رحلة الانتقام ( أسيرة أحزاني ج٢ )//مكتملة

(( ١٠ ))

أسيره أحزاني ج٢....
رحله الانتقام

وبدأت بإعداد فنجان من القهوه وذهبت له وطرقت عده طرقات وسمعت الأذن فدخلت وجدته يتحدث فانزل الهاتف. عملت قهوه لحضرتك يا بيه
محمد بخشونه. بس انا مطلبتش حاجه
رقيه بتوتر. شفت حضرتك داخل تعبان قلت القهوه هتريحك بس لو ازعجت حضرتك فأنا اسفه وكادت تذهبت حتى قال. خلاص هاتيها ممكن تخفف الصداع وتقدمت منه بارجل مرتجفه تكاد تحملها ووضعتها على المكتب وهو دار كرسيه موليا ظهره للباب وذهبت وكادت تغلق الباب حتى سمعته. ايوا البضاعه هنسلمها امتاا؟!......دي بملااايين وبضاعه مخدرات مش هتلاقي زيها ولا هتقدر تشتريها بالتمن دا…..تمام نتقابل قريب ان شاء الله
كتمت شهقتها بكف يدها واغلت الباب بحذر واتجهت للمطبخ تكمل عملها بعقل مشوش…

بالخارج في أمريكا بمكتب باسل تجلس جوليا على كرسيه وتدور به بضيق. باسل باسل باسل ساجن بسببك يا عديم الاحساس الا تشعر كل هذا الوقت بحبي تجاهك لكن لا.. لن اتركك لأخرى ابدا… سانهي اتفاقنا يا عزيزي انا اسفه لكن ليس لدي حل آخر فهذا هو السبب الوحيد الذي سيبقيك بجانبي وقهقت بصوت عالي لفكرتها هذه واعتقادها انها ستفوز به للأبد…

في المساء…
استقبله احمد وعمر وحازم بترحاب. اتفضلو اتفضلوا ودخل زياد ووالدته وأخيه أيهم وجلسوا بالصالون ورحب بهم احمد وتحدثوا بأمور عاديه وجاءت مياده بالمشروب وحبيت الجالسين واستأذنتهم وصعدت لابنتها. هاا يا بنتي جهزتي التفت لها كارمن بفستانها الابيض بأكمام طويله ذو لمعان بسيط ضيق من الأعلى ويتسع من الخصر يصل لركبتيها ويتوسطه حزام باللون الأحمر على الخصر وارتدت حذاء احمر ووضعت ملمع شفاه وتركت شعرها منسدل على ظهرها ووقفت أمامها بتوتر. كويس كدا ولا ايه
مياده. قمر يا حببتي ما شاء الله.
نسمه. يلا يا حببتي الناس مستنين وهبطوا جميعا والقت كارمن التحيه على الجميع هي منكسه الراس تفرك يديها من التوتر والظاهر ان حديثهم انتهى لا ينقص سوي جلوس العروسين معا للتحدث وقبل النهوض همس أيهم بإذن زياد. فين البنت يا كداب مش قلت انها ساكنه هنا
زياد بحيره. والله يا بني مش عارف كانو هنا
أيهم بضيق. بس لم نروح اقعد مع عروستك دلوقتى
زينب بابتسامه. نسيب العرسان يتكلموا شويه ولا ايه يا ام نسمه
مياده. اكيد طبعا اتفضلوا واخذتهم بعيدا عنهم
حمحم زياد وقال بمكر. ازيك يا كوكو دهشت كارمن من مناداته هكذا لكن صوته مألوف أين سمعته وطال صمتها ثم قال. هتفضلي باصه في الأرض كتير هنا رفعت راسها انه هو صاحب الابتسامه الساحره وفتحت عينيها بصدمه. هو انت ؟!
زياد بابتسامه. اه انا تخيلي
كارمن. عايز ايه وجاي ليه انا مش موافقه
زياد بابتسامه ادابت قلبها وجعلته يقفز فرحا. جاي اكمل كدبه الخطوبه واخليها حقيقه واهو خطيبك رجع من السفر عايزه ايه تاني  وغمز بنهايه جملته
كارمن بصدمه. إن…. انت عرفت ازاي
زياد. بطريقتي… ندخل في الجد وانقلبت ملامحه ١٨٠ درجه وتحولت ملامحه بملامح جاده. كارمن انا بحبك من اول ما شفتك وحبيتك من ابتسامتك ونا متأكد ان روحك زي ابتسامتك كدا بريئه ومكنتش اول مره اشوفك في المطار لا انا شفتك لم جيتي لاخوكي الشركه والمطار دي كانت صدفه بس احلى صدفه وانا عايزك تكملي معايا وتكوني ام عيالي واوعدك انك هتكوني سعيده معايا ولو نزلت منك دمعه واحده يبقا اخلعيني يستي وضحك على كلمته وهي ابتسمت برقه فهي انجذبت له أيضا ومن ابتسامته فهو حقا وسيم الن يكون عيبا ان عانقته وقالت له أوافق لكنها لم تتحدث بسبب دخول الجميع عليهم وقالت زينب. اتفقتوا يا حبايبي
زياد. هتحتاج وقت تفكر وهمس لها بكره الرد يوصلني لاني مستعجل اووي يا كوكو خجلت كثيرا من همسه لها واستاذنت وصعدت بسرعه وهي تضع يدها على قلبها شارده بابتسامه ووسامته وطريقه كلامه وكل ما يخصه….