31-12
قبل م احط راسي وانام تحديداً كانت الساعه 10:30 وصلني مسج من رقم مجهول :
تخيل معي بكره تصحى على خبر كنت يأس من إنفراجه وتهوينّه ؟ فجأة ربي سبحانه فرجها عليك وأسعد قلبك فقط من دعوة في جوف الليل ❤.
لا إراديا ع طول رديت وكتبت يارب وانا كلي يقين وإيمان انه بيستجيب كان في شعور داخلي يقولي قومي صلي واطلبي ربج لانه قريب منج وبيستجيب لج ، قمت توضيت ويلست اصلي ، دخل سعود :
سعود : تقبل الله
شما : منا منك
سعود : حبيبتي شو فيها ؟ ليش عيونها ذبلانه ؟
شما : الفرج قريب ان شاء الله
سعود : ان شاء الله
شما : سعود خلنا نطلع نمشي شوي
سعود : م كنتي تعبانه وتبين تنامين
شما : لا طار النوم
طلعنا نتمشى برا كنا نسولف عن وايد اشياء احب اسلوب سعود في الكلام ماشاءالله وايد مثقف عنده معلومات عن كل شي يعرف يسولف في كل المواضيع تعلمت منه وايد اشياء عرفت ان صدق م في مثله .
**
سعود : موعدج الياي بعد يومين صح ؟
شما : هيه
سعود : هانت و الله كريم
شما : والنعم بالله ، برد
عق سعود جاكيته ولبسني اياه : مره ثانيه م تطلعين بدون جاكيت ولا شال
شما : ان شاء الله
ردينا ويلسنا في الحدقه قدام النافوره دقت لي عمتي ( ام سعود ) رديت عليها :
ام سعود : السلام عليكم
شما : وعليكم السلام
ام سعود : غريبه واعيين
شما : هيه كنا نتمشى برا
ام سعود : شحالكم وشو الاجواء عندكم إلا سعود وين ؟
شما : الحمدالله بخير ويسرج الحال والله الجو بارد وسعود راح يسوي لنا شاي
ام سعود : سعود يسوي شاي ؟
سعود : هيه طايح من عينج انا
ام سعود : فديتك انت لا حشى انت عيوني لمركبه
سعود : فديتج يميه يعلني م ذوق حزنج
ام سعود : سعود متى ناوي تينا زياره ؟
سعود : اولاً خلاص لحد يسميني سعود من اليوم نادوني ابو حارب
ام سعود : مبروك مبروك
: يبارك فيج
شما : بتسميه حارب على منو؟
ام سعود : ربيعه اللي متوفي من سنتين
سعود : الله يرحمه
خذتنا السوالف مع عمتي ويانا عمي وسولف وايد طولنا ونحن نسولف لين م بند المكالمه سعود وهو يقول : خلاص تعبتو حبيبتي لازم ترقد
يتبع ...
أنت تقرأ
لندن غلاها غير
Romanceافرشي لنـا درب اللقى ي لـندن ؛ اتركي لنا فرصة لقى بين الزحام ( بالعاميه )
