رحلة الانتقام ( أسيرة أحزاني ج٢ )//مكتملة

(( ٢٢ ، ٢٣ ))

أسيره أحزاني ج٢...
رحله الانتقام

محمد. انا هتصرف معاها متشغليش دماغك بس اياكي تفتحي بؤءك وهنا دخل عليهم باسل ولارين التي ركضت لعناق جدها بدموع وهو ظل يمسد على شعرها ويهدأها بحنان…

كانت تجلس على الفراش ضامه ركبتيها لصدرها تنظر أمامها بشرود ليفيقها صوت الضابط. فين لارا محمد واسرعت إليها وقالت بتلعثم. نعم انا لارا
الضابط بعصبيه. تعالي ورايا وذهبت خلفها بخوف لتدخل غرفه مظلمه نسبيا ما عدا الضوء الخافت على الطاوله لتدفعها الضابط بقوه بسيطه. ادخلي ليصيح بها عمر جعلتها تخاف. اياكي تتعاملي معاها كدا تاني انت فاهمه ولا لا؟!
اومات له بخوف وذهبت ليذهب عمر إليها. انت كويسه ؟
لارا نظرت بعيناه واومات بهيام وصنعا تواصل بصري ليقطعه بضيق وجلس مكانه لتتنهد بحزن وجلست قبالته وشبكت يديها على الطاوله وتنظر إليهم ليضع أمامها كيس به ادويه. ده ليكي وهتلاقي ورقه فيها المواعيد بتاعت كل دوا
امسكها بيد مرتجفه. شكرا يا حضره الضابط ووصل شكري للبنت دي هي كان اسمها اي؟!
عمر بايجار. حياه
اومات بحزن لينهض ويخرج لتاتي فورا الضابط وتعيدها للسجن ودخلت وضعت الدواء بجانبها لتاتي عليها فتاه يبدو أنها تكبرها سنا. ازيك يا كتكوته
ابتسمت لارا لهذا اللقب. الله يسلمك
جلست الفتاه بجانبها. جايه هنا بتهمه اي شكلك بنت ناس ومش وش بهدله
لارا بحزن. مخدرات وصمتت قليلا بتسأل. في حاجه غريبه هنا
ملك باستغراب. حاجه ايه دي
لارا. انا ملاحظه ان الكل هنا بيحترم يارا حتى الناس الكبار يعني المعامله تختلف ووقت الخناق حلت الموضوع بسرعه
ملك. لأنها طيبه وبنت حلال ودخلت هنا ظلم وهي تتحب بسرعه والله ف تلاقي الكل بيحترمها
شردت لارا قليلا ثم سألت. امال هي دخلت هنا ازاي
ملك. جوز اختها حاول يعتدي عليها وهي خبطته خبطه موتته سألت لارا. طب ما كدا دفاع عن النفس!!
ملك. ما انت مش فاهمه اختها شهدت ضدها ومفيش إثبات لعند دلوقتى انه حاول يعتدي عليها وهي واثقه انها هتخرج لان الحق دايما بينتصر وكمان أهلها ورا الموضوع لأنهم واثقين فيها بس اختها منها لله لو بس تغير اقوالها
لارا. ربنا يفرجها عنها بجد انظلمت ليصمتا عند سماع الاذان لتردد ملك الاذان وقالت. هروح اتوضي علشان هنصلي جماعه قومي قومي صلي معانا يارا هتفرح اوي فيها الخير هي اللي عملتنا كلنا
أتت يارا عليهم. قوموا يا بنات اتوضوا يلا بلاش رغي كتير نهضت ملك مسرعه لتقول لارا باحراج. انا عمري ما صليت ولا حافظه قرآن
ابتسمت يارا. ولا يهمك يا حببتي انت هتقفي ورايا وتعملي زيي والقرآن هتبداي حفظ من النهارده تمام اومات لها بسعاده وذهبت للوضوء وفعلا مثل ما يفعل الجميع وقليلا وقفت يارا الإمام والجميع خلفها وبدأت بالصلاه. الله اكبر….

في المساء
فتح باسل الباب ليندهش من رؤيتهم أمامه. اهلا يا جماعه اي النور دا.. اتفضلو اتفضلو وادخلهم للصالون وجلسوا جميعا. اي النور دا نورتونا
حازم بابتسامه. بنورك يا بني
باسل. تشربوا ايه؟!
صفاء. ولا حاجه يا حبيبي وهنا دخل محمد مستندا على عصاه وخلفه امينه وكاد يلقتي التحيه حتى صدم مما رآه. هو انتو
نهض الجميع بعصبيه واختدت ملامح صفاء ونظرت حياه لهم ببعض القلق والتوتر وايضا باسل قال باستغراب. انتو تعرفوا بعض؟!
محمد بسخريه. هم دول اهل العريس اللي قلتلي عليه
فلاش باك
دخل عليهم باسل ولا ين التي ركضت لعناق جدها بدموع وهو ظا يمسد على شعرها ويهدأها بحنان. كدا تخوفني عليك يا جدو
محمد. اسف يا حببتي متزعليش مني
لارين رفعت عيناها الباكيه. متتاسفش يا جدو بتتاسف على ايه؟
محمد. على كل حاجه طلعت مني انا قصرت معاكي كتير بس هعوضك بعمري الباقي ان شاء الله
لارين. ربنا يطول في عمرك يا جدو وتقوم بالسلامه
محمد. تسلميلي يا حبيبت جدو انت
باسل. طب نكسر الحزن دا بخبر حلو
محمد.اشقيني من زمان مفرحتش
باسل. في عريس كويس جاي يتقدم للارين ومستعجل وطلب يجي النهارده
محمد. كبرتي وبقيتي عروسه يا حببتي.
امينه بتوتر. بس ازاي في الظروف دي واختك يعني
محمد بعصبيه. مش هنفوخ البنت ولا اي كفايه اللي هي شافته خليها تفرح شويه وييجي ونشوفه
باسل. هو كويس اوي يا جدي وانا عارفه
خجلت لارين وتركتهم وذهبت لغرفتها ووافق محمد بمجيئهم…
باك
باسل قطع نظراتهم الحاده. هو في ايه يا جماعه؟!
صفاء. يلا يا حازم مفيش جواز هيحصل
محمد بخشونه. واحنا معندناش بنات للجواز وطلبوا مرفوض
حياه.استني يا تيته ارجوكي وصلو على النبي فهمونا في ايه؟!
حازم بهدوء. دا يبقى جدك والد مامتك الله يرحمها
تصنعت الصدمه لتنظر لهم جميعا. جدي
باسل بصدمه. جدها ؟! اقتربت حياه بهدوء من محمد لتعانقه ليتسمر مكانه وتتسع عيناه من فعلتها ليفيق على همسها. إن مش لميت الليله ووافقت حالا على وليد الفيديو لسه معايا واقدر اعمل حاجات تانيه وباسل حبيب قلبك لتبتعد عنه وابتسمت وقالت لامينه. ممكن اطلع للارين؟!
اومات امينه بضيق والتفتت حياه لصفاء. تيته اقعدوا وتكلموا الاول عشان خاطر وائل وجلسو على مضض وذهبت حياه خلف امنيه وما ان ابتعدوا عن انتظارهم حتى أمسكت امنيه يد حياه بغضب وضغطت عليها. انت عايزه ايه منا؟!
مسكت حياه يدها بقوه اكبر حتى تاوهت امينه. متتجرأيش تاني تمدي ايدك عليا وضغطت اكثر كادت تصرخ. تؤ تؤ لسه اللي جاي اتقل بس احب اطمنك لارين هتعيش سعيده مع وائل وان مش وافقتوا.. رفعت هاتفها وهزته للجانبين باستفزاز لتنظر لها امينه باستحقار.. انا بقول يلا ندخل للعروسه وذهبوا لتفتح حياه الباب بمرح. لورا
دهشت حياه من وجودها لتعانقها. وحشتيني يا حياه
حياه. وانت والله وحشتيني اووي
لارين بدهشه. بس انت بتعملي ايه هنا؟!
حياه. جايه مع العريس ومن الان تقولي يا عمتو
نظرت لها بعدم فهم ولجدتها. وائل هو العريس وكمان مش حياه طلعت بنت عمتك
لارين بصدمه. والله ازاي منعرفش
حياه بتهرب. دي قصه طويله بس المهم جاهزه دلوقتي علشان تنزلي
لارين بعقل مشوش. جاهزه يلا بس خايفه
امنيه. متخافيش يلا ويارب تعدي على خير
وذهبوا جميعا ليقفو على صوت طرقعه والتفتت امينه ولارين. في ايه؟!
حياه بحزن.الكعب بتاعي انكسر
لارين. ولا يهمك يا حببتي عندك قدامك اختاري جزمه من عندي
امينه بضيق. يلا يا لارين هي هتتصرف وتركاها وذهبوا وهي خلفهم وخلعت حذائها لتمشي بتعرج. اوووف ودا وقتك وخلعت الأخرى أيضا لتجد من يسحبها بقوه كادت تصرخ. ايه يا باسل انت مبتصدق تلاقيني لوحدي
باسل. اه وماشيه حافيه ليه؟
رفعت حذائها أمام ناظريه باسف. انكسر!!
باسل. ولا يهمك يا قلبي المهم انت كنت عارفه ان اننا نقرب بعض
قالت بهدوء مصطنع ورفعت كتفيها. لا وهعرف من فين؟!
باسل بشك. لو مكنتيش تعرفي مكنتيش جيتي المستشفى حتى لو كان والد مديرك
حياه. في ايه يا باسل قلتلك مش عارفه هكدب عليك ليه وتركته وذهبت بضيق لينظر لطيفها بشك. مش مصدقك معرفش ليه حاسس ان وراكي حاجه!!
هبطت حياه إليهم وهي تهمس لنفسها. انا اسفه يا باسل بس هم مش من حقهم انهم يعيشو اسفه اني هعمل فيك كدا ولولا خطوبه وائل كنت نفذت اخر خطوه..