لندن غلاها غير

البارت الثامن

( يوم السفره )

اليده شما : شموه يلا سعود يترياج

انا في الغرفه اتأكد ان كل شي احتاجه في شنطتي

شما : يدوه جوازي عندج

اليده شما : هيه ابوج يابه

ننزلت بسرعه ويدوه تقولي شوي شوي عن لا تتخرطفين حضنت يدوه وحبيتها فوق راسها

اليده شما : شليتي المرهم مال ايدج والضاغط ايدج

شما : هيه يدوه

حضنت ابوي وقالي استودعتج الله

***

في السياره

سعود : شو فيها ايدج ؟

شما : صارلي شهر ايدي تعورني وكل م رحت المستشفى قالو م فيج شي ويعطوني مرهم

سعود : سلامتج

شما : الله يسلمك

وصلنا المطار خذ سعود جوازي والشنطه وراح يسوي الإجراءات وانا يلست انتظره وبعد م خلص دخلنا ويلسنا نتمشى دخل سعود محل عشان ياخذ له جاكيت لان الجو بارد هناك وهو ناسي جاكيته وانا رحت ستاربكس وقلت له بترياه هناك يلست وطلبت لي كوفي وكيكه ودخلت سناب عشان اشوف وين وصلن البنات

(قروب السناب )

شما (فويس ) : بنات وينكن ؟

شوق : تونا واصلين بندخل الشنط

شما : يلا اترياكن

منيره : وانتي شحقه داخله قبلنا

شما : لاني مع سعود

منيره : ومنو ها ؟

شوق : ولد عمها الله يفشلج

شما : ريم وين ؟

ريم : انا فالطياره

شما: كيف بعدها الطياره

ريم : بروح مصر انا ويا هليه جي كم يوم عقب بييكن

شما : في حفظ الله

***

الحمدالله ركبنا الطياره ويلسنا اماكنا منور وشوق عدال بعض وانا بروحي ع يمينهم عند الدريشه فتحت اتفقد تويتر ومنور ترويني سناب وتقولي ها المشهور خالد معانا في نفس الطياره بس في الفرست كلاس قلتلها هيه ادري مع سعود ولد عمي نزلت تغريده اقول فيها :

" ياماخذّ نور هالديّره .. حافظك الله يامسافر "

يتبع ...