بعد ماخلصنا عشا نظفنا ورانا ويسلنا نسولف قالت لنا ريم عن سيف كيف تعرفت عليه وانها تعلقت فيه بسرعه وثقت فيه وسلمته قلبها وانا اشوفه ومنصدمه كيف جي تتكلم بكل ثقه كيف حبته بسرعه كيييف ؟؟؟ وانا مليون كيف وكيف في مخي :
ريم : ايه شفيج جي تشوفيني؟
شما : منصدمه منج ، توج ماقلتي بسم الله
ريم : والله حتى انا منصدمه ، تخييلي من اول ماوصلت لندن مادقيت على هليه ولا سألت عنهم
شوق : مشغوله مع حبيب القلب
شما : ريم انتي صدق تتكلمين لاني هب مستوعبه كيييفف؟ كيييف؟
ريم : والله ماعرف لا تسأليني
شما : يعني طول هلايام انتي تطلعين معاه ؟؟!1
ريم : هيه
شما : لا تيننيني ، كيف تثقين فيه ؟؟!!
ريم : ياخي حبينا بعض وتعلقنا في بعض وخلاص عاد
شما : بقررههه يالله طلعتي خفيفه
ريم : مايخصه ، القلب ومايهوى
شما : يعني واثقه انه بيتقدم لج ؟!
ريم : هيه واثقه والايام بتثبت لج
شما : تمام
انهيت النقاش وكنت صدق معصبه ومنصدمه كيف ريم جي تسوي يسلن البنات ينصحنها ويحذرنها لين مانجلب الوضع ويلسوا يسولفون عني وانهم منصدمين عبالهم حياتي ورديه وحياتي هي اللي كل بنت تتمناها :
شوق : شموه تعرفين اني قبل كنت اشوف ان حياتج وايد مثاليه كنت اتمنى اهلي جي يهتمون فيني مثلج
شموه : نزين والحين ؟
منيره : استغفرالله انا كنت اشوفج وايد متكبره ومغروره وشايفه نفسج
شوق : كنت اشوفج دلوعه وكل شي تبينه يوصلج كنت اغار منج
شما : ترا هب كل شي الفلوس ، انتوا تحسدوني على الاهتمام انا احسدكم على اجواء الاهل احس ودي لو بس اشوف امي ثواني عادي عندي اخسر كل شي بس حق اشوف امي لو جزء من الثانيه ، احمدو ربكم
شوق : الحمدالله ، غيروا الموضوع
منيره : صح شموه غيري تاريخ الرده
شما : هاتي لابي وراج
عطتني اللاب وغيرت موعد الرده ، قامن شوق وريم بيردن الغرفه ومنور دخلت تبدل :
شما ( بصوت عالي ) : بنات باجر بنروح سلفردج ابا اخذ هديه حق يدوه
ريم وشوق : تمام
***
الساعه 9:30 الصبح فاتحه منور سناب وتشوف مشهور لندن :
منيره : شمووه خالد بيروح يتريق في سلفردج
شما : نزين ؟
منيره : يلا قومي عشان مانتأخر ابا اصوره ابا متابعيني يزيدون
شما (تضحك ) : تمام
منيره : فديت هالضحكه
شما : منوووور
يتبع ...
أنت تقرأ
لندن غلاها غير
Romanceافرشي لنـا درب اللقى ي لـندن ؛ اتركي لنا فرصة لقى بين الزحام ( بالعاميه )
