*** ريم
صارلي يومين على هالحال اقوم على اتصال من سيف وايلس اسولف معاه بالساعات م امل منه اطلع وقت محاظراته واول م يخلص ارد الشقه عشان اكلمه ، احس فيني شعور غريب اتجاهه وكل يوم اتعلق فيه اكثر واكثر . الساعه 5:00 العصر رديت الشقه اجهز الشنطه لان بكره الفجر طيارتي ع لندن .
( قروب السناب )
منيره : ريم وينج؟ لا حس ولا خبر
شما : هي والله حتى ستوري م تنزلين شو صاير؟
ريم : مشغوله مع اميه والطلعات مافي وقت حق التصوير وهالسوالف
وانا اقول في خاطري اسفه بنات ما اقدر اقولكم شو شاغل بالي ومخليني مشغوله طول الوقت سكرت التلفون ودخلت الحمام اخذ شور على السريع وبعدها حطيت راسي ونمت لاني كنت مواصله من اليوم اللي قبله في كول مع سيف .
***
5:00 الفجر ...
ام ريم اتدق الباب
ريم : قايمه قايمه
دخلت علي امي وشافتني متجهزه يلست توصيني وتحذرني وقالت لي خليج عالتواصل معاي لين ماتركبين الطياره خذيت شنطتي وحضنت امي واختي ونزلت لقيت الاوبر يترياني ركبت وسيده اتجه للمطار الطياره الساعه كانت الساعه 6:30 وانا خايفه اتأخر ولا شي بس الحمدالله كل شي كان تمام ركبت الطياره ويلست مكاني وطمنت امي و غردت في تويتر :
" افرشي لنا درب اللقى يالندن
اتركي لنا فرصه لقى بين الزحام "
***
* شما
الساعه 9:00 الصبح جرس الغرفه يرن
شما : منور شوفي منو عالباب
منيره : هاي شوق
فتحت لها الباب :
شوق : ها م قمتن ؟
منيره : انا قايمه بس شموه تعبانه قالت انزلن تريقن وهي بتلحقنا
شوق : انزين يلا ننزل
نزلن البنات وانا احس اني بموت من ويع ايدي قمت ادور المرهم مالقيته لبست الضاغط وقمت بدلت عشان م اتأخرعليهم وانا نازله تذكرت ان المرهم خلص طلعت التلفون ودقيت على سعود
شما : صباح الخير
سعود ( بهدوء ) : بالنور والسرور
شما : نايم ؟
سعود : لا كنت في حجرة خلود وانتي تدقين وخلود راقد
شما : نزين سعود اباك تييب لي مرهم
سعود : ان شاء الله بمر على الصيدليه بعد الجامعه
شما : شكراً
سعود : ولو م بيننا يلا برايج بروح الجامعه
شما : في حفظ الله
يتبع ...
أنت تقرأ
لندن غلاها غير
Romanceافرشي لنـا درب اللقى ي لـندن ؛ اتركي لنا فرصة لقى بين الزحام ( بالعاميه )
