دق مانع على سعود وقاله ياخذني من سلفردج ياني سعود على طول ، اشرلي وطلعت له
سعود : شسالفه ؟ مانع داق يباني اطلعج
شما : الموت ، هالمطعم مال مغازل
سعود : تبين تييلسين ولا ؟
شما : لا دخليك بتغدا في اي مطعم ثاني
دخلت وخذت شنطتي والاكياس وقلت لهن بعد ماتخلصن دقن علي بييكن ، رحت تغديت مع سعود في مطعم قريب ويلسنا نسولف عن الدراسه في لندن ويسألني عن التخصص اللي ابا ادخله وشو ابا اشتغل شو ميولي بس للاسف ...
شما : بدخل إدارة اعمال
سعود : ليش في مليون ألف تخصص
شما : دقيقه انت تدرس إدارة اعمال ليش لابس لبس طيران ؟
سعود : ماتدرين خذت الشهاده في سنتين عقب دخلت الطيران
شما : غريبه محد ياب طاري ، وكيف في سنتين ؟
سعود : محد يدري غير امايه وابويه ومانع ، وكنت اخذ صيفي وشاد حيلي وجي خلصت في سنتين
شما : ماشاءالله
***
دقت علي منور ورحت لهن طلعنا وركبنا التكسي انا كنت لاهيه في التلفون بس سمعت منور تقول حق التكسي يروح الهارودز
شما : ليش هارودز؟
منيره : ابا اخذ حايه
شما : وشو هالحايه ؟
منيره : ابا روج هدى بيوتي
عطيتها نظره وردت علي بابتسامه حزينه ، نزلنا هارودز انا يلست عالكرسي اترياهن وهن يتشرن
( قروب سناب )
شما ( فويس ) : يلا عاد خلصن
: بذبحج منور ها كله حق روج
: ادري انكن يالسات تصورن وماتبن تدخلن القروب
منيره ( فويس) : يوووههه شميم عن الحنه عاد
شما : ابا انااااام خلصن
طلعن وكل وحده ماسكه كيس اكبر عن راسها ، وقفت تكسي وسيده الفندق ، دخلت الغرفه وحطيت راسي ونمت . قومتني منور الساعه 7:30 قمت صليت المغرب والعشا وكلت لي صحن فواكه فتحت سناب اشوف ريم مصوره جاكيت رجالي وتقول ان سيف في خاطره هالجاكيت ويالسه تشاورنا اذا تاخذه ولا لا ، حطيت لها الفيس المعصب وبندت الفون قمت بدلت وقلت حق شوق تتجهز .
يتبع ...
أنت تقرأ
لندن غلاها غير
Romanceافرشي لنـا درب اللقى ي لـندن ؛ اتركي لنا فرصة لقى بين الزحام ( بالعاميه )
