طلعت البلكونه ويا سعود اشم هوا شوي وهو يلعب لودو ، سرحت في هواجيسي افكر لكن إشعارات التلفون مزعجتني :
شما : منو هالكثر يرمسك
سعود : هب بس تلفوني حتى تلفونج
شفته مستغربه
سعود : قروب الاهل
فتحت فوني اشوف شو السالفه وان المسجات ورا بعض ماقدرت اروح فوق عشان افهم السالفه
( قروب الواتس )
العم خالد : انا ولدج العود مالي شور
فيصل خالد : فديتها انا العيوز اللي بتعطيني غرفه
اليده شما (فويس): انا قررت وخلاص وبعدين امك العيوز مالي حايه فيك عندي سعود هني
مانع : ومانع ماتبينه
فيصل خالد ( فويس ) : سعود وسعود شو مسوي من خير
***
شافني سعود وضحك عقب قال : شفيه فيصل عليه
شما : والله مادري انا روحي هب فاهمه ما اقدر الحق عليهم
سعود : عمتيه شيخه شو فيها عليج
شما : ماتدانيني من يوم انا ياهل مادري شو فيها
***
كملت اقرا واحاول افهم
شيخه : حووه ها بس عشان شما
موزه : اميه فكري في الموضوع مايصير جي تقرربن ونحن اخر من يعلم
عاشه : امايه صح كلام موزه مايصير
اليده شما (فويس) : احمد وسعيد مابيقصرون هم اللي بياخذون لي المزرعه انتوا م منكم فايده
سعيد : اللي تبينه بيصير
شيخه : سعيد هب يعني بنتك هناك تتعالج تاخذ حق اميه مزرعه وتعيشها هناك سفرها كل فتره هب تسكنها
سعيد : انتي شو تقولين ؟ حد يترجم لي
شيخه : لا تتطنز
***
شما : احس اني فهمت
سعود : شو اللي فمتيه هذيل يتضاربون
شما : يدوه شكلها تبا تاخذ مزرعه فيها بيت وتييلس ويانا لين م اخلص علاجي واصير بخير
سعود : والله وبتنور لندن
شما : منوره من زمان باللي ساكنها ويدرس فيها
سعود : اقول قومي اتجهزي بنطل نتقهوى
شما : ان شاء الله
كان ماودي اطلع لاني تعبانه وبعدني احس بألم ابرة الكيماوي وعندي صعوبه في التنفش بس ماحبيت ارده دخلت بدلت ودقيت على الممرضه تييب لي خزان الاوكسجين وانبوب يديد .
سعود كل دقيقتين : هاتجهزتي ؟ خلصتي؟
شما : اتريا الممرضه تييب الخزان
وبعد 10 دقايق يابت الممرضه الخزان :
شما : سعود يلا
سعود : دقيقه قيم واحد بس
شما : دقيقه اونه عيل ليش تحن
سعود : لا حوول دخلت بمليون وخسرت
يتبع ...
أنت تقرأ
لندن غلاها غير
Romanceافرشي لنـا درب اللقى ي لـندن ؛ اتركي لنا فرصة لقى بين الزحام ( بالعاميه )
