لندن غلاها غير

البارت الرابع

شغل اغنيتي المفضله اللي مجرد ما اسمعها على طول اروق ( حجم الزعل ) صح الغنيه صار لها عشر سنين بس احبها جي بدون سبب ، ابتسمت وفتحت تلفوني تحديداً فتحت تويتر وغردت في حسابي الشخصي

" آه ياصوت راشد كل ماغنى

طرالي شخص حيييييل غالي "

وبالصدفه طلع اشعار تغريدتي في تلفون عمي لف شافني وضحك

شما : بعد مفعل التنبيهات

مانع : هيه نراقب اول بأول ، منو تقصدين ها ؟

شما : والله؟ يعني انا فاضيه لـ هالخرابيط

مانع : مادري بج بتنزلين ولا ؟

شما : لا م بنزل ، اطلب لي امريكانو

اول م نزل مانع دقت لي منيره

منيره : صبااحح الخيير

شما : اي صباح بيأذن الظهر الحين

منيره : جب ، المهم اقولج حجزت

شما : بسكر بسكر برمسج عقب

ركب السياره وعطاني الكوفي كان مبين على ويهه انه معصب م رمسته ولا سألته اذا في شي مضايقه لاني اعرف كيف اراضيه فصلت تلفونه من البلوتوث وشبت تلفون حطيت له غنية ( هذا صديقي ) لفنانه المفضل محمد عبده :

مانع ( يضحك ) : اعتبره اهداء

شما : هيه اهداء

ابتسم ومسك ايدي بقو وانا يالسه اتأمله واقول في مخي " اوعدك اني م اخليك متضايق طول م انا معاك واوعدك اني ابقى لك طول العمر يانعمه احمد ربي واشكره عليها " في شوية مبالغه صح بس عمي هو ابوي هو عضيدي هو اللي ينقال عنه سند وعزوه قاطع تفكيري رنة تلفونه والمتصل سعود رقم الإمارات :

مانع : هلا سعود رقم الدوله ؟

سعود : وعليكم السلام هيه عندي ثلاث ايام إجازه وقلت بيي اشوفكم

مانع : اسفرت وانورت الدار بقدومك

سعود : انت وين ؟

مانع : الحين راد البيت

سعود : زين لا تتأخر اباك في شغله

مانع : تمام

يتبع ...