رحلة الانتقام ( أسيرة أحزاني ج٢ )//مكتملة

(( ٣ ))

أسيره أحزاني ج٢
رحله الانتقام

حياه. يا حببتي هو شاف نتيجه اللي يقرب مني فكك منه بقا ومتخافيش
وفاء. طب وائل مش المفروض تعرفيه على الاقل لو لقدر الله حصل حاجه يكون عارف كادت ترد حتى قاطعتهم رنين هاتف وفاء. ده وائل يلا قبل ما نتنفخ وضحكت عليها وردت. بتضحكي وليكي عين ؟! انجري قدامي وزادت ضحكاتهم حتى وصلوا لوائل الذي كان يستند على باب السياره بجسده وما ان وصلوا حتى ركب انام المقعد وأغلق الباب خلفه بقوه ووفاء بجانبه وحياه بالخلف وتحرك والصمت هو سيد المكان حتي فتحت وفاء التسجيل بضجر وتتافف. يخربيت برودكوا ايه اللي حصل يا جماعه لكل ده قالت هذه الكلمات وهي تقلب بالتسجيل ولم تجد ما تريد حتى اعتدلت بجلستها وربعت يدها. اوووف حتى الزفت ده مش عليه اغاني تتسمع
وائل وهو ينظر تاره لها وتاره الطريق. انت انهبلتي يا حببتي بتكلمي نفسك
وفاء. في ايه يا وائل انت معقد الموضوع ليه خلاص محصلش حاجه نظر لحياه بالمرأه لتقابله نظراتها البريئه الغير معتاد عليها نفخ خديه. لا لا نظراتك ده بتقول ان وراكي مصيبه كبيره انا حافظك
حياه ببرائه. ابدا والله يا وائل انا بس مش بحب تكون زعلان مني.. هاا صافي يا لبن ؟!
نظر لها وائل قليلا بالمرأه واخرى أمامه حتى سمع همهتها تطالب باجابته حتى ابتسم رغما عنه. حليب يا اشطه وأطلقت وفاء صفاره طويله وعاليه من فمها وهي تضحك حتى ضحكوا ثلاثتهم حتى وصلوا للمنزل وترجلوا منها. اسبقوني انتو هركن العربيه واجي
حياه باستغراب. سيبها الحارس هيركنها
وائل. روحي يا بت وملكيش دعوه رفعت كتفيها بلا مبالاه. براحتك ياخويا وبالفعل دخلوا وهو ذهب للمكان المخصص للسيارات في نهايه حديقه الفيلا وبعد نزوله اجري اتصالا دام لدقائق. حسنا اريدهم بأقرب وقت وأغلق بعدها ودخل الفيلا لينال قسطا من الراحه….
في الغرفه كانت تقف أمام الخزانه. انا نفسي افهم انت بتعملي ايه هنا
وفاء. بحب اكون معاكي يا ستي دا مدايقك في حاجه
حياه. لا ابدا يختي.. بس لو عاجباكي اوضتي ممكن تاخدي معنديش مانع
وفاء. ههههه لا يختي شكرا انا هقعد شويه وامشي
حياه التفتت لها.شويه ايه انا عايزه انام يلا
وفاء. ماشي ماشي بس قوليلي هتعملي ايه مع العيله الملزقه اللي بتراقبك ده
حياه رفعت كتفيها. ولا اي حاجه خليهم يقربوا مني هعمل فيهم اكتر كم اللي عملته قبل كدا
وفاء بخوف مصطنع. انا خفت!! ايه يا بنتي مش شويه رياضه اللي تعمل فيكي كدا
حياه. هههههه لا مش رياضه بس يختي طب بالذمه انت بتعرفي تمسكي السلاح هزت وفاء راسها وضحكت حياه عليها. انا بعرف امسكه واضرب بيه كمان احسن من الضابط وبلعب ملاكمه وحاجات انت لسه صغيره عليها واشرت بسبابتها وقبضت حاجبيها ولو ممشتيش انا هطلع كل ده عليكي حاالا
وفاء. هههههه لا وعلى ايه الطيب احسن
حياه. طيب يلا علشان اغير هدومي.
وفاء.مش هتتعشي قبل ما تنامي
جلست حياه بجانبها وقالت بحزن. لا.. بس انا عايزه انزل مصر كل اللي هناك وحشوني اوي  جدو احمد وتيته مياده وخالتو نسمه وكاارمن وآدم مش معقوله يا وفاء هنفضل هنا طول عمرنا في بلد مش بلدنا انا بقالي سنين بتحايل عليها بس مش بتوافق ابدا مع انها مش بترفضلي طلب انا تعبت من هنا يا وفاء عانقتها وفاء بحنان وهي تمسد على ظهرها وعيون ممتلئه بالدموع. اهدي يا حببتي اهدي متعمليش في نفسك كدا وسيبيها على الله فصلت حياه العناق ورفعت راسها لأعلى تمنع نزول دموعها وتنفست الصعداء. ونعم بالله
وفاء. يلا بقا قومي غيري هدومك كدا ونامي يا قلبي
اومات لها حياه. تصبحي على جنه ياروحي
قبلت راسها. وانت من أهلها يا قلبي احلام سعيده وخرجت صاقعه الباب خلفها بهدوء وظلت حياه على وضعها بعض الوقت حتى قامت خلعت ملابسها وارتدت منامه مريحه باللون الوردي ودخلت الحمام اغتسلت لتزيل مساحيق التجميل وذهبت للفراش سريعا وغطت بنوم عميق….
________________________________________
في منزل محمد…
لا أحد يسمع قول الاخر ولا اي صوت في المنزل بسبب ضجيج الاغاني الشعبيه التي تصم الاذان وفتاه في بدايه العشرينات ذو شعر اسود طويل يصل لآخر ظهرها وجسد رشيق وعيون عسليه وبشره قمحيه ترتدي جينز يصل لمنتصف فخذيها وبلوزه بيضاء بحمالات رفيعه ترقص بسعاده وتقفز هنا وهناك ممسكه المايك تغني مع الاغنيه "لو كنت ادي انزل تحدي وانا اوريك ابقا مين اديك وتاخد لما انا ادي اصل احنا مخلصين يابني انت بتاع ماما وبابا واللكلوك والبيجامه اما احنا شقينا ياما اه رجاله وعندنا دم خوود الخلا.." لم تكمل بسبب فصل امينه لسماعات الدي جي وقالت بصوت عالي. ايه يا بنتي عاملالنا صداع على وش الصبح ليه
لارا بضيق. ايه يا ماما بتطفي الزفت ده ليه نفسي افهم وانت عايزه ايه يعني انا حره
امينه بغضب من تصرفات حفيدتها. انت بتتكلمي معايا كدا ليه يا بت انتي انهبلتي
ذهبت لارا من أمامها وهي تلوح بيدها. والنبي انا ما ناقصاكي انت كمان منا كنت رايقه وفي طريقها لغرفتها رأت شقيفتها التوأم تنظر لها بحزن ووقفت أمامها وقالت بصوت عالي اجفلها. في ايه انت كمان؟! بتبصلى كدا ليه غوري من وشي
انتفضت من صوتها وقالت بخوف. م.. مف.. مفيش انا ما.. ماشيه وذهبت بسرعه البرق من أمامها لجدتها تهداها من تصرفات شقيقتها المتهوره. متزعليش منها يا ماما اكيد في حاجه مدايقاها واومات لها بحزن وتركتها وذهبت للمطبخ لتكمل تجهيز الطعام وتركتها تقف في بهو الفيلا تنظر حولها بحزن والدموع اخذت طريقها على وجنتها فهي المنبوذه بينهم لا أحد يعاملها كما يجب أن تعامل احيانا تشعر انها لقيطه وليست ابنتهم لولا اخاها الأكبر منها هو الذي يحبها ويعاملها بحنان فهو يحبهم جميعا لكنها تتلقى الحنان والأمان منه فقط لكن أين هو الآن ليس بجانبها!!.. والدتها توفت منذ ولادتها هي وشقيتها ووالدها مشغول دائما بالعمل لا يزورهم الا بنهايه الاسبوع وقد لا يأتي احيانا فهو لا يهمه سوا العمل وجنى المال وتربت هي واختها واخاها مع جدها محمد وجدتها امينه واعتادوا جميعا على مناداتهم بأمي وابي فهم من قاموا بتربيتهم لكن لكل منهم طباع او بالأخص هي المختلفه بينهم فهي مثل والدتها يارا رحمها الله بكل شي نسخه مصغره منها لكن احيانا تكره نفسها بسبب معامله جدها واختها وأحيانا جدتها يسخرون منها بسبب طيبتها وهدوئها واحترامها وطريقه لبسها فهي محجبه تلبس دائما ملابس فضفاضه على عكس شقيقتها فهي دائما تتبع الموضه وترتدي الجينز والقصير فهي شخصيتها عكس شقيقتها تماما فهي عصبيه ومتهوره وعنيده وجريئه ولا تهتم بأحد لا يوجد سوا الشكل…الشكل فقط  فهم متشابهون بدرجه كبيره
مسحت دموعها التي أصبحت رفيقتها منذ ولادتها وصعدت ببطء للأعلى وهي تستند على الحائط حتى وصلت لغرفتها ودخلت توضأت واختلط دموعها مع الماء وصلت ركعتين لله بنيه تخفيف الام قلبها وهي تدعو وتناجي ربها بقلب منفطر واعين دامعه حزينه حتى انهت صلاتها وجلست على الفراش تضم ركبتيها لصدرها وتدفن راسها بينهم وهي تهتز. يااارب يااارب انا تعبت ياارب انا مش معترضه على حكمك يارب بس بجد مبقتش مستحمله يااارب وغفت من كثره البكاء…
استيقظت على صوت شقيقتها وهي توقظها بضيق. لارين.. لارين.. قومي يبت انا هفضل اصحيكي لامتا
فتحت عيناها بتثاقل وجلست ومدت يداها لأعلى. انا نمت كتير ولا ايه
لوت فمها وقلبت عيناها. العصر ادن يا حلوه وقومي وبطلي دلع مستنينك تحت علشان تاكلي
لارين. حاضر هصلي وانزل على طول
لارا. صلى يختي اناا ماشيه سلام وغادرت صافعه الباب خلفها بضيق وتنهدت لارين ودخلت الحمام وتوضات وادت فريضتها ونزلت لهم وجدتهم على المائده وجلست هي بجانب والدتها بصمت ولكن قطع هذا الصمت كلام لارا. بابي انا عايزه فلوس اجبلي كم حاجه كدا
محمد بابتسامه. عايزه كام يا حببتي
لارا بخبث. عايزه تلات آلاف او اربعه مش كتير يعني
محمد. ولا يهمك خدي اللي انت عايزاه
امينه بحزن. مع انها متستاهلش حاجه لانها بقت قليله الأدب وبتعلي صوتها عليا
محمد نظر لهم. ايه الي حصل؟؟ عملتي ايه يا لارا
لارا وهي تاكل. مفيش ماما طفت عليا الاغاني وبقولها طفتيها ليه وهي مكبره الموضوع والموضوع ايزي خالص ورفعت كتفيها مع آخر جمله
محمد موجه حديثه لامينه. محصلش حاجه يا امينه اكيد متقصدش تدايقك ولا ايه يا لارا نظرت له سريعا واومات. اه طبعا وأكملت أكلها دون كلمه أخرى وامينه التي اكتفت بابتسامه صفرا وهمست. طبعا لازم تقول كدا وأكملت هي الأخرى طعامها وقال محمد بابتسامه. وانت يا لارين عامله ايه في عالمك الخاص يا حببتي ضحكت عليها لارا بسخريه ادي الي تلالا الدموع بعيني لارين وردت بصوت مهزوز. الحمد لله يا بابا وأكملت طعامها جاهده لمنع نزول دموعها أمامهم وبداخلها آلاف الاه التي تريد اطلاقها لم لا يعاملها كشقيقتها فهي احيانا تحقد عليها او تريد أن تفعل مثلها لكن ما يمنعها كلام الله - عز وجل - وان ما تفعله هو الصواب عكسهم وستصبر وهي تؤمن بالله وانه سينتزعها من كل هذا….
وسط طعامهم انتبهت لارا لاهتزاز الموبايل التقطته وقرات محتوى الرساله لتبتسم وتنهض من مكانها فسالها محمد. رايحه فين يا بنتي ورساله اي ده
نظرت للهاتف وله. ابدا يا بابي كنت هخرج مع صحابي
امينه. متتاخريش يا لارا مش كل يوم ترجعيلي وش الفجر انت بنت مش ولد
محمد بحده بسيطه. خليها تعيش حياتها يا امينه في ايه؟! ده بنتي اللي مربيها وانا واثق فيها ونظر للارا بحنان. روحي يا حببتي وخلي بالك من نفسك ابتسمت لارا بسعاده وبعثت له قبله على الهواء واوقفتها امينه. هتروحي كدا يا لارا ونظرت لارا لنفسها فهي كانت ترتدي جيب جينز قصير ضيق وبلوزه باللون الوردي يكاد تغطي بطنها بحمالات رفيعه ومتشابكه من الخلف على شكل اكس وحذاء رياضي بنفس اللون وردت. ماله لبسي يمامي؟! ونظرت لوالدها ليشير لها بأن تذهب والقت نظره على والدتها واخيره لاختها التي ليست معهم من الأساس وذهبت…
________________________________________
كان يقف في حديقه فيلته ينظر للفراغ يضع يد في جيب بنطاله والأخرى ممسكه بالهاتف على اذنه يتحدث مع احد رجاله. ممنوع اي شحنه تخرج غير لما انزل لان دلوقتى انا بره مصر….. اه قدامي شويه وهنزل على طول بنتي تعبانه وبتتعالج هنا….. انت خلي بالك من الشغل والغي كل المقابلات والشحنات علشان مش عايز اي غلطه…. تمام خلي بالك وقاطع حديثه نداء صغيرته التي تبلغ من العمر خمس سنوات فانهي حديثه وجثي على ركبتيه فاتح يديه على مصراعيها ليستقبلها بابتسامه جميله مخصصه لها هي فقط وجاءت اليه مسرعه حتى أصبحت باحضانه ورجع للخلف حتى صار ممد على الأرض وهي عليه في احضانه تنظر له بابتسامه بريئه. بااابي
مازن بحنان. يا روح قلب باابي وقبل كل انش بوجهها
تحت ضحكاتها الطفوليه البريئه. انا عايزه اعوم يا بابي
مازن شدد من عناقه. نعوم حالا يا اميرتي… بس الجري ده كله علشان عايزه تعومي اومات له بلطافه واكمل بحنان طيب مش قلنا قبل كدا متجريش بالطريقه ده علشان مش تقعي
قالت وهي تكور وجهه بين يدها الصغيره. خلاص يا بابي مش هعمل كدا تاني بس انا بحب الحركه ده
رفع حاحبيه. حركه ايه ؟!
سيدرا. اللي احنا فيها ده دلوقتي قهقه عليها بصوت عالي. قصدك كسره ضهري اللي بتسببهالي
قوست شفتيها بحزن وكادت تبكي حتى هدأها. لا يا حببتي انا بهزر معاكي انا تحت امرك في كل حاجه
سيدرا بسعاده. طب يلا بقا علشان مامي هتيجي دلوقتي ومش هتخليني انزل الميه يلا يلا بسرعه قهقه عليها وقام من علي الارض وهو مازال يحملها ومتجهه لحمام السباحه خلف الفيلا. اه معاكي حق مامي مسببالنا الرعب ينفع كدا هزت راسها بالنفي وهي تضحك وانزلها. خليكي واقفه متنزليش لم اغير هدومي واجي تمام اومات له ببرائه وذهب للغرفه التي بجانب البيسين ليبدل ملابسه لأخرى مناسبه للعوم وقبل انتهائه سمع صوتها فخرج مسرعا وجدها تقاوم المياه بضعف فاصابه بالهلع والخوف يتاكله ونزل فورا وأخرجها من الماء وانامها على حافه البيسين وخرج جلس بجانبها يكاد يبكي فهي تمثل الحياه بالنسبه له ولايريد خسارتها وضغط على صدرها لتخرج الماء فعل مره واثنان والثالثه نجح بها واخرجت الماء كله وظلت تسعل كثيرا تردد بخوف وصوت متقطع. ب..ا.بيي.عانقها بقوه وقبل شعرها أسفل ذقنه. متخافيش يا حببتي انا معاكي اهو وهنا جاءت والدتها سيرين واصابها الفزع لرؤيتهم كذلك وتركت الأكياس التي بيدها وركضت عليهم وتسأل بلهفه. في ايه يا مازن سيدرا مالها.. حملها برقه وقال بهدوء عكس البركان الذي بداخله والخوف والقلق. متخافيش عليها هتبقى كويسه اطلعي جهزي هدوم ليها
صاحت بصوت عالي. سيدرا مالها يا مااازن وكلها ميه ووشها اصفر لييييييه فهمني
جز على أسنانه. قلتلك مليون مره متعليش صوتك عليا فاهمه ولا لء وصاح اطلعي جهزيلها هدوم وتركته باعين دامعه ملبيه طلبه وهو زفر بقوه وصعد خلفها لغرفه صغيرته واعطاها لوالدتها فابدلت لها ملابسها المبلله بأخرى جافه ودثرتها في الغطاء وقبلت جبينها. يا حببتي يا بنتي ربنا يحميكي لينا ياارب وأثناء ذلك وجدت من يضع يده على كتفيها ويقبل راسها. هتكون كويسه بإذن الله رفعت نظرها له باعين حمراء من البكاء وشهقت تلتها شهقات متابعه فضمها بقوه. هششش اهدي.. اهدي يا حببتي ادعيلها بس انت… تشبثت به بقوه وقالت بصوت متقطع. إن. انا مقص...مقصدش أعلى صو… صوتي عليك انا كنت خايفه عليها
مازن. خلاص محصلش حاجه بس اهدي انت عارفه مبحبش اشوف دموعك
فصلت العناق وقالت. طب لو طلبت منك طلب هتوافق
مسح دموعها بانامله وقال بابتسامه. اطلبي يا حببتي بس بلاش طلب كل مره عشان عارفه جوابي
نظرت له برجاء. عشان خاطر سيدرا والله عشانها بس
مازن. احنا اتكلمنا في الموضوع ده وياريت نقفل عليه ويلا علشان ترتاحي من المشوار
اومات له بخذلان وقالت بين نفسها. ده اللي هيضيع سيدرا من بين ايدينا يا مازن ومش هسامحك لو حصل كدا.. يااااارب
________________________________________

يوم جديد على بطلتنا ملي بالأحداث
استيقظت كالعاده السادسه صباحا لتقوم بروتينها اليومي الجري ظلت تجري لساعه تقريبا وبعدها اتجهت للنادي لتمارس الملاكمه والضغط والعديد من التمارين الثقيله وعادت الساعه الثامنه لتأخذ شاور وتبدل ملابسها الرياضيه لأخرى مريحه ومشاكستها مع وفاء كالعاده لنومها في مكانها ونزلوا للإفطار وجدوا عمار ذهب للشركه ونور للتسوق وصفاء تسقي الزرع كما اعتادت ان تفعل ونظروا لبعض. يعني ايه مفيش غيرنا
وفاء. باين كدا المهم انا هاكل لأني جعانه وتركتها وذهبت مكانها وبدأت الاكل. أعوذ بالله الناقص تاكليني ايه يابنتي ده لولا اني اختك كنت قلت عليكي مبتاكليش خالص من وزنك
وفاء خمست بوجهها.خمسه في وشك الله اكبر
جلست قالتها. خمسه ايه بس هو انتي بينفع معاكي حاجه كلي كلي
وفاء. صحيح كلمتي أليكس؟!
حياه باستغراب. واكلمه ليه هو مش عريس برضو
وفاء. عادي تطمني بس مش اكتر مقصدش رخامه
حياه. تؤ مكلمتوش ومش هكلمه هو اكيد دلوقتي في العسل
وفاء. عقبالي ياارب انا حاسه اني هعنس
حياه. تعنسي ايه كتك نيله اذا كنت انا اكبر منك ولسه مش بفكر بالقصص الفاشله ده
وفاء. فاشله ؟! اسكتي يا بايره واطفحي يلا
حياه. اللهم طولك يا روح وبعد قليل وجدوا وائل يدخل عليهم بهمجيه كأنه يريد أن يقاتل وسحب يد حياه وجرها خلفه صاعدا للأعلى تحت اعتراضها وقالت بصوت عالي. في ايه يا وائل ساحبني كدا ليه الله ودفعها لداخل الغرفه بقوه صافعا بابه خلفه وقال بصوت جهوري. انت ايه يا شيخه معندكيش دم مبتحسيش مش عامله حساب للناس اللي بيتنيلو بيخافو عليكي
مسدت ذراعها مكان يده وقالت. في ايه انا مش فاهمه حاجه
وائل بغضب. في انك بتستهري بالناس اللي وقعتي بين ايديهم وعارفه انك متراقبه لا وكمان بتشاوري للي بيراقبك
حياه صاحت. امال عايزني اقعد في البيت من الخوف ولا ايه لا يا وائل انت اكتر واحد عارف اني مبخفش من حد لو كان مين مش بخاف غير من اللي خلقني
وائل. دول ناس خطيره يا حياه انت مش مستوعبه وقعتي بين ايديهم مره وربنا عداها لكن التانيه الله اعلم ايه اللي هيحصل
حياه. متخفش عليا انا كويسه وهنا جاءت وفاء. في ايه يا جماعه صوتكوا عالي ليه تيته لو ايجت هتدايق من خناقكوا ووقفت بجانب حياه ترفع حاجبيها باستفهام
وائل. انت حد اذنلك تدخلي يا بت انتي
وفاء. بس ياعم مش ناقصاك انت بتزعق ليه وفارد عضلاتك علينا ولا علشان بنات
وائل. لو جيت عليكي قولي كدا لكن انا قدام حياه اللي ممكن تموتني بين ايديها
وفاء. هههههه قلبت كتكوت كدا ليه امال داخل علينا تزعق وتعمل شويتين انت اهبل؟!
وائل. هتخرسي ولا اجيلك
وفاء. وعلى ايه الطيب احسن وما ان دار حتى قالت لحياه. عرف بمغامراتك؟! هزت راسها بلا حتى وجدوه أمامهم يضيق عيناه. ايواا كنت عارف ان في حاجه هتحكولي بالزوق ولا اتصرف بطريقه تانيه
حياه بتردد. مفيش حاجه يا وائل روح شوف شغلك
وائل كز على أسنانه. حيااه انت عارفه اني بكره الكدب احكيلي حصل ايه؟!
وفاء بلعت ريقها. انت ياعم مصمم انك تدايقنا يلا اتوكل على الله
وائل بصوت جهوري. انطقوا ايه اللي حصل والا مش هتشووفو نور الشمس انتي وهي
حياه. حاضر حاضر هقولك بس عندي شرط.........

-----------------------------------------------------------ڨوت...❤️
كومنت.. 🌺
sara yasser :')).