𝐓𝐫𝐚𝐩 𝐅𝐨𝐫 𝐘𝐨𝐮 𝐎𝐧𝐥𝐲 🚨🔞 [ ခေတ္တရပ်နား ]

Trap For You Only (17) ( Unicode )

Next Morning

ငယ်လေးတစ်ယောက် အိပ်ရာကနေ နိုးလာတယ်။ မျက်လုံးဖွင့်ဖွင့်ချင်းတွေ့လိုက်ရတာက ရင်ခွင်ကျယ်ကြီး။ တိတိကျကျပြောပြရမယ်ဆိုရင် အဝတ်ဗလာဖြစ်နေတဲ့ ရင်ခွင်ကျယ်ကြီး။

အဲ့ဒီရင်ခွင်ကျယ်ကြီးနဲ့ သူ့မျက်နှာနဲ့က ပြောရမယ်ဆိုရင် နည်းနည်းလေးပဲ ခြားနေတာ။ ကိုကို့ရဲ့ရင်ခွင်ကျယ်ကြီးက နွေထွေးလိုက်တာ ။ တစ်သက်လုံး ဒီရင်ခွင်မှာပဲ ခိုနားခွင့်ရမယ်ဆိုရင် ဘယ်လောက်ကောင်းလိုက်မလဲ။

ကိုကိုရဲ့လက်တွေကတော့ ငယ့်ရဲ့ခါးသိမ်သိမ်လေးနားမှာ ရစ်ဝဲနေတုန်း။ အရမ်းသဘောကျတယ်။ ကိုကိုနဲ့ဒီလိုမျိုး နီးကပ်နေပြီး‌နှစ်ကိုယ့်တစ်ကိုယ်ဖြစ်နေတဲ့အနေအထားလေးကို အရမ်းသဘောကျတယ်။

ငယ်လည်း ကိုကိုရဲ့ရင်ဘတ်ကို တစ်ချက်ခိုးနမ်းလိုက်တယ်။ ကိုကိုများသိသွားမလားလို့ မော့ကြည့်လိုက်တော့ ကိုကို့မျက်လုံးတွေက မှိတ်ထားတုန်းပဲ။ နောက်တစ်ခေါက် ငယ် ထပ်နမ်းလိုက်မိတဲ့နေရာက ကိုကိုရဲ့နှလုံးသားရှိနေတဲ့နေရာ။ ငယ် နမ်းရုံနဲ့အားမရတော့လို့ တတိတိကိုက်ချလိုက်တယ်။

" ငယ်က ခွေးလေးလား "

မော့ကြည့်လိုက်တော့ ကိုကိုက ငယ့်ကို ပြုံးပြုံးကြီးစိုက်ကြည့်နေတယ်။ ငယ် နည်းနည်းတောင်ရှက်သွားတယ်။ ရှက်လို့ ကိုကိုကို့မကြည့်တော့ဘဲ မျက်နှာကို အောက်ငုံ့ထားလိုက်တော့ ကိုကို့ဆီက အသံ‌ထပ်ထွက်လာတယ်။

" ကိုက်တုန်းက ကိုက်ပြီးတော့ အခုမှ ရှက်နေတာလား "

ကိုကိုက သူ့လက်နဲ့ ငယ့်ရဲ့မေးစေ့ကို‌ဆွဲမော့လိုက်ပြီး သူ့နှုတ်ခမ်းက ငယ့်ရဲ့နှုတ်ခမ်းပါးအနီးတစ်ဝိုက်ကို ရောက်လာတယ်။ ကိုကို့ရဲ့ဝင်လေထွက်လေတွေက အစ ငယ် အကုန်ခံစားလို့ရနေတယ်။

ငယ့်နှလုံးခုန်သံတွေက တဒိတ်ဒိတ်နဲ့ အပြင်ဘက်ကိုများထွက်ကျလာတော့မလားထင်ရတယ်။ ငယ် အခုလိုရှက်နေတာ မနေ့က ကိုကိုနဲ့ fuckခဲ့လို့များလား။

ဟင့်အင်း မဖြစ်နိုင်ဘူး။ ပြောရရင် မနေ့က ပထမဆုံးအကြိမ်မှ မဟုတ်တာ။ အဲဒါကို ငယ်က ကိုကို့ကိုကြည့်ရမှာ ဘာလို့ရှက်နေရတာလဲ။ ခြေဖျားလက်ဖျားတွေလည်း အေးစက်ပြီး ငယ့်နှုတ်ခမ်းလေးတောင် နည်းနည်းတုန်ရီနေသလိုပဲ။ ကိုကိုတော့ ငယ်ကို လှောင်တော့မှာပဲ။