( بعد يومين )
يدوه تدق الباب : شما قومي يلا بعد شوي موعدج *
راحت دقيقتين وردت فتحت الباب
اليده شما : الحين انا ساعه ادق الباب وانتي راقدهه ، يلا قومي
شما : ان شاء الله يدوه
اليده شما : قبل م تروحين الموعد كلي لج خاشوقتين عسل
شما : انتي بس ادعيلي
اليده شما : انا دوم ادعيلج
***
رد سعود من الجامعه عشان يوديني الموعد ، بعد م خلصت طلعنا من المستشفى ورحنا سلفردج نتقهوى وهناك دق علي ابوي :
شما : هلا
ابو شما : ياحي هالصوت ، وين عيل؟ البيت فاضي
شما : انا عندي موعد ووداني سعود والحين نحن في سلفردج
ابوشما : بشريني
شما : والله م طلع التقرير
ابو شما : خير ان شاءالله خير ، ياينكم
شما : حياك
سكرت التلفون ويلست اتأمل كل شي حولي وسعود يلعب ببجي ، شفت بنت صغيره تمشي بروحها خطواتها ثقيله وعيونها مليانه دموع وترتجف من الخوف .
شما : سعووود شوف البنت
سعود : اي بنت ؟
قمت وقام معاي رحت عندها بس م قدرت انزل لها لاني حامل شلها سعود وردينا للطاوله ، قامت البنت من سعود ويلست فوقي .
شما : شو اسمج ؟
ساره : اسمي ساره
سعود : ماما وبابا وين ؟
ساره ( تصيح ) : ماعرف انا ضعت
شما تمسح ( دموع ساره ) : حبيبي انتي لتصيحين البنات الحلوات م يصيحون
سعود : انا بروح ادور ابوج وبيي ، شموه خذيلها شي
شما : ان شاء الله ، تشربين هوت شوكلت ؟
ساره : هيه مع مارشميلو
راح سعود يدور اي مواطن مضيع بنته ،يا ابوي :
ابو شما يأشر وبصوت خفيف : ضايعه ؟
اكتفيت اني اهز راسي
ابوشما : دقيتوا ع السفاره ؟
شما : لا سعود راح يشوف اذا حد مضيع بنته هني ، هاذوه ياي
شما : بشر ؟
سعود : م اعرف كيف نسوها م لقيت حد واتريا السفاره ترد
ساره : يعني م بشوف ماما وبابا
ابو شما : لا حبيبتي بتشوفينهم
م انتظرنا لين م السفاره ترد علينا لان البنت بدت تخاف اكثر طلعنا من سلفردج وودينا البنت السفاره .
يتبع ...
أنت تقرأ
لندن غلاها غير
Romanceافرشي لنـا درب اللقى ي لـندن ؛ اتركي لنا فرصة لقى بين الزحام ( بالعاميه )
