لندن غلاها غير

بارت 14

** شما

الساعه 4:30 رت تلفون ثلاث مرات ورابعض ( سعود , منور ,سعود ) دقيت على سعود

سعود : زين رديتي

شما : كنت نايمه

سعود : صح النوم ، انا تحت

شما : صح بدنك ، يصير اتي فوق عيزانه مافيني انزل

سعود : كم رقم الغرفه ؟

شما : الطابق .... غرفه رقم ...

**

سكرت التلفون 5 دقايق ورن جرس الغرفه فتحت الباب خذت منه المرهم وطلبت منه ياخذ الاشياء اللي اشتريتها يحطهن فالشقه عنده لاني سمعت وايد سوالف عن السرقات وبومطرقه ..

شما : سعود خذ هالاكياس ويودهن عندك

سعود : ليش؟

شما : اخاف يدخل علينا بومطرقه

ضحك وخذ الاكياس معاه وطلع ، دقيت على منور وطمنتها علي وقلت لها اني ببدل وبييهن كنت احس اني بخير قمت وبدلت وتجهرت ونزلت تحت طلبت من الريسبشن يطلبون لي تكسي يلست على الفون انتظر التكسي دقت علي منور

منيره : شموه لاتيين

شما : ليش؟

منيره : نحن رادين الفندق بنرتاح عقب بنروح ونتر وندر لاند في الهايد بارك

شما : تمام بطلع اتمشى شوي

***

الساعه 6:30 (قروب السناب )

شما : اترياكن تحت في الرسبشن

منيره : انا نازله

شوق : دقايق وبييكن

نزلن شوق ومنور بس ماشفت ريم معاهن

شما : ريم وين ؟

شوق : ريم م ردت معانا

شما : اها

طلعنا خذنا لنا كوفي وخبز عشان البط ويلسنا قدام البحيره لين ماتظلم الدنيا عشان انروح الونتر لاند فتحت التلفون على الواتس اب ودخلت محادثتي انا وابوي وللاسف شفته اون لاين وانا اقول في خاطري "صارلي تقريباً خمس ايام مسافره معقوله مافكر يسأل ولا يدق ولا حتى يطرش مسج ؟؟!! اكيد مشغول عذره معاه بس يعني بعد ماتدخل العقل " تذكرت انه يتابعني في تويتر ومفعل لي جرس التنبيهات دخلت تويتر ونزلت تغريده لعل وعسى ينتبه انه المقصود

"كيف طاوعك قلبك تنساني ولا تسأل وانا الذي في عيونك لك كل هالكون "

على طول بعد مانزلت التغريده ياني اشعار

الغلا : بنتي الحلوه تقصدني ؟

يتبع ...