Unicode
အပိုင်း -၂၉ : ရင်းနှီးနေသော လူဟု ထင်မိခြင်း ။
" ညီ "
ဟင် ... ဘယ်ပျောက်သွားတာလဲ .. ။ ရေချိုးခန်းထဲ မဝင်ခင်တုန်းက ရှိပါသေးတယ် .. ။ ရေချိုးပြီးလို့ အပြင်ထွက်လာချိန် .. ခုနက ကုတင်ပေါ်ထိုင်နေတဲ့ ညီက ခုမရှိတော့တာကြောင့် အကို တစ်ယောက် နေမထိထိုင်မသာ ဖြစ်နေတာဖြစ်သည် ။
" ညီ ... ညီရေ "
အပေါ်ထပ်ကနေ တစ်ဆာဆာနဲ့ ခေါ်နေတဲ့ အကိုက တစ်ခုခုများ ဖြစ်လို့များလား ။
" ညီ .. ဒီမှာ.. မီးဖိုခန်းထဲမှာ အကို "
မီးဖိုခန်းထဲ အကို စားဖို့ ပြင်ဆင်နေရင်းမှ လှမ်းထူးလိုက်သည် ။ အကောင်းဆုံး လုပ်တတ်တာ ဆိုလို့ ခေါက်ဆွဲပြုတ်ပဲ ရှိတာမို့ ... အသင့်စားခေါက်ဆွဲကို ကြက်ဥလေး ထည့်ကာ ချက်ပြုတ်ပေးနေတာ ဖြစ်သည် ။
" ညီ က ဒီမှာကို ... အကိုက ပျောက်နေတာ "
" အွင့် "
အနောက်ဆီမှ ညီ့ရဲ့ ခါးသွယ်သွယ်လေးကို လက်ဖြင့်ယှက်သွယ်ကာ သိုင်းဖက်လာသည် ။ ရုတ်တရက်မို့ ရှေ့ကိုတောင် အနည်းငယ် ယိုင်သွားသည် ။ ထို့အပြင် အကို့ စကားသံ နွေးနွေးက နားရွက်ဖျားလေးဆီ တိူက်ခတ်လာတာမို့ လူက တွန့်ကနဲ ။
" ဖြေးဖြေးဖက်ပါ အကိုရဲ့ ... အရမ်းပဲ "
" လွမ်းလို့ပါ "
" တတ်လဲ တတ်နိုင်ပါ့နော် ဦးခေတ် "
" ချစ်လို့ပါကွာ .. "
" အာ့ "
ပြောရင်းဆိုရင်း နားရွက်ဖျားလေးတွေကို အကို့ သွားစွယ်စွယ်လေးတွေ၏ အနည်းငယ်သော အားဖြင့် ကိုက်လိုက်ခြင်းကို ခံစားလိုက်ရသည် ။ မနာပေမဲ့ ရုတ်တရက်မို့ ရင်ထဲ ဒိတ်ခနဲပဲ ။ ထိုနှင့်အတူ လက်မောင်းကို ကိုင်ပြီး ဆွဲလှည့်ခြင်း ခံလိုက်ရတာမို့ အကိုနဲ့ မျက်နှာချင်းဆိုင် ဖြစ်သွားတော့သည် ။
" အကို လို့ "
" ရွှတ်စ် ရွတ်စ် "
ထပ်မံပြီး ပါးပြင်တွေပါ အနမ်းပေးလာတာမို့ ခေါင်းကို ဟိုရှောင် ဒီရှောင်ဖြင့် လူက လှုပ်ရွလာရသည် ။ သို့ပေမဲ့ အကို့ အနမ်းတွေအား ရှောင်မရပဲ အနမ်းခံရသည် ။
ESTÁS LEYENDO
Dear My Husband🧡
Romancerelationship တစ်ခုမှာ ပထမလူ ပြန်ပေါ်လာရင် တတိယလူက နောက်ဆုတ်ရစမြဲဆိုသည့် အမှားကြီးကို ညီ့အချစ်တွေနဲ့ သက်သေပြသွားမယ် အကို ။
