Unicode
အပိုင်း-၄ : လက်ထပ်ပွဲ ။
"ဖြေးဖြေးဆင်း ညီ...ရရဲ့လား.."
"ဟုတ် ရ ရပါတယ်.."
ဤအချိန်သည် ခန့်ညီ၏ အိပ်ရှေ့ရပ်ဝန်း၌ ကားပေါ်ကဆင်းရန် ပြင်ဆင်နေသော အချိန်ပင် ။
တွဲကူလာသော အကို့လက်တွေကို ထိန်းကိုင်ရင်း လဲမကျအောင် သတိထား လျှောက်နေရ၏ ။
"အော် သားတို့ ပြန်လာကြပြီ.."
ခန့်ညီ၏ အမားမှ ဦးကြိုနှုတ်ဆက်၏ ။
"ဟုတ် အမား..အော် အန်တီတို့လဲ ရောက်နေကြတာ..မင်္ဂလာပါဗျ.."
လူကြီးတွေ ရှေ့တွင်မို့ အကို့ လက်တွေကြား ရုန်းထွက်ရင်း ကိုယ်ကို ကိုင်းညွှန့်ကာ ဂါဝရပြု နှုတ်ဆက်လိုက်သည် ။
"မေ တို့က ဘယ်ကနေ ဘယ်လို.."
"မေ တို့က မင်္ဂလာစကား လာပြောကြတာလေ.."
"ဟုတ်တယ် သားရဲ့...လာ ထိုင်ကြလေ..သွားလာရတာ ပင်ပန်းရောပေါ့.."
"ဟုတ် အန်တီ.."
"လာ..ညီ"
အကိုသည် ရှေ့သို့သွားရန် ပြင်ပြီးမှ ခန့်ညီအား လက်တွဲ ပြန်ခေါ်၏ ။ ကမ်းပေးလာသော အကို့လက်တွေအား စုပ်ကိုင်ကာ အားယူ ထိန်းလျှောက်လိုက်သည် ။
"ဟယ်တော်...သားက ဘယ်လိို ဖြစ်လာရတာလဲ.."
ယခုမှ သတိထားမိဟန်တူသော အမားသည် စိုးရိမ်စကားဆိုလာသည်။
"ဆိုင်ထဲမှာ လမ်းလျှောက်ရင်း..ခုံကို မမြင်လိုက်ပဲ..အာ့..ခလုတ်တိုက်မိလာလို့.."
ခုံလွတ်တွင် ဝင်ထိုင်ရင်း ပြန်ဖြေလိုက်သည် ။
"ဖြစ်ရမယ်..ငါ့သားနှယ်..အမြဲ နမော်နမဲ့နဲ့.."
"ကဲပါ..မမမိုးရယ်..ကလေးကို ဆူမနေပါနဲ့တော့..ကဲ သား..သွားနားချည်..သားခေတ်နေရောင် ညီလေးကို လိုက်ပို့လိုက်ချည်.."
ဆူရန်ပြင်နေသော အမားက်ို ဒေါ်သံသာသိမ့်မှ ဝင်တားကာ စကားဆိုသည် ။
"ဟို..မဟုတ်တာ..အကို နေခဲ့လိုက်ပါ..သား ဆေးလိမ်းပြီးတာနဲ့..ပြန်လာခဲ့ပါ့မယ်.."
YOU ARE READING
Dear My Husband🧡
Romancerelationship တစ်ခုမှာ ပထမလူ ပြန်ပေါ်လာရင် တတိယလူက နောက်ဆုတ်ရစမြဲဆိုသည့် အမှားကြီးကို ညီ့အချစ်တွေနဲ့ သက်သေပြသွားမယ် အကို ။
