بعد ما اتجهزت رحت عند شوق وريم اتأكد انهم قاموا ونزلت اتريق كالعاده صحن فواكه وكوب عصير برتقال فرش وبعد ماخلصت يلست على الفون في صالة الانتظار ، نزلت منور وشوق وتريقن إلا ريم ماشفتها معاهن .
( قروب النساب )
منيره : شما طلبي تكسي
شما : تعالن ريم وين ؟
***
يتني شوق ويلست عدالي : ريم بتتريق مع سيف
شما : هاي بتجلطني ، امس يالسين انرمسها
شوق : شسوي م تبا تفهم ان اللي تسويه غلط
شما : تسوي اللي تباه نحن حذرناها وبكيفها
بعد ماخلصت الشيخه منيره ريوقها ركبنا التكسي وتوجهنا ل سلفردج ومنور كانت وايد متحمسه تبا تصور مشهور لندن ، نزلنا من التكسي منور راحت اتدور مشهور لندن وانا قلت حق شوق تساعدني اختار حق يدوه هديه وبعد ساعتين من االلف والدواره من محل لمحل واخيراً عرفت شو اخذ لها وبعدها ساعه زياده ادور هديه حق مانع كنت محتاره في سوارتين وتريت منور لين ما تينا وتعطيني رايها .
***
منيره : ييت ، ها شو تبين حاشرتني؟
شما : محتاره شو اخذ حق عمي مانع
منيره : خذي السواره السوده
شما : تمام
شوق : نزين منور شو سويتي؟
منيره : سويت فقره معاه في سنابي وهو سوا فقره لي في سنابه وسوالي شوت اوت
شوق : كم إضافه للحين
منيره : 4287 إضافه
شوق : ماشاء الله ، الله يزيد ويبارك
منيره : نزين انا يعت ، يلا بنروح نتغدا
***
حاسبت وطلعنا ودتنا منور مطعم تقول انه يمدحونه وتقييمه عالي بس للاسف كان كله شباب خليجيين مانقدر ناخذ راحتها احس اني مراقبه من كل الجهات حايلت منور نطلع بنرد مره ثانيه لاكنها كانت مصره وتقول لا تعطينهم ويهه م بيحاولون يتقربون منج حاولت اهدا لاكن مبين علي التوتر فتحت التلفون ودقيت على مانع عشان اشغل نفسي لين مايوصل الاكل .
مانع : شفيج متوتره ؟
شما : المطعم كله شباب
حاولوا الشباب يتحرشون ويتقربون ويغازلون ، سمع مانع كل شي وسكر المكالمه
يتبع ...
أنت تقرأ
لندن غلاها غير
Storie d'amoreافرشي لنـا درب اللقى ي لـندن ؛ اتركي لنا فرصة لقى بين الزحام ( بالعاميه )
