بعد ماتجهزنا نزلنا تحت عشان نتريق ، الريوق كان انواع واشكال من كل شي بس انا اكتفيت بصحن الفواكه المقطعه ، اما شوق ومنور طلبوا ريوق فرنسي . بعد ماخلصت صحني رحت فوق اخذ جاكيتي لان الجو بارد ونزلت لقيت شوق ومنور برا قدام باب الفندق طلعت لهم .
شوق : تمشون ولا تبون تكسي؟
شما : لا خلنا نمشي
شوق ( تأشر ) : نزين يلا من هني
فتحت السناب ووكتبت حق سعود اني في الهايد بارك
سعود : وقفي اشوفج
شما : بنات وقفن سعود ياي
***
يانا سعود وخالد وواحد اسمه سيف بعد ربيعه عطيناهم تلفوناتنا وركبوا لنا الشريحه وسجل لي رقمه
خالد : منو هاي اللي تبا تصورني ؟
شما : منور تباك تنور سنابها
فتحت منور سناب وصورته فيد و هي تقول شو فوا منو لقينا في لندن وجي تسولف معاه وختمت الفيديو وهي تقول والله انك منور السناب رد عليها وقال عقبال ماتنورين سنابيه .
***
راحن منور وشوق ياخذن كوفي وانا رحت يلست قدام النافوره اترياهن وقابليني ع الطرف الثاني ريال مع بنته وحرمته اشكالهم خليجيه ، البنت يالسه تلعب في النافوره وتأكل العصافير والام م تباها توصخ ثيابها . قاطعت اندماجي منور وهي تعطيني الكوفي وتسألني مجيمه ع شو ؟
شما : ها ؟ ماشي
تذكرت نفس الموقف اللي صارلي يوم كان عمري ثمان سنين وفي نفس المكان كنت يالسه العب في النافوره وكانت في بطه ااكلها وامي تقولي شما لا تقربين من النافوره بتطيحين اكلي البطه من بعيد، وابوي يقول حق امي خليها تلعب امي تقول بتوصخ ثيابها وانا مصره على عنادي وامي طبعا ً استسلمت ويلست عدال ابوي ، بعد ما اكلت البطه وخلصت قمت استعرض واتجلب وفجأه بوووم طحت في النافوره ، ما انسى ضحكة امي بكل تفاصيلها م انسى ويها يوم جلب احمر من كثر الضحك ، اه ياجعل ذاك الويه للجنه ، اخخ بس لو تدري شكثر شوقي لها .
منيره : شما ؟ شموووه ؟؟ شميم ؟
نزلت دمعتي من عيني وانا ابتسم واقول الله يرحمها
منيره : منو ؟
شما : ماشي تذكرت امايه
: الله يرحمها
منيره : بنات يتني 178 إضافه في سناب شو صاير؟
شوق : هذا يوم صورتي خالد
منيره : الللههه يعني بصير مشهوره
: الكل يضحك
يتبع ...
أنت تقرأ
لندن غلاها غير
Romanceافرشي لنـا درب اللقى ي لـندن ؛ اتركي لنا فرصة لقى بين الزحام ( بالعاميه )
