي اتكل علي الله يا جدع بقا
جاسر : شيرين انتي بتكرهيني.
شيرين نظرت له باستغراب : ليه بتقول كدا .
جاسر : بعد الي حصل
شيرين: ااه بعد الي انت عملته ف ايهاب واحمد ، انا مش بكرهك يا جاسر بس مش مسامحاك .
جاسر : مش مسامحاني .
شيرين: ايوا مش مسامحاك ابدا و فنفس الوقت خايفة عليك من حساب ربنا وانتقام ايهاب انت مدوستش علي رجليه ومن مجرد كلمة اسف الدنيا هتتصلح لا انت اخدت حقه وتعبه ومجهوده ، اخدت خطيبته الي انت عارف انه كان بيحبها انا اسفة اني بقول كدا عشان هي دلوقت مراتك ، وغير كل ده انت خنته خنت ثقة خنت الصداقة .... وخلي بالك يا جاسر الحق دايما بيرجع لاصحابه مهما طااال الزمن او قصر دايما الحق بيرجع لاصحابه والي اخده بالغصب ده بيدفع التمن ، وصدقني انا خايفة عليك من التمن ده والله ... ربنا يهديك