لندن غلاها غير

البارت الثاني

شما : طالعين ع الفاضي كل وحده ع تلفونها ؟

دقايق صمت ...

شما : انا منو ارمس؟

دقايق صمت ...

شما : لو ارمس اليدار رد عليه

دقايق صمت ونظراتها الحاده اللي تشوفنا فيها حاولت اغير الوضع وقلت :

ريم ( مازحه ) : بنات شو رايكم نسافر ونغير جو ؟

شما ( بجديه ) : امم فكره حلوه م عندي مانع يم

منيره : بنات هاي مش كنها موزوه

شوق : إلا هاي موزوه

ريم : قومن بنسلم

قمنا وسلمنا إلا شما كانت ملتهيه فالتلفون ماعرف شو تسوي

ريم : شميم ليش م قمتي تسلمين

شما : اسلم ؟ على منو ؟

منيره : لا يعني مش معقوله م شفتينا نقوم نسلم

شما : والله م انتبهت

ريم : م يندرى شو شاغل بالج

شما : ها؟ ها؟ شو تقصدين تراني فاتحه " Booking "

وبعد يوم حلو وجميل وصلت كل وحده بيتها شما خذت موضوع السفر بجديه مع اني كنت امزح وياها وقلت لها هالشي، وصلت البيت ودخلت على طول الغرفه لاني كنت تعبانه وخلاص بنام خذت شور سريع وحطيت راسي ونمت . لكن للاسف قمت الساعه 9:30 ع إزعاج شما في السناب . ( ع قروب السناب )

ريم ( فويس ) : شمووههه بسس اسكتي ابا انام انتي شو م تخلين الواحد ينام ع راحته

وبعد الفويس حطيت راسي ونمت اما الباقي ردوا عليها

شما : نوم اهل الكهف ، المهم شو صار ع موضوع السفره ؟

شوق : اي سفره ؟

شما : انتي تستهبلين مش على أساس كنا نقول البارحه اننا بنسافر؟

شوق : لا م قنا وبعدين ريم كانت تستهبل مسرع خذتي الموضوع بجد

شما : تمزححح شوو ؟ بعد م حجزت التذكره والفندق !!؟؟؟؟؟؟

شوق : حجزتي؟؟ من يومج تاخذين نص الكلام ومستعيله

شما : اللي بتخاويني م عندي مانع

منيره : يالله صباح خير ، شو السالفه اسمع بتسافرون ؟

شما : هيه يلا شاوري هلج واحجزي لندن اسبوعين

يتبع