بعد مرور اسبوعين من اللي شفته كنت يالسه ويا منور اسولف شوي وتدخل ريم وهي منهاره وتصيح حاولنا نهديها ونحاول نفهم السالفه بس مافي فايده عطيناها كوب ماي وترييناها عشر دقايق لين ماتهدى عشان نفهم السالفه :
ريم فتحت تلفونها تروينا المحادثه اللي بينهم في الواتس
سيف : انا اسف ريم بس لازم ننهي علاقتنا لاني بتزوج وانتي الله يحفظج ويستر عليج وحذفيني من كل مكان واتمنى انج ماترمسيني وانا اوعدج اني م ارمسج
ريم : شو بتتزوج نزين وانا ؟!
سيف : الله يستر عليج وكملي حياتج بدوني
سحبت الفون من يد منور وكتبت
انت ريال ؟
رد كتب : هيه ريال وغصباً عنج
شما : الحين يوم تعلق بنات خلق الله فيك هاي تسميها مريله؟! صدق عظم الله اجرك في رجولتك وحسبي الله ونعمل وكيل فيك بتلاقيها في خواتك ولا بناتك وبتتذكر هاليوم
م رد علي اكتفى بأنه يحظرني رديت الفون حق ريم وفتحت تلفوني ودقيت على مانع بس للاسف م رد ، سرت شوي افكر وقلبي يعورني قالي تقريباً شهرين م رمست ابوي ولا يدوه ومانع م اعرف شو صاير وكل م اسأل سعود يقولي انهم مايردون عليه سرحت شوي افكر شو ممكن يصير لهم ومايبونا نعرف تخطر في بالي وايد افكار وايلس استغفر قاطع تفكيري الدكتور وطلب مني اطلع معاه عشان يصور ايدي ويشوف اذا الورم خلف ولا.
***
رجعت ودموع الفرح على خدي :
منيره : بشري الله يبشرج بالجنه
شما : الحمدالله الورم وايد خف وبعد اسبوع بيرجع يصورني واذا م لقى اي ورم بيرخصني وبرد البلاد
كنت وايد مستانسه وريم ومنيره وايد مستانسين لي ومن فرحتهن يلسن يناقزن ويصارخن دق سعود الباب وتحمحم قبل مايدخل ، دخل سعود بلبس الطيران وفي ايده باقة ورد احمر لوني المفضل وفي يده الثانيه كيس فيه بوكس دونتس
سعود : الحمدالله على السلامه
شما : الله يسلمك
منيره : مسرع ماوصلك الخبر
سعود : دقلي الدكتور لان الرقم المسجل رقمي وعطول طلعت من الجامعه وييت
شما : وقف بصورك
منيره : وانا بصورك
سعود : لا م ابا اصير مشهور
منيره : بصورك من ورا ، شموه لزي ويهج يمين شوي اخاف ويهج يطلع وانا ابتلش
شما : عادي انزل الصوره بدون م اشخبط ع ويهك
سعود : هيه عادي ، انا بتم واقف يعني
شما : لا خلاص ايلس
سعود : اصلاً عندي محاضره بعد نص ساعه
منيره : دقيقه الحين سيف صدق بيتزوج ؟
سعود : لا خراط توني شايفنه مع وحده
يتبع ...
أنت تقرأ
لندن غلاها غير
Romanceافرشي لنـا درب اللقى ي لـندن ؛ اتركي لنا فرصة لقى بين الزحام ( بالعاميه )
