رحلة الانتقام ( أسيرة أحزاني ج٢ )//مكتملة

(( ٣٣ ))

أسيره أحزاني ج٢...
رحله الانتقام

وقف باسل بركن بعيد نسبيا عن الناس بعد أن قدم التهاني لايهم فهو شقيق صديقه الوحيد وعلى ذكر سيرته اتي ووقف بجانبه دون أن يتحدث منتظر بدايته للحديث. لسه شايفها كانت بتراقب اختها من بعيد
نظر له زياد ووضع يده على كتفه. وعملت ايه؟!
باسل. ولا حاجه اتكلمنا عادي، انا لازم اقابل عمر
زياد باستغراب. ليه عمر؟!
باسل. هو اللي هي اكدلي كلام حياه ولارين
زياد. يعني انت للان مش مصدق كلامهم
باسل برفض. لا حياه ممكن تقول كدا علشان تبرر غلطها ولارين طيبه بتصدق اي حاجه وانا مش متأكد مش ظهر قدامي اي حاجه تخليني أشك فيهم
زياد. خلاص قابله وهو اكيد هيكون عارف وصمت قليلا ثم قال بنبره ذو مغزى. طب لو معاها حق هتعمل ايه
نظر له باسل وفهم مقصده. متنساش انها استغفلتني ولعبت عليا شايفني عيل برياله قدامك علشان ارجعها تاني بعد النصب دا كله
زياد. لا عاش ولا كان اللي يستغفلك بس… قاطعه بصرامه. من غير بس حياه صفحه وانحرقت زي غيرها
زياد. بس انت بتحبها مكنتش زي غيرها ابدا
باسل بسخريه. حب!! الحب دا أكبر كدبه
لم يعقب زياد فصديقه الان ليس بحاله تسمح لاطاله النقاش فغير مجري الحديث. انت مجبتش جوليا معاك
باسل. دي واحده بنت **** قلتلها تدخل ووقفت تشوف  اللي هيحصل بينا ومعرفش فين على الله تولع
كتم زياد ضحكته ونظر له باسل بطرف عينه. بتضحك على انت كمان
زياد بضحك. بلاش اضحك ياعم واي الألفاظ دي
اكتفي باسل برمقه بنظره متهكمه وشرد بحياه وحالتها ولا ينكر انه رق قلبه من أجلها عند رؤيته لها تلف يدها وعتفها بذلك الوشاح لتخفي آثار جرحها لكن لم تفلح فكانت ظاهره وتذكر اتفاقه مع رجاله عليها..
فلاش باك
عند ركوب باسل مع حامد وحسن فكان متولي القياده وبعد بعض الوقت وقفوا أمام الفندق التي تقطن به حياه وقال باسل بخشونه.حامد انت هتروح غرفه حياه وتحاول تخرجها من الاوضه اخترع اي كدبه المهم تخرج
حامد. حاضر يا باشا
باسل صمت قليلا ثم قال لحسن. وانت يا حسن ثم صمت مجددا وضم حاجبيه. خلاص يا حسن انا هتولي المهمه دي وانت استنانا هنا يلا يا حامد وهبط من السياره فعزم على رؤيتها وهي تتالم….
باك
باسل بضيق. انا ماشي اتخنقت هنا ولم يسمع رده وغادر الحفل غير مهتم بجوليا وكيف ستعود…

اقتربت منه وصافحته. اسفه على التأخير… يستحسن نتكلم فوق
اومأ لها ورافقها للغرفه وما ان وصلوا حتى جلس على الاريكه وجلست قبالته وقالت. هاا عملت ايه؟!
عمر بجديه. كل حاجه تمام والفيديو ساعدنا كتير وفي طريقنا ليهم ومسكنا دكتور واعترف على زمايله
حياه. كويس اووي عايزه انتهى من الموضوع علشان ابعد عن هنا
عمر. كل حاجه انحلت خلاص وبكره هينتهي دا كله
حياه براحه. لسه ناقص حاجه صغيره لازم اعملها علشان اكون مرتاحه اكتر من كدا
عمر. كفايه مشاكل يا حياه مش تعبتي
حياه بابتسامه. لا لسه فيا طاقه بس متقلقش قربت تخلص
عمر. الحاجه اللي عملتيها صح لم بلغتي على مازن وكمان البلاغ دا
حياه. مازن انتهى خلاص قريب هتقروا عليه الفاتحه وبالنسبه للباقي فهم ماتو وكان نفسي يحضروا البهدله دي
عمر. انا كنت شاكك انك ورا اللي بيحصل دا
حياه. كويس انك مدخلتش
عمر. بس لعبتيها صح يا بنت فارس
حياه ابتسمت مجامله. مطلوب منك خدمه صغيره
عمر. تفضلي يا وش المصايب
قالت حياه باهتمام ما أرادت قوله……