AISHA

15

AISHA

Walidation S Mapi

15

~Hamma ne ya buga sitiyarin mota ya kurma ihu kamar karamin yaro sai hawaye da yake ta zubawa kamar karamin yaro.

Waro ido Aish ta shiga yi cikin dakin yadda  yaji kayan alatu kamar a k'asar turawa mamakin yadda akayi ta tsinci kanta a gidan tayi saboda bayan an jefa ta a mota bata sake sanin meya faru da ita ba.

Kuka ta shiga yi ta daga hannu sama ta fara rokon Allah ya cire ta a dukannin tsananin da take ciki.

Tana gamawa ta mike ta shige wani waje da batasan ko ina ne ba,tana karasawa bakin kofar taga ashe a rufe take da wani karfe da iya karfinta taja karfen ta bude ta shige dakin, ihu ta sake ganin  mutane a ciki dubawa tayi taga duk ya'mmata ne wasu daga cikinsu na aikata masha'a da Allah yafi tsana madigo ,rufe ido Aisha tayi tare Ambaton "inna-lilliahi-wa Inna-ilaihi-raji'uun ya ubangiji ina ma ka makantar dani a halin yanzu wallahi na gwammace na makancen da inci gaba da ganin masu Aikata laifin da kafi tsana".

Sauran ya'mmatan ne suka sauke kai jiki a sanyaye saboda sun rasa me yake musu dadi wani imani ne ya shige su a lokaci guda saboda kalaman Aisha ya ratsa kwanyarsu.

Daya daga cikinsu ce ta mike ta karasa wajen Aisha ta rungume ta tace "ya'r uwata kema sun dauko ki kenan?".

Aisha ce ta bude ido a hankali saboda tana da tabbacin sun daina ta dubi dayar da tayi mata magana tufar jikinta duk na mutunci ne kana ganinta zaka tabbatar da tayi rayuwar kamala.

Fashewa da kuka Aisha tayi ta rungume yarinyar tace "eh ya'r uwata wallahi sace ni sukayi ina gadon Asibiti".

"Inna-lilliahi-wa Inna-ilaihi-raji'uun yaya jikin naki to ya'r uwata".

Aisha bata tsaya bata amsa ba tace "zanso inji labarin yadda akayi kuka fada don Allah ku fadamin ya'n uwana".

"Ya'r uwa nidai islamiyya naje ina dawowa wadannan marasa imanin suka sace ni yau tsawon shekara biyu kenan ina wannan bakin gidan kullum sai sunyi lalata damu har suka gaji damu suka  barmu kuma a kullum idan zasu fita sai sun zuba mana maganin feelings yadda zamu ta shan wahala tunda bamu da amfani a gare su, har wasu daga cikinmu suka fada neman jinsinsu wasu kuwa suka fara masturbation a cikin mu talatin da bakwai bakwai dinnan ne suke daure wa saboda gujewa sabawa Allah, abinci da komai da komai muna samu, ni a yanzu kwata-kwata iyayena basu san wani hali nake ciki babu Abinda zan iya cewa sai Allah  ya isa" tana gama fadan haka ta fashe da kuka.

Aisha ce ta rungume ta fashe da kuka tana kara tausaya musu Ashe ba laifin su bane magani ake basu har ya kai suna neman juna.

Haka tabi kowacce ta bata labarin yadda akayi suka fada nan cikinsu kuwa harda matan Aure irinta.

Kuka me zafi Aisha take yi kamar ta cire ranta a lokacin sai kuma wata tambaya ta zo mata tace "Amma kuma baku taba yunkurin guduwa ba?".

Daya ce ta mike tare da gyara kayan jikinta saboda bata cikin hankalinta sosai tace "tabbas akwai wata ya'r uwarmu Meera wacce tayi yunkurin guduwa suka kamata suka kuma yi mata kisan wulakanci a idanunmu sannan suka ce mana wai watarana zamu fita don haka kada muyi yunkurin guduwa don idan wata tayi yunkurin haka irin wannan kisan zasu yi mata".

"Kuyi hakuri insha Allah zanyi mana hanyar da zamu fita mubar wannan gidan yanzu dai Abinda zakuyi gabadaya shine kowacce daga cikinku ta nemi yafiyar ya'r uwarta kunji".

Haka sukayi ta musabiha tare da koke-koke suna neman yafiyar juna.

Koda suka gama Aisha tace kowacce taje tayi wanka tayi nafila ta kuma roki Allah ya yafe mata dukannin masha'a da ta aikata ba'a son ranta ba tunda duk sace su akayi wasu daga cikinsu sun kai shekara uku a gidan sannan babu wacce ta taba mutuwa bayan Meerah.

Aisha na gama basu wasu shawarwari ta fice a dakin ta rufe kofar kamar yadda ta samu ta dawo daki ta nufi toilet tayi wanka ta idar da sallah dama da hijabi sanye a jikinta.

Tana gama idar da sallar ta samu ta cire hijabin ta Ajiye gefe guda ta ta baza gashinta kamar Aljana ta waro idonta tana murmushin plan da zatayi.

Can taji karar bude kofa  ta mike tsaye ta isa bakin kofa ta tsaya cak.

Mutanen biyu na bude kofa suka kutsa kai ciki yau sunada wacce zasuyi Amfani da ita ba sai sunyi Amfani da juna ba (gay).

Suna shiga Aisha ta rungume su tana murmushi tare da shafa jikinsu kamar Aljana juyowa sukayi suka fara kallon-kallo a tsakaninsu Anya kuwa basu suka jawa kansu ba?.

Aisha ce ta fara wasu yarukan da bata ma san ta iya ba.

Hamma ne ya shiga daki yaga Joy a kwance babu wani tashin hankali a tattare da ita ta igiyar cajinsa ya zare ya shiga zane ta babu kakkautawa.

Sadaukarwa ga dukannin nakasassu ina farincikin sanar daku cewa nakasa ba kasawa bace, kuma hakuri shine dai-dai a rayuwa.