كنا يالسين بكل هدوء نتريا الدكتور يطلع ويطمنا عليها رن تلفون خالد رد وحطه سبيكر :
خالد : هلا سعود ؟
سعود : وينك ابا مفتاح الشقه
خالد : في المستشفى تعال خذه
سعود : عسى ماشر
خالد : كل خير كل خير
***
طلع الدكتور يسأل عن اهل شما وسعود توه واصل حط سيف يده على كتف سعود وقال حق الدكتور ان سعود يكون ولد عمها
سعود : شسالفه ولد عم منو؟
سيف : شما بنت عمك اللي في الغرفه ويبون رقم ولي امرها ضروري
سعود : شما اللي في الغرفه !! ليش شو فيها ؟؟!
مسكه سيف ووداه عند الاستقبال عشان يسجل الرقم عندهم عطوه ورقه وقلم عشان يكتب الرقم وبعد م انتهى من كتابة الرقم نزل الضغط عنده وطاح نقلوه على طول غرفة الفحص ويانا سيف :
سيف : بنات قومن بوصلكن الفندق
منيره : لا ابا اييلس اتريا شموه
خالد : انتوا ردوا ولا تحاتون انا هني بييلس عند سعود وشما واذا صار شي بقولكم
***
وصلنا سيف الفندق وقلت حق منور اتيي تنام عندنا كانت اطول ليله تمر علينا خايفين ومانعرف شو بيصير ولا يانا نوم لين اليوم الثاني بس اللي عرفته من سيف ان ابو شما وصل الفجر قومت منور وشوق بدلنا وطلعنا بنسير المستشفى عند شما :
منيره : بنات ويت باخذ حق شما الدونتس اللي تحبه
شوق : عيل انا بروح اخذ لها كوفي
ريم : وانا باخذ لها ورد ، نتلاقى هني قدام باب الفندق
***
دخلت منور مندفعه وهي تقول : صباااححح الخييير وفجأه تنصدم ان ابو شما وسعود في الغرفه
الكل يضحك
منور تكمل عشان م تحس انها متفشله
يبت لج الدونتس اللي تحبينه
شما : صباح الخير وشكراً فديتج
ابو شما : شحالكن بنات
: بخير الحمدالله
يسلنا نسولف وناخذ ونعطي بس للاسف كان يبين الحزن على ويه سعود وابو شما كان مبين انهم متدمرين لكن يحاولون يخفون هالشي طلع سعود اللي كان على كرسي كنت اشوفه وهو طالع واقول في خاطري مستحيل شما مافيها شي اكيد اللي فيها صدم سعود وخلاه من التعب يمشي على كرسي طلعت وراه ومسكت الكرسي اساعده ، لف شافني وبعدها مسك راسه بكل قوه ودموعه تنزل
ريم : سعود ؟ شما شو فيها
سعود : اخ لتذكريني
ريم : لا تخوفني شو فيها ؟
سعود ( منهار ) : ادعيلها انتي بس ادعيلها
يتبع ...
أنت تقرأ
لندن غلاها غير
Romanceافرشي لنـا درب اللقى ي لـندن ؛ اتركي لنا فرصة لقى بين الزحام ( بالعاميه )
