لندن غلاها غير

بارت 13

*** ريم

طلعت من المطار ركبت التكسي وسيده رحت الفندق كنت ابا افاجئ البنات وصلت الفندق وعطيهم الشنطه ورقم الغرفه عشان يوصلون الشنطه فتحت خريطة سناب عشان اشوف وين البنات طلع لي انهن يالسات في الهايد بارك كان الجو بارد وانا للاسف ماكنت لابسه جاكيت . وانا في طريقي لهم كنت حاطه السماعه واسمع اغنية سيد القلب - راشد الماجد ويوم قربت لهم بندت الفون ومشيت ببطء وكل هدوء ووقفت وراهم ردت راسها شما على الكرسي

شما ( تصارخ ) : بسم الله

ريم : suprise

منيره : الله ياخذ عدوج

شوق : الحمدالله على السلامه

شما : والله اخيس سبرايز يطير القلوب

ريم : الله يسلمج ، شموه شو فيه ويهج تعبان ؟

شما : مانمت عدل

ريم : قومن بنتمشى وبنسولف باخذ علومكن

قمنا نتمشى ونسولف ناخذ علوم بعض بس شما كانت طول الوقت ساكته مب شما المزعجه اللي اعرفها كان واضح عليها التعب وضوح الشمس بس يالسه تقاوم التعب بكل قوه .

شما : بنات ابا كوفي

منيره : يبعد عنا ايلان كافيه 6 دقايق

ريم : عيل بنروح له مشي

***

دخلنا الكوفي وكل وحده طلبت اللي تباه ويلسنا ع تلفوناتنا إلا شما كانت حاطه راسها على الطاوله

منيره : شميم شو فيج ؟

شما : ماشي

ريم : تبين تردين الفندق؟

شما : لا

ريم : شموه هاج الكوفي شربي عشان تصحصحين

شوق : اي تاريخ بنرد ؟

شما : تاريخ 28

شوق : يعني بعد 10 ايام

ريم : كييفف؟ انا وشوق عندنا امتحان قبول حق الجامعه

شوق : خلنا نغير الحجز حق تاريخ 22

منيره : تمام

***

شفت ان حالت شما ابداً هب عاجبتني فرديتها الفندق غصب عشان ترتاح واول م بدخلت الغرفه انسدحت ع السرير وغطت عمرها باللحاف

منيره : شموه نحن بنروح الهارودز خلي التلفون عدالج واذا احتجتي شي دقيلنا ويوم بندق لج ردي

شما : اوك

: استودعتج الله

منيره : شما ماتبيني ايلس عندج ؟

شما : لا طلعي واستانسي ولا تشلين همي

يتبع ...