𝐓𝐫𝐚𝐩 𝐅𝐨𝐫 𝐘𝐨𝐮 𝐎𝐧𝐥𝐲 🚨🔞 [ ခေတ္တရပ်နား ]

Trap For You Only (43) ( Unicode )

ဝမ်းနည်းနေသည့်ကလေးငယ်ကို ‌ချော့မော့ပြီးတော့ ဆန်ပြုတ်တိုက်ဖို့ပြင်ရလေသည်။

" ငယ် ဆန်ပြုတ်သောက်လိုက်ဦး အစာရှိမှ ဆေးသောက်လို့ရမှာ "

" ဟင့်အင်း ဆန်ပြုတ်က အရသာမရှိဘူး ငယ် မသောက်ချင်ဘူး "

ငယ်ကတော့ ဂျီကျလေပြီ။ အမြဲတမ်းလိုလို ငယ်လေး နေမကောင်းဖြစ်ပြီဆိုရင် ဒီကိစ္စနှင့်ပတ်သတ်ပြီး အမြဲဂျီကျလေသည်။

" ကိုယ် ခွံကျွေးမယ် "

" ငယ် မသောက်ချင်ဘူး ကိုကို "

ဘယ်လိုမှ ချော့လို့မရတဲ့အဆုံး လင်းရောင်ရှိန် နောက်ဆုံးအကွက်ကို ထုတ်သုံးရလေသည်။ ဆန်ပြုတ်ကို လင်းရောင်ရှိန် သူ့ပါးစပ်ထဲ ထည့်လိုက်ပြီး ရင်ခွင်ထဲမှာ မှီနေသည့် ငယ့်ကို တဆင့်ခွံကျွေးလိုက်သည်။ နှုတ်ခမ်းနှစ်ခု ထိစပ်သွားပြီး ဆန်ပြုတ်တွေက ငယ်ရဲ့ပါးစပ်ထဲကို တဆင့်ပြန်ရောက်သွားလေသည်။

သူ ငယ့်ကို ငုံ့နမ်းကာ ဆန်ပြုတ်တိုက်လိုက်တော့ ငယ်က မျက်လုံးလေး ပြူးကာ သူ့ကို မော့ကြည့်လာသည်။ နှုတ်ခမ်းသားနှစ်စုံ အတန်ကြာထိတွေ့ပြီး ပြန်ခွာတော့မှ

" ငယ် ဘယ်လိုလဲ အခုရော အရသာရှိသွားပြီလား ကိုယ့်နှုတ်ခမ်းကနေတဆင့်ဆိုတော့ ပိုချိုမှာပေါ့ "

ထိုအခါကျမှ ငယ့်ပါးပြင်လေးနီရဲလာကာ မျက်နှာက ပြုံးယောင်သန်းလာသည်။

" ကိုကိုခွံ့ကျွေးတဲ့ဆန်ပြုတ်က အရမ်းချိုတာပဲ ငယ် ကြိုက်တယ် "

အဲဒီနောက် ဒုတိယအကြိမ် ဆန်ပြုတ်ကိုလည်း လင်းရောင်ရှိန်တစ်ယောက် သူ့နှုတ်ခမ်းတွေကို အသုံးချကာ ငယ့်ကို စားဝင်အောင်ကျွေးရလေသည်။ ခက်တာက ငယ့်ကို ဆန်ပြုတ်ကျွေးတာက နည်းနည်း ငယ့်နှုတ်ခမ်းပါးလေးတွေနဲ့ ထိတွေ့ပြီး မခွာချင်တော့သည့်စိတ်တို့ကြောင့် ဆန်ပြုတ်တစ်ခါကျွေးဖို့အရေး အချိန်အရမ်းပေးရလေသည်။

ငယ့်နှုတ်ခမ်းထဲ ဆန်ပြုတ်ထည့်ပြီးတာနဲ့ လင်းရောင်ရှိန်က ငယ့်နှုတ်ခမ်းလေးကို တတိတိစုပ်လိုက် ကိုက်လိုက် နမ်းရှိုက်လိုက် လျှာဖျားလေးဖြင့် ကလိလိုက်နှင့်  အရမ်းတွေ အလုပ်များနေတော့သည်။