تاريخ 25/1
بعد مرور شهر و 5 ايام من وجودي في هالمكان الكئيب ولاول مره اقوم الصبح مستانسه واحس ان اليوم بيكون غيير بمعنى الكلمه قمت بدلت وتعدلت وبعد نص ساعه دخلت منور ؛
منيره : صباح الخيير الابتسامه شاقه الويه
شما : صباح السعاده
منيره : دوم يارب ، شو الطاري؟
شما : حلمت امايه ، كانت يالسه على هالكرسي وماسكه ايدي وتقول انتي اقوى منج جي وانا معاج متى ما احتجتيني ناديني انا هني عدالج وبتم ادعيلج طول الوقت .
منيره : الله يرحمها ، نزين يلا قومي بطلعج ولا تحاتين رمست الدكتور وقال خذوا خزان الاوكسجين
***
كانت تتريانا ريم فالتكسي ركبنا وسلمت عليها :
ريم : حي هالشوفه
شما : الله يحييج ويبقيج
ريم : شموه يأكلونج فالمستشفى ؟
منيره : هيه انا اللي اييب لها الريوق والغدا والعشا
ريم : ليش جي وايد ضعفتي اممم اكيد من النفسيه لانها تأثر على الجسم دقيقه الحين صدق من شهر ابوج ماياج ولا رمستيه ؟!
منيره : ريييم اكرمينا بسكوتج
شما : خليها تقول اللي تباه
كنت على التلفون واحاول ما اعطي اي اهميه للكلام اللي قالته وصلنا ونزلنا كنت احس بضيق منور وريم راحن ياخذن بطايق وانا يسلت على التلفون انتظرهن .
منيره ( بصوت عالي ) : شما كم دوره تبين
شما : دوره وحده بس
كملت احوط في المكان لين ما يخلصن بس للاسف شفت منظر كان ماودي اشوفه ولاودي اي حد يشوفه سويت عمري مدوخه وطحت يوني على طول ريم ومنور شلوني وطلعنا ركبنا التكسي سمعت ريم تقول حق السايق يودينا المستشفى
شما : لا خلنا نروح اكس فورد ستريت ، صرت احسن
منيره : تشوفني بنظره
ريم : متأكده ؟
شما : هيه
***
كان الجو بارد ومغيم بيصب مطر فدخلنا اقرب مخبز وطلبنا هوت شوكلت وكرواسون حار ويسلنا نتأمل المكان والجو ، المخبز عباره عن خشب بس كان وايد حلو التصميم قطعت تأملي منور وهي تقول
منيره : تعالي عبالج ما ادري شو التمثيليه اللي سويتيها
شما : دقيقه ريم وين ؟
منيره : دق لها سيف وراحت
حطيت ايدي ع راسي وانا اقول : سويت هالتمثيليه لاني شفت سيف ويا وحده
منيره : سيف سيف
شما : هيه سيف لاف يده ع خصرها ويالس يحبها
منيره : جذاااببههه ، من وين البنت ؟
شما : يبين عليها خليجيه وبعدين ليش بجذب ؟
يتبع ...
أنت تقرأ
لندن غلاها غير
Romanceافرشي لنـا درب اللقى ي لـندن ؛ اتركي لنا فرصة لقى بين الزحام ( بالعاميه )
