Chapter 2
Alex*
POV
Dali-dali akong nag-ayos ng buhok tapos ay nagmamadali ng tumayo sa kinauupuan at patakbo na halos kung maglakad makarating lang sa opisina ni Sir Phillip. Pakiramdam ko tuloy e mahuhuli pa nyang bagong gising ako sa ayos at itsura kong namumula pa tong kaliwang pisngi ko na nadaganan kanina dahil sa pagtulog ko.
"Shit."
Kailangan na nya ko alam ko. Kaya hindi na ko kumatok basta binuksan ko na agad tong pintuan.
"Sir?"
Ayun si Sir Phillip. Nakatayo sya sa harap ng wall glass nitong opisina nya't nakatalikod sya saken.
"Kanina pa kita pinatawag. Bakit ngayon ka lang dumating..." Aniya. Bagay na kinakaba ko.
Napalunok ako habang marahang humahakbang papasok sa kwartong to. Marahan din ako sa pagsasara sa pintuan tapos pagharap ko ulit kay Sir Phillip. Nakaharap na sya saken pero nakatingin sya dito sa hita ko.
"S-Sir." Bulong ko.
Ngumisi sya't tinikman ang hawak nyang baso na alam kong whiskey ang laman.
"Halika. May sasabihin ako sayo..." Aniya.
Napalunok tuloy ako habang papalapit sa kanya. Ayan at inalis na nya ang tingin saken tapos ay lumapit na sya sa pwesto nya't naupo. Nilapag nya yung basong kanina'y hawak nya tapos tumingin na sya sa dibdib ko. Kabado tuloy ako. Palagi kasi syang ganyan kahit nung unang beses palang akong nagtatrabaho sa kanya.
"Y-Yes po Sir. Uhm, b-bakit nyo po pala ko pinatawag." Naiilang kong tanong.
"Mag-ayos ka ng gamit mo good for 1 week. Isasama kita sa business meeting ko sa Palawan this Saturday. Magbaon ka ng swimsuit. Beach yung pupuntahan naten..." Seryoso nyang sabi habang nakatingin parin ang mga mata nya dito sa dibdib ko.
"O-Okay po sir." Sagot ko.
Tumango lang sya tapos nanahimik na. Kinakabahan ako lagi kapag ganyang nananahimik sya. Maayos nalang akong nagpaalam saka na lumabas dito sa opisina nya...
*
"Oh? Isasama ka nya sa Palawan? Ang swerte mo naman!" Sabi ni Martha.
Katakataka namang ang swerte ko pala ng lagay na yun para sa kanila. Para saken nga e malas ako dahil makakasama ko ng ilang araw yung Boss namen na ubod ng sungit at nakakatakot pa.
"Loka, swerte ba ko nun? Hindi lang kame araw magkasama. Pati gabi!" Sabi ko.
Natatawa sya na kinikilig. Halos karamihan tuloy ng babae dito sa floor na to e pinagchicheer up pa kong mala Cinderella umano ang buhay dahil si Sir Phillip daw ang Prince Charming ko.
"Excuse me? Baka naman pwede na kayong bumalik lahat sa trabaho nyo. Tss." Sabat ni Geneva kaya nanahimik na kaming lahat at nagsi-balik na sa trabaho. Mahirap kase masita ng Epal. Baka mauwi pa to sa rambol. Yun pa naman ang iniiwasan ko...
*
This Saturday daw?
Pabaling-baling tuloy ako sa kinahihigaan. Lunes palang pero parang Biyernes na saken.
"Jusko, bakit ba kabadong kabado ako."
Ang dami ko tuloy iniisip ngayon. Alas Diyes na pero. Alive na alive parin ang diwa ko. Hindi ata pepwede na hindi ako makakatulog ng maayos ngayon. Baka makatulog nanaman ako sa office tapos mapagalitan na ng tuluyan...
*
"Ate, gabing gabi na. Bakit pumunta ka pa dito. Baka mapano ka sa daan nyan." Nag-aalalang bungad saken ng kapatid kong si Alicia.
