لندن غلاها غير

بارت 24

بعد ماخف المطر شوي طلعنا نتمشى ، كان فيني شعور حلو احس برضى وسعاده شعور غريب وانا في هالحاله ، يالسه افكر بيني وبين نفسي واقول " الحين اذا انا تركت ابتسامه في ويه عابر حزين في يوم من الايام بترجعلي الابتسامه يوم بفقدها ، انا لازم اسعد غيري عشان ترجع لي السعاده " لمحت من بعيد حرمه كبيره في السن ماسكه سلة ورود رحت واشتريت الورد كله واضن اني عطيتها مبلغ اكثر من قيمة الورد نفسه لان حضنتني وابتسمت ودعتلي ، كنت امشي بالسله وما اعرف شو اسوي بـ هالورد .

منيره : شو بتسوين بكل هالورد

شما : اممم بوزعه

كنت امشي بسلة الورد واعطي ورد لاي شخص اشوفه حزين او متضايق ولا معصب مستعيل واكثر ناس عطيتهم من كبار السن بقتلي اخر 6 وردات قلت بعطيهم للي في المستشقى .

***

بعد ما عطيت الورد لثلاث مرضى يهال والدكتور والممرضتين اللي دوم وياي دخلنا انا ومنور الغرفه ولقينا بوكس دونتس على الطاوله وورقه مكتوب عليها بالعافيه وتوقيع سعود فتحت سناب وكتبت له :

شما : شكراً

سعود : تستاهلين

سكرت التلفون وفتحنا البوكس يلسنا نسولف وناكل :

منيره : بتقولين حق ريم ؟

شما : ما احس هذا الوقت المناسب وفي نفس الوقت احس ابا اخبرها

منيره : يالسه تفكرين فيها وهي ولا درت عنج

شما : تصدقين احس خلها على عماها مردها بتعرف

دقايق صمت منور بدت تتخيل اللي شفته وتعصب ، دخل سعود :

سعود : السلام عليكم

شما : وعليكم السلام

منيره : ليكون انت بعد نفس ربيعك

سعود : اي ربيع ؟

منيره : ها سيف ، ترا بنات الناس مو لعبه تلعبون عليهم صدق ما تستحون انتوا هني تدرسون ولا تصيعون شو بالضبط ؟

سعود : شموه شو السالفه؟ هب فاهم

منيره : يعني الحين اونك م تعرف سوالف ربيعك ، م تعرف ان ربيعك اييب بنات الشقه ويباتون عنده

سعود : والله م كنت ادري وعفكره توني متضارب معاه

شما : ليش ؟

سعود : كنا فالكوفي نسولف وجي شوي ويقول لو انا عنك جان قردنت خمسين وحده بس ليت عندي نص المبلغ اللي في حسابك كنت اتحراه يستهبل بس قام يرمس عن البنات والفلوس لين ما قمت وضربت ايدي ع الطاوله بقوه وطاح كل شي من الطاوله وتكسر مسكته من رقبته وقلت له اذكر ربك ويوم بتستوي ريال تعال رمسني وطلنا انا وخالد ويلس يقولي خالد سعود ابتعد عن سيف بيسوي لك مشاكل وترا نيته هب زينه ، ودق علي ابوي وهزبني لان في حد مصورني ومطرش الفيد له .

يتبع ...