لندن غلاها غير

البارت السابع

اليده شما : مانع وانت ياي ييب المسجل

مانع : ان شاء الله

شما : ليش يدوه ؟

اليده شما : ابا اسمع فيروز

واخيراً خلصن الخدامات ترتيب الطاوله والريوق بعد م يدوه تمت ع راسهن وياب مانع المسجل وشغل فيروزغنية يدوه المفضله ( حبيبي صباح الخير )

***

مانع : منو ها اللي داخل علينا بروز ؟

شيخه : حضرة جنابه بو شما

اليده شما : اذكروا الله حتى اخوكم بتحسدونه

مانع : ماشاءالله ، الله يرزقه ويرزقنا

شيخه : عاد نحسده ع شو ؟ الحمدلله والشكر

اليده شما : اوش هكو ياي ، هلا هلا ومرحبا

بو شما : صبحج الله بالخير امايه

اليده شما : بالنور والسرور يابعدي ، تريقت ولا

بو شما : هيه متريق ، إلا بنتي وين ؟

اليده شما : شما ، شميم تعالي ابوج يباج

ييت وحبيته على راسه قعدت مكاني وسحبت تلفوني اتفقد تويتر وسناب وابوي ويدوه م خلو موضوع ما سالفوا عنه وانا احوس وافكر كيف افتح الموضوع السفر

اليده شما : صح سعيد

بو شما : هلا اميه

اليده شما : بنتك تبا تسافر

شما : هيه ابوي ابا اسافر ويا ربيعاتي لندن اسبوعين اغير جو شوي

بو شما : شكلج مقرره وخلاص بس يالسه تقولين لي

اكتفيت اني ارد عليه بابتسامه وكمل

خلاص اللي تبينه بحول لج فلوس و ان شاء الله يكفنج

شما : تراني حاجزه خلا ص

بو شما : بعد مجهزه كل شي قبل

شما : هيه

بوشما : يلا اميه انا بروح عندي شغل

اليده شما : اليوم اجازه

بوشما : شي زياره رسميه لازم اكون متواجد في القصر

اليده شما : الله يحفظك

راح ابوي وانا طلعت الغرفه وقفلت الباب وراي دقيت سكايب ع شوق ومنور وييلسنا انرتب الشنط ونحن في الكول نسولف دشت علينا ريم في الكول ويلست تتحرطم لين م طردتها .

يتبع ...