لندن غلاها غير

بارت 33

" بعد مرور 8 شهور من العلاج "

مرت سنه بحلوها ومرها بلحظاتها الحزينه والسعيده لكنها تجربه م بتتكرر ، انا صارلي 10 شهور اتعالج بالكيماوي ولله الحمد تحسنت واايد صح اني واجهت صعوبات ارهقتني منها نزل وزني وراح شعري لكني الحين افضل عن قبل واحسن ، سعود اللي كان لي الدنيا ومافيها باقيله ماده وبيتخرج اما ابوي حبيبي ترقى بس للاسف لانه معاي في لندن استقال والسبب انهم رفضو إجازته ويدوه شما فديتها م اطلع من يزاها كانت لي الام والصديقه والاخت مع فارق العمر اللي بيننا عوضتني عن الكل ، واكيد تسألون عن ربيعاتي ، شوق ربي رزقها بولد الحلال اللي اسعدها وغير حياتها و ريم رد لها سيف ندمان وتقدم لها اكثر من 10 مرات وكانت ترفضه لين م حنت عليه ووافقت اما منور ردت البلاد ودخلت جامعة خليفه تكمل دراستها بين هلها

-

الساعه 11:30 رد سعود من الجامعه وانا بعدني نايمه فتح باب الغرفه بقو :

شما : شصاير

سعود : او اسف ، للحين نايمه ؟

يا ويلس عدالي يقيس حرارتي قمت وعدلت عمري ، دخلت يدوه

اليده شما : شما ليش جي ويهج تعبان ؟

شما : ماعرف

سعود : فيج شي ؟

شما : لا بس احس بدوخه واحس اني ابا انام

اليده شما : حامل حامل قم بنوديها المستشفى

سعود : حامل !!

اليده شما : ها الحامل جي تيها دوخه وكله تبا ترقد

-

شلوني وودوني المسشتفى سويت اختبار حمل وطلع لي خطين يعني حامل بعدها دخلتني الدكتوره غرفة السونار ودخل معاي سعود ، يلست تسألني كم سوأل لين م طلع البيبي ع الشاشه :

الدكتوره : تدرين كم عمر البيبي ؟

شما : لا

الدكتوره : عمره 4 شعور

سعود : شموه اربع شهور ولا حاسه فيه ؟

شما ( تضحك ) : انا روحي منصدمه

الدكتوره : تبين تعرفين الجنس ؟

شما : هيه

الدكتوره : شوفي هذا اللي في بطنج ولد

***

طلعنا ورحنا عند دكتوريه بدون موعد وسألناه اذا الكيماوي بيأثر ع الجنين ولا شي وكان رده " من الافضل انج تسقطين لان م اضمن لج انه يكون بخير " جرحني كلامه وايد بس في احساس داخلي يقولي لا تسقطين احتفظي في ولدج بيكون بخير طلعت من المستشفى وانا متضايقه ردينا البيت ، سعود راح يبشر يدتيه وانا دخلت انام .

يتبعع ...