( بعد مرور شهرين )
انا ويدوه وعمي مانع يالسين في حديقة البيت مقابل النافوره :
اليده شما : شموه عيل سعود وين ؟
شما : سعود فالجامعه
اليده شما : تريق قبل م يروح ولا ؟ لاني م شفت اكل ع الطاوله
شما : لا يدوه سعود م يتريق اول ما يقوم
مانع : هيه نفس ابوه يتريق بعد م يقوم بساعه يقول انه اذا تريق اول ما يقوم تييه لوعه
اليده شما : خلونا من سالفة الريوق وشغلوا لنا فيروز
شغلنا لها فيروز وييلسنا نتأمل الجو ونحن نسمع اغنية انا لحبيبي - شوي واحس ان حد حاط يده على كتفي وحبني على راسي لفيت وشفت سعود قمت وحضنته
اليده شما : يديمكم يارب
: امين
سعود : يالسين بروحكم إلا مانع وين
اليده شما : توه كان هني يالس
يلس سعود وحط كمبوسه على ريلي :
اليده شما : عقبال ما اشوفك بلبس التخرج
سعود : هانت باقيلي كورس باخذه السنه اليايه
اليده شما : وليش السنه اليايه
سعود : لان فاتني التسجيل
اليده شما : يلا ان شائ الله اشوفك متخرج وشايل ولدك بين ايديك
سعود : امين امين كثري من هالدعاء ، يلا شي في الخاطر ؟
شما : على وين ؟
سعود : برد الجامعه
اليده شما : عيل ليش ييت ؟
سعود : مشتاق وعندي بريك وييت اشوف الحب
انت السعاده وانت الحب الاول والخير اللي ماله بديل ، انت شخص مستحيل يتعوض ، شكراً لانك الشخص الوحيد اللي مرتبطه سعادتي فيه شكراً لان بذلت كل جهدك عشان تشوف ابتسامتي شكراً شكراً شكراً ومليون شكراً ماتوفي بحقك ، شعور حلو لما يكون عندك شخص مستعد يهدم كل شي عشان سعادتك ، مستعد يسوي المستحيل عشان يرضيك ، شخص مايهمه شي غيرك ، شخص يشوفك كل احتياجاته و كل شي بعيونه ، شخص يساندك ومعاك في الحلوه والمره ، شخص يحبك بأفعال هب بس كلام ويبيع الدنيا عشانك ، شخص مجرد ماتشوفه تطلع منك ابتسامه عفويه ، لا خلا ولا عدم منك ياسعود ❤
يتبع ...
أنت تقرأ
لندن غلاها غير
عاطفيةافرشي لنـا درب اللقى ي لـندن ؛ اتركي لنا فرصة لقى بين الزحام ( بالعاميه )
