غلطة غيرت حياتي (مكتملة)

البارت الثامن

العائلة تكون دائما بجانبك عندما تحتاج الي الحماية بعد الله عائلتك من تعطيك القوة والحماية والدافع لتستمر وان تقوم اذا وقعت .... ف تشبث بعائلتك ❤❤

نبدا من الصعيد في الجامعة تحديدا في كافتيريا الجامعة كانت تجلس كلا من شروق وسلمي والاء وكان شروق وسلمي يواسون الاء .
سلمي ببكاء علي اختها :خلاص خلاص بجا والنبي يا الاء خلاص والنبي بطلي بكا بجا انا خلاص هموت عليكي وخايفة يچرالك حاچة.
شروق ببكاء هي ايضا:سلمي معاها حج يا الاء ابوس يدك اهدي بجا والنبي ميستحجش كل البكا ده ولا كل الحب والعشج دول ميستهلهمش يا جلبي والله اهدي اهدي والنبي .
الاء ببكاء شديد: مهو انتوا مسمعتوش الي هو جالهولي ولا بيعاملني ازاي كان عدم الكلام ارحم من الي سمعته والمعاملة الچاز دي انا تعبت تعبت بچد من الحب ده كفايا كدا بجا كفايا .
سلمي : طب اهدي اهدي ونتكلم بعد ما تهدي ابوس يدك كفايا بكا يا جلبي .
وبعد فترة .
شروق : ها اي يا جلبي هديتي احسن دلوجت .
الاء وهي بتمسح دموعها : اه الحمد لله احسن .
سلمي : بنات ابيه عز لازم يتربى علي الي بيعمله ف اختي ده .
شروق بتاييد : اول مره تجولي حاچات صح كتير فيوم واحد بس معاكي حج والله لازم يحس علي دمه شوية بجا .
الاء باستغراب : نربيه ؟؟!! نربيه كيف يعني مش فاهمة .
سلمي : هنجولك بس اهم حاچة تعملي الي هنجولك عليه متضعفيش ولا جلبك يحن الا لما يتادب فاهمة ولا لا .
شروق : بالظبط كدا لااازم تنفذي كلامنا ممنوش فايدة من غير تنفيذك .
الاء بسرعة: هنفذ والله هنفذ كل الي هتجولولي عليه والله بس جولوا .

قص كلا من شروق وسلمي خطتهم ل الاء .
شروق : بس هو ده الي انتي هتنفذيه ولاااازم يتنفذ ابيه عز ضامن ان انتي بتحبيه وعشان كدا بيستجوا عليكي لكن لااازم نحسسه انك ضعتي خلاص ولازم يفوج بجا من الغرور والبرود الي هو فيه .
سلمي : ها هتنفذي ولا هتعرينا .
الاء : لا هنفذ هنفذ من اول النهارده وكويس الي حصل الصبح ده بيدعم موجفي اكتر ... خلاص يا بنات هنفذ متجلجوش .
شروق بخبث : يبجا علي خيرة الله نبدأ رحلة تاديب ابيه عز .

نروح مكان تاني ف القاهرة ف كافيه مشهور جدا .
كان جاسر يجلس ينتظر احد وهو يشرب قهوته .
وبعد دقائق جاءت.
نعم عايز اي بعد كل الي انت عملته ده .
كان هذا صوت شاهي وهي تجلس امام جاسر بضيق .
جاسر : اهلا اهلا اهلا بمكلة جمال العالم .
شاهي: اخلص يا جاسر جايبني ليه ولازم محدش يعرف وبتاع  بعدين اي الكارثة الي عملتها دي انا عايزه افهم ازاي تعمل كدا ف ايهاب ازاي .
جاسر : جايبك عنا ليه هتفهمي لما تهدي انما بقا عملت كدا ف ايهاب ازاي ... هو بقا ايهاب يهمك اوي كدا من امتي
شاهي بتوتر: يعني اي يهمني من امتي هو مش خطيبي وهيبقا جوزي يبقا اكيد يهمني .
جاسر بخبث: ايهاب الي يهمك ولا فلووووس ايهاب.
شاهي بغضب : لااااا ده انت اتجننت بقا انا ماشية انا ........
جاسر: اهدي اهدي اهدي ومتتحمقيش اوي كدا .... اي هي الحقيقة بتزعل للدرجة دي ، بصي يا شاهي انا عارف ان مركز وفلوس ووسامة ايهاب هما الي يهموكي مش ايهاب ف بلاش نضحك علي بعض انا فاهمك كويس .
شاهي : ولنفترض ان ده صح هتفرق معاك ف حاجة
جاسر : تفرق طبعا وتفرق جدا معاك ومعاكي كمان .
شاهي : ازاي بقا .
جاسر بمكر : لو همك ايهاب يبقا هتفضلي معاه ومش هتسبيه وكدا هتصعبي عليا مهمتي، اما بقا لو همك فلوس ومركز ايهاب ف كلهم بقوا ف ايدي شركته وفلوسه وكل حاجة بقت بتاعتي وساعتها هقدر اعرض عليكي عرضي
شاهي: الي هو .
جاسر بخبث : تتجوزيني .
شاهي بصدمة: اي .
جاسر : اي مالك اتصدمتي ليه كدا .
شاهي : ايوا بس انا مخطوبة ل ايهاب انت بتقول اي .
جاسر : بقول الي فمصلحتك ... ايهاب دلوقت بقا ع الحديده انا اخدت منه كل حاجة الفلوس والشركة والصفقات بالسمعة الي عملها السنين دي كلها ، هممم هتستحملي واحد ع الحديده محلتوش حاجة دلوقت ولسه هيبتدي من الاول ده لو انا اساسا ادتله فرصة يقف علي رجله اصلا وده مش هيحصل ف مش هيقف تاني يعني مش هيرجع تاني يعني السبب الاساسي الي انتي مع ايهاب عشانه بح هتفضلي ليه ها بقا اي رأيك .