غلطة غيرت حياتي (مكتملة)

البارت الثالث والعشرون

ساكون لك القلب النابض ، والحب الفائض ، والحضن الدافئ ، والعشق الابدي وكن انت لي الامان ❤❤

في فيلا جاسر
كانت تجلس شاهي بحزن وغضب من حالها كل يوم تجلس وحدها تظهر غضبها علي الخدم والعاملين عندها
دخل جاسر
جرت عليه شاهي بغضب: كنت فين ؟؟
جاسر بملل : يا مساء النكد ، هو انتي مبتتعبيش من النكد يا شاهي لو كنتي انتي مبتتعبيش ف انا تعبت .
شاهي بعصبيه : نكد اي هو انت فين عشان انكد عليك ولا اتكلم معاك اصلا انا مش بشوفك غير بالليل تتعشا وتنام .
جاسر: وانا مبشوفكيش غير وانتي عايزه فلوس يا عشان تسافري يا اما عشان تعملي شوبينج ... ها عايزه كام .
شاهي بتوتر : انا ... انا مش عايزه فلوس
جاسر بسخرية: والله .... شاهي هانم مش عايزه فلوس ليه هو القطة كلت عيالها ولا القيامة هتقوم خلاص ، اخلصي يا شاهي عاوزه كام مش فاضيلك لخصي .
شاهي بتوتر: عاوزه فلوس اسافر .
نظر لها جاسر مطولا وابتسم بسخرية ف نظرت ف الارض .
جاسر بسخرية : هحولك فلوس ف البنك هتلاقيهم ف حسابك بكرا ، يلا عن اذنك عايز انام .
شاهي بسرعة : جاسر استنى .
جاسر بملل : ها اي تاني .
شاهي: هو انت مش هتسالني مسافره فين وامتي وهرجع امتي
جاسر : وهتفيد باي لما اسالك ، هتغيري رأيك مثلا وهتقعدي وتفهمي انك ست متجوزه وليكي راجل ف البيت ، مهو انتي خلاص قررتي انك هتسافري وحددتي المعاد الذهاب ومعاد الرجوع ومن غير ما تساليني ولا كان ليا وجود ف حياتك بقيت احس اني بنك مبتزوريهوش الا عشان الفلوس يبقا اسال ليه بقا اتكلي علي الله .. تصبحي علي خير .

شاهي بسرعة : جاسر انا عايزه اخلف .
جاسر وقف متجمد لدقائق وبعدها انفجر ضاحكا
جاسر : ههههههههههههههه مش قادر والله
شاهي بعصبيه : بتضحك علي اي هو انا قولتلك نكته .
جاسر : ههههه اكتر اكتر من النكته انتي مش مدركة انتي قولتي اي ولا اي .
شاهي : قولت عايزه اخلف عاوزه يكون عندي طفل .
جاسر : وده ازاي بقا ان شاء الله .
شاهي : زي الناس هو مش انا مراتك ولا اي يبقا اي الي ازاي .
جاسر : لا منا عارف الحقيقة دي للاسف ... بس السؤال بقا يا تري الطفل الي انتي عاوزه تجبيه ده هتسبيه لمين ، هو انتي فاضية ليا لما هتفضي لطفل محتاج رعاية واهتمام ومحتاج لامه وانتي مش عارفه حتي تبقي بني ادمه ولا زوجة هتكوني ام ازاي ، هترميه للخدم والدادات تربيه وحضرتك هتقضي عمرك كله ف الشوبينج والسفر والميك اب وهتفضلي كدا انسانة عديمة المسؤوليه وعديمة الاحساس ف ليه تجيبي طفل ع الدنيا تعذبيه يبقا حرام عليكي وعليا لو وافقتك ، وبعدين ده مش قرارك لوحدك يا هانم ده قرار نخده احنا الاتنين وانا مش موافق منيش مستعد اجيب طفل تكوني انتي امه ولا مستعد اكون اب اصلا دلوقت ، وبعدين اي غير تفكيرك كدا ده انتي ايام ما كنتي هتتجوزي ايهاب كان بيتحايل عليكي توافقي ع الخلفة بعد الجواز وانتي تقولي ابدا انا مش هخلف الا بعد خمس او سبع سنين ويستحسن مخلفش خالص انا مش عايزه اولاد تعطلني عاوزه اعيش حياتي اي بقا عاوزه خلفة ليه مره واحده والحنين للامومه عزبك اوي ... لو بتعملي كدا عشان تربطيني باولاد ف انا مبتربطش انا لو عايز اعمل حاجة هعملها ولو معايا منك مية عيل ولو عايز اطلقك وانا معايا عيال منك هخدهم وهرميكي ف الشارع عادي بس انا اعقل من كدا ف خليكي انتي كمان عقلة ومتلعبيش معايا يا حبيبتي ها ... يلا روحي نامي ال طفل ال روحي نامي يا شاهي روحي .