*** ريم
قمت الصبح ع صوت اختي عفراء العالي ..
عفراء : اميه اليوم خان الخليلي ولا القاهره اليديده ؟
ام ريم : خان الخليلي
**
قمت وطلعت الصاله وانا اغني مع ام كلثوم " ونقول للشمس تعالي، تعالي بعد سنة، مش قبل سنة" خذت المسجل من فوق الطاوله اللي في البلكونه ودخلته معاي المطبخ سويت لي صالونة بيض وشاي حليب ورحت اتريق في البلكونه مع صوت ام كلثوم واصوات الناس اللي في السكه ونقاشاتهم الحاده والثياب المعلقه وام فلان تسلم على ام فلان من بلكونتها هيه نفس الاشياء اللي نشوفها في المسلسلات يالسه اشوفها قدام عيني .
ام ريم : ريموه تجهزتي ولا ؟
ريم : لا بدخل اتسبح
ام ريم : عيل انا وعفروه بنطلع ويوم بتخلصين خذي تكسي وتعالي خان الخليلي
ريم : ان شاء الله امايه
انسدحت على السرير وفتحت برسكوب وبدخلت بث شباب مبتعثين في لندن خذتنا السوالف جي ساعه وشوي عقب تذكرت اني المفروض اكون عند امايه الحين استأذنت منهم وقبل م اطلع من البث عطاني واحد منهم سنابه ولان سنابي عام قبلته وبعد م تأكد اني انا طلعت من البث وقمت على طول بدل ت ونزلت ركبت التكسي اللي قدام الفندق
ريم : خان الخليلي لو سمحت بسرعه
التكسي : حادر
فتحت تويتر ونزلت رابط غنية ألف ليله - ام كلثوم
بعدها دخلت سناب ارمس شوق على الخاص
ريم ( فويس ) : شوووااقق اليوم الصبح دخلت بث واحد في لندن كيوووت يجنن واحس بشعور غريب احس اني وايد مستانسه
شوق : ومنو هذا يكون ؟
ريم : واحد اسمه سيف فاج بث مع مشهور لندن
شوق : نزين ؟
ريم : ياخي والله احس بتعرف عليه اكثر
شوق : زين ، بس هب تردين لي عقب الدموع اربع اربع
ريم : اخخ قلبي طار يال يكتب باي باي
شوق : الحمدالله والشكر
وصلت خان الخليلي ودقيت على عفروه عشان اعرف هم وين بالضبط وانا في طريقي لهم اسولف مع سيف وقفت وخذت لي عصير بارد ابرد على قلبي شوي شفت امي تأشرلي من بعيد مشيت صوبها بسرعه واول م سكرت التلفون عشان احطه في الشنطه قالت :
ام ريم : التلفون ها بكسره على راسج مره 24 ساعه عليه عيونج يابنت
قاطعتها : امييههه خلاص مليت من هالموال
يتبع ...
أنت تقرأ
لندن غلاها غير
Romanceافرشي لنـا درب اللقى ي لـندن ؛ اتركي لنا فرصة لقى بين الزحام ( بالعاميه )
