غلطة غيرت حياتي (مكتملة)

البارت الثاني عشر

الحب ياتي ب لحظة دون مواعيد دون تمهيد .... احببتك في الحلم وفي الواقع ، وكنت اجمل حلم واروع واقع .... ف هل ستظل هكذا الي الابد؟؟❤❤

شروق بصدمة شديده: يا نهار اسود ده هو......هو .....
سلمي باستغراب : هو مين يا شروق؟؟!
شروق: هو والله يا سلمي هو الي حلمت بيه .
الاء: هو مين وحلم اي يا مخبولة انتي... فوجي واثبتي كدا الناس چايين علينا يجولوا اي وشيلي عينك من علي الواد هتفضحينا .
شروق : مش جادره مش جادره .
سلمي : يادي الفضاااايح يادي الفضايح انتي مش هتهدي غير لما چدي يجطم رجبتك .
الاء: بت بت فوجي كدا هو مز وكل حاجة بس مش كدا كلتيه يالهوي انا خوفت علي الواد .
سلمي تضحك علي كلام الاء .
شروق بغيظ : خلاص خلاص مش هبص اهو بس هو بردو .

كان الجد يقف بكل هيبة ووقار وكان يحاوطه اولاده سالم ومصطفي وزهراء وخلفه عز يقف بكل برود كالعاده وملامح وجهه جامده وبجانبه سليم ايضا يقف بهدوء ورذانته المعهوده .
دخل محمد وعائلته وبمجرد ان نظر الي والده وهو يقف بكل كبرياء ووقار جري عليه مثل الطفل الصغير .
محمد بشوق: ابوي ابوي اتوحشتك جوي .
وهو يحتضن اباه ف بادله اباه بنفس الشوق واكثر
الحاج منصور بشوق اكبر : انا الي اتوحشتا جوي يابني وحشتني جوي .
محمد انحني علي يد اباه وقبلها : سامحني يا بوي انا طولت الغيبه جوي سامحني بس غصب عني والله غصب عني سامحني .
الحاج منصور بحنان وهو يمسح علس شعره : سامحتك يا ولدي سامحتك من زمان جوي .

وبعدها سلم محمد علي اخواته بشوق كبير فهو اشتاق لهم كثيرا وهم كذلك .
محمد : تعالوا يا ولاد تعالوا سلموا علي چدكم تعالي يا هناء
تقدمت هناء بحياء وانحنت علي يده وقبلتها : ازيك يا بابا .
الحاج منصور بحنان: نورتي البيت يا مرت ولدي البيت نور يا بتي .
هناء باستغراب من كل هذا الترحيب بعد ما فعلوه هي ومحمد بالماضي .
هناء بحب وخجل من نفسها: البيت منور بوجودك وحضورك يا بابا ربناا يخليك لينا يارب .... انا .. انا اسفة علي ...
الحاج منصور: الي حوصل حوصل يا بتي والماضي مات واتجفل والي مات مبيرچعش تاني انسي يا بتي انسي زي ما انا نسيت .
هناء اخفضت رأسها بخجل : ربنا يخليك لينا يا حاج .
محمد : تعالوا تعالوا يا ولاد سلموا علي چدكوا .
تقدم ايهاب بكل هيبة ف غروره يطغى عليه تقدم من جده بابتسامة خفيفة انحني وقبل يده :ازيك يا خدي ... كان نفسي اشوفك من زمان .
الحاج منصور بحنان : وانا يا حبيب چدك نفسي اشوف حفيدي من زمان .... ما شاء الله يا زين ما ربيت يا محمد يا زين ما ربيت .
محمد بفرحة : ده ايهاب ابني الكبير يا بوي .
تقدم احمد بهدوء وهيبه ف طبيعة عمله تجعله صارم انحني علي يده وقبلها : واخيرا شرفتك يا جدي .
الحاج منصور بحب : نورت بيتك يا حبيب چدك ... ماشاء الله ما شاء الله .
محمد بفرحة مماثلة: ده احمد ابني يا حاج
فنظر له احمد بفرحة لانه قال ابنه ولم يقل انه ابن صديقي لم يستثنيه عنهم ابدا .
الحاج منصور : ماشاء الله يا زين ما خلفت ورببت يا ولدي زينه الشباب .
تقدمت نور وقالت : لا انا بقا هحضنك علي طول يا جدو .
واحتضنت جدها وهو بادلها بحب : انتي تعملي الي انتي عايزاه يا جلب چدك