My Secretary is My Crush [Completed]

Ep.39

My Secretary is My Crush
~~~

Unicode

Wendyတစ်ယောက် နဘေးက အိမ်မက်ယောင်သလို ဝိုးတိုးဝါးတား အသံကြောင့် မျက်လုံးဖွင့်ကြည့်တော့ Irene က သူမဘေးမှာ အိပ်ရင်းနဲ့ ပါးစပ်ကနေ ပွစိပွစိ ရေရွတ်နေတာကို တွေ့တော့ ပြုံးမိသည်။

သူမ Irene နဲ့ မျက်နှာချင်းဆိုင် လှည့်ပြီး Irene ရဲ့ မျက်နှာသေးသေးလေးကို ငေးကြည့်နေမိသည်။ သူမ ငေးနေရင်း ခဏကြာတော့ Irene က မျက်တောင်ကို ပုတ်ခက်ပုတ်ခက်လုပ်ကာ မျက်လုံးပွင့်လာသည်။

"Morning" သူမက ပြုံးပြီး ပြောတော့ Irene က ပြန်ပြုံးလျက် သူမရင်ခွင်ထဲ တိုးလာပြီး ခါးကို ဖက်သည်။

"နွေးနေတာပဲ" Irene က ပြောပြီး သူမပခုံးနားကို ခေါင်းဖြင့်တိုးဝှေ့နေသည်။

"ကောင်းကောင်းအိပ်ပျော်ရဲ့လား?" သူမလည်း ပြန်ဖက်လိုက်ပြီး Irene ခေါင်းလေးကို လက်ဖြင့် သပ်ပေးကာ ခေါင်းကို နမ်းဖို့ အလုပ် Irene က ခေါင်းမော့လာကာ သူမနှုတ်ခမ်းကို လာနမ်းသည်။
သူမလည်း ခဏကြာအောင် စိတ်ပါလက်ပါ ပြန်တုံ့ပြန်မိသည်။ ထို့နောက် နှစ်ယောက်သား ရှက်သွေးဖြာလျက် မတိုင်ပင်ပဲ ရယ်မိကြသည်။

"မနက်ခင်းမှာ တစ်စုံတစ်​ယောက် အနားမှာရှိလာမှာကို တစ်ခါမှ စိတ်ကူးတောင် မယဥ်ဖူးဘူး"

"ငါလည်းပဲ မတွေးခဲ့ဖူးဘူး။ ငါတို့နှစ်ယောက်တည်း အမ်...နေဦး ဘာလို့ ငါတို့နှစ်​ယောက်တည်းလဲ?"

Wendy မျက်လုံးပြူးလျက် လှဲနေရာက ငေါက်ခနဲ ထထိုင်သည်။

"Yerim ဘယ်ရောက်သွားလဲ?"

နှစ်ယောက်သား အလန့်တကြားနဲ့ ကုတင်ပေါ်က အမြန်ဆင်းကာ အခန်းထဲမှာ ပတ်ကြည့်ကြသည်။

"အခန်းထဲမှာ မရှိဘူး။ ငါတို့အောက်ဆင်းကြည့်ရအောင်"

Irene ပြောတော့ Wendy ခေါင်းညိမ့်လိုက်ပြီး အောက်ထပ်ကို အမောတကော ပြေးဆင်းလာကြရာ ဧည့်ခန်းမှာ တွေ့လိုက်ရတဲ့ မြင်ကွင်းကြောင့် နှစ်ယောက်လုံး တပြိုင်နက်တည်း ခြေလှမ်းတွေကို ရပ်လိုက်ကြသည်။