انتظرنا يوم يومين ثلاثة ايام م وصلنا التقرير ، قال ابوي خلنا يمر اسبوع على الموعد عقب بنروح نراجع الدكتور ، مر اسبوع واسبوعين وثلاثة اسابيع وشهرين ونحن ناسين الموضوع وبالصدفه فتحت الموضوع يدتيه ونحن رايحين المول ناخذ اغراض للي بينور الدنيا بعد ثلاث شهور :
اليده شما : تعالي شموه ماقلتي لنا وصلج التقرير
شما : ياربي انا كيف نسيت ، لا ماوصلني شي
سعود : إلا كيف كلنا نسينا
بو شما : روح بنشوف الدكتور
رحنا المستشفى ونزلنا نشوف الدكتور ( طلع مطرش لي التقرير لكن للاسف حذفته ) فحصني مره ثانيه وقالي تريي نص ساعه بطلع بيطلع وبنطبعه لج .
***
بعد نص ساعه طلبتني الممرضه ودخلت معاها الغرفه عطتني التقرير وقريته بعدها فتحت التلفون ودخلت تويتر اغرد :
" اللهم لك الحمد والشكر حمداً كثيراً طيباً مباركاً فيه "
وطلعت من الغرفه ومن كثر الدموع اللي في عيونه م اشوف شو قدامي طبعاً ابوي قرا اللي كتبته وفهم اني بخير وتخلصت من الخبيث اللي في جسمي ومجرد ما فتحت الباب ضمني على صدره وصاح سعود ويدوه كانوا يشوفونا بذهول مايعرفون نحن ليش نصيح من الفرح ولا الحزن . شعور لا يوصف شعور محد بيحس فيه غير اللي جربه . الحمدالله على كل حال والشكر لمغير الاحوال .
اليده شما : بشرونا يعل والديكم الينه ، بشروني
بوشما : الهم لك الحمد ، بنتي بخيير بنتي بخيير
م اشوف غير الكل ساجد وييديهم مرفوعه يحمدون الله ويشكرونه .
***
مرت ايام وايد حلوه بس يدوه ردت لبلاد لان خلاص مالها عذر تيلس في لندن انا خلصت علاج وصرت بخير حاولت تقنعهم انها تيلس وياي لين م اربي لكن م اقتنعو وردوها بس كان ابوي بين فتره وفتره يزورني وربيعاتي نفس الشي كانوا بين فتره وفتره يزوروني ، ( سيف فسخ الخطوبه من ريم ) . كنت وايد امل يوم يكون سعود فالجامعه لكن سيطرت على الملل وقدرت اتعلم وايد اشياء مثل الخياطه والطبخ والزراعه ثقفت عمري في وايد اشياء استغليت وقتي في القرائه والكتابه وكل شي يخطر في بالي ولله الحمد مايبعدني عن تاريخ ولادتني غير يومين .
***
نزلت تغريده بعد ولادتي بيوم :
الحمدالله على اكتمال المنه والحمدالله على حارب ❤.
وصلتني رساله صوتيه من الغلا : يتربى في عزكم ان شاء الله والحمدالله على سلامتج ياقلب ابوج انتي
شما : الله يسلمك
***
عوض الله جميل ينسيك كل الألم والتعب الي مريت فيه ، تذكر دايماً انك في اختبار لازم تصبر و لازم تشد حيلك لانك في النهايه بتنجح واذا م نجحت تأكد ان في شي اجمل من النجاح يترياك . دايماً شوف الطرف الإجابي وترك الطرف السلبي خل عندك يقين ان كل شي يصير لسبب . عوضني الله بوايد اشيا عوضني بسعود وحارب ورد لي علاقتي في ابوي اللي كنت اشوف انها مستحيل ترجع وانا بسبب صبري اليوم بخير وفي احسن حال فالحمدلله حمداً كثيراً تستطيب به الحياه ❤.
أنت تقرأ
لندن غلاها غير
Romantizmافرشي لنـا درب اللقى ي لـندن ؛ اتركي لنا فرصة لقى بين الزحام ( بالعاميه )
