مرت علي شوق وطلعنا واستانسنا خذيت الاشياء اللي ناقصتني للسفر كنا وايد متحمسين ونحن نتشرا لكن خاطري كان ضايق من اسلوب شيخه معاي كنت طول الوقت افكر ليش هي جي تعاملني ما اذكر اني قد غلطت في حقها معقوله تغار مني ؟؟ و ع شو تغار؟؟ كنت اقول في نفسي انا لازم ارمسها واعرف شو الموضوع ليش هي جي تعاملني ؟؟ . انتهت طلعتنا بأغنية (ياحبي افهم - راشد الماجد ) وصلت البيت وانا نازله من السياره :
منيره : دقيقه شما فيج شي؟ ويهج هب عاجبني
شما (مبتسمه ) : لا ماشي لتحاتين
شوق : اكيد
شما : هيه اكيد تصبحون على خير
منيره وشوق : وانتي من اهله حبيبتي
دخلت البيت وشفت عمتي شيخه تترياني م عطيتها اي مجال عشان ترمس دخلت المطبخ وصبيت لي كوب حليب وشليته معاي الغرفه دخلت الحمام بدخلت وطلعت شربت كوب الحليب إلا وحد يدق الباب
شما : منو؟
الخدامه : شما ليش م مريتي على يدوتج تسأل عنج
شما : يايه يايه
قمت وربطت شعري وخذت روبي من ورا الباب ونزلت
شيخه : وين داخله سعود داخل
شما : عيل بروح انام عيزانه
شيخه : زين وانا شو يخصني تقولين لي؟
شما : عن لا تتفلسفين ، وين ليش م حبيتي اميه
شيخه : اذلفي انا اقول
***
الساعه 10:00 الصبح
فتحت الباب يدوه شما ويلست ع السرير عدالي تمسح ع راسي وتقولي
اليده شما : قومي يابعد اهلي وطوايفي كلهم ليش م مريتي علي الفليل
شما : كان سعود عندج وانا بالبجامه
اليده شما : هيه عذرج معاج ، يلا قومي بدلي بنتريق في الحديقه
شما : ان شاء الله
فتحت الفون خذت جوله سريعه بين البرامج بعدها قمت وخذت شور ع السريع بدلت وتبخرت وتعطرت ونزلت اركض من اليوع
الخدامه : ماشاءالله سيم سيم اروس
اليده شما : هبي هباج الله
شما : يدوه بسافر
اليده شما : زين سافري تدلين المطار ؟
شما : تراني صدق اتكلم
اليده شما : الشور عند ابوج بيي وشاوريه
شما : ان شاء الله
يتبع ...
أنت تقرأ
لندن غلاها غير
Romanceافرشي لنـا درب اللقى ي لـندن ؛ اتركي لنا فرصة لقى بين الزحام ( بالعاميه )
