*** ريم
خذت حق سيف الجاكيت ودقيت على شوق :
ريم : هلا شواق وينكن ؟
شوق : م اسمعج
ريم : وينكن وينكن ؟
شوق : ونتر وندر لاند
ريم : بحط الاكياس في الغرفه وبييكن
سكرت ورحت حطيت الاكياس في الغرفه ونزلت بسرعه كتبت حق سيف اني بروح ونتر لاند شاف بس مارد فتحت تويتر ونزلت تغريده :
" انت الذي مالك في البشر شبيه
يبطون خلق الله ،، ما يوصلونك "
***
وصلت عند البنات وشفت شما ميته ضحك ما تقدر تمسك نفسها
ريم : شفيج جي تضحكين ؟
شما تحاول تتنفس وتمسك عمرها
ريم : شسالفه
منيره نفس الشي تضحك وشوق معصبه
شوق : متخلفات مادري على شو يضحكن
شما : اخخ لو تشوفين ويهه شوق وهي تصارخ بمووت م اقدر انسى ويها
شوق : جب مادري شو يضحك
ريم : اي لعبه لعبتوا
شما : تقريباً كل الالعاب
ريم : واي لعبه اللي شوق يلست تصارخ فيها
شما : هالدائره اللي مربوطه بحبلين
ريم : ودي اجربها بس شكلها يخوف ، منو بتركب وياي
شما : انا
طبعاً كان يوم حلو بكل تفاصيله بعد ماخلصنا نلعب رحنا تعشينا ويلسنا نسولف ونخطط لاخر ثلاث ايام شو بنسوي وين بنروح منور تحاول تقنع شما تكلم سعود عشان يروحون وياخذون لفه في اكادمية الطيران وشما تقولها استحي ارمسه ياخي انا هب مطيحه الميانه وياه في كل شي ، بعد العشا ركبنا التكسي رادين الفندق كلنا يالسين على تلفوناتنا إلا شما كانت حاطه راسها على كتف منور مغمضه عيونها وصلنا ونزلنا من التكسي إلا شما مانزلت فتحت لها منور الباب :
منيره : شموه قومي وصلنا
شما يدها طايحه وتقول : ماحس بيدي ماقدر احركها
فجأه فقدت الوعي
منيره ( تصارخ ): وحده تطلب الاسعاف
كانوا في شباب قدام الفندق قام مشهور لندن وياهم يركض
خالد : شو صاير؟! تبون مساعده ؟
خالد ( يصارخ ) : سيف تعال
منيره تكفخ شما وتصارخ قومي قومي ردي عليه
خالد دفر منيره وقال : الاسعاف بيطول شلوها وركبوها السياره بنوديها المستشفى
ركبنا معاه ووديناها الطواري طلب مني سيف جواز شما طلعت الجواز من شنطتها وعطيته اياه وانا واقفه عدال منور وشوق واشوف خالد فاتح سناب ويشكي لمتابعيه ، واشوف سيف من بعيد فتح الجواز وانصدم
يتبع ...
أنت تقرأ
لندن غلاها غير
Romanceافرشي لنـا درب اللقى ي لـندن ؛ اتركي لنا فرصة لقى بين الزحام ( بالعاميه )
