رحلة الانتقام ( أسيرة أحزاني ج٢ )//مكتملة

(( ٢٤ ))

أسيره أحزاني ج٢....
رحله الانتقام

بعد أيام قليله
كانت لارين بغرفتها شردت قليلا وهي تنظر بالمره وحدثت نفسها. ياريتك كنتي هنا يا لارا وتنهدت بالم ومسحت دمعتها التي علقت باهدابهاا والقت نظره على نفسها وهي راضيه على نفسها فهي كانت ترتدي فستان طويل ضيق متسع من بدايه ركبتيها وكانت طبقات عديده شفافه باللون الوردي الهادي ومطرز من الأعلى والاكمام واحكمت حجابها بنفس لون الفستان وارتدت حذاء باللون الابيض

ودخلت عليها امينه لتقول بسم الله ماشاء الله قمر يا حببتي ربنا يحفظك من العين مع انك خساره فيهم
لارين. ليه بتقولي كدا يا ماما انت مش موافقه
امينه. اهم حاجه رايك يا حببتي بما انك مبسوطه انا هكون مبسوطه
لارين بحزن. حاسه انك انت وبابا مش موافقين
امنيه بكذب. لا يا حببتي بس زعلانين انك هتمشي كبرتي بسرعه يا نورعيني
مسكت لارين يدها وقالت بتردد. هو بابا مكرم هييجي يا ماما وحشني من زمان مش شفته
امينه بحزن على حالها. احنا أكدنا عليه ييجي والله وان شاء الله هييجي متزعليش نفسك وهنا دخل عليهم باسل بمرح. الله اكبر ايه الجمال داا
دارت لارين حول نفسها ببطء. حلو؟!
باسل قبل راسها. قمر يا حبيبت قلبي
خرجت امينه. انا خارجه اشوف الضيوف اومأ كلا منهم لتنظر اليه لارين. بس ايه الشياكه دي
كان يرتدي بدله سوداء انيقه وفخمه لا تزيده الا وسامه وصفف شعره ووضع عطره الاخذ للانفاس
باسل بغرور. طول عمري شيك…. انا رحت للارا
لارين. امممم وقلتلها ايه ؟!
فلاش بالك
قبل أيام
انتهت لارا من رسم العينان ورفعت الورقه أمام عيناها وابتسمت وقالت ليارا التي تجلس أمامها. خلصت اهو وطلعت حلوه اي رايك
يارا. اه جميله كدا انت عرفتي ترسمي العين والحواجب والشفايف لسه منخورتك
لارا. منخورتك ؟! انت بيئه اوي.
ضحكت يارا عليها بشده. انت شطوره وبتتعلمي بسرعه على فكره
لارا. ميرسي على الإطراء وقاطع حديثهم صوت الضابط الذي ينادي على لارا فنهضت بدهشه فمن اتي لزيارته لتذهب خلف الضابط وما ان دخلت حتى فتحت عيناها بفرحه . باااسل وركضت اليه تعانقه بشده وبكت كثيرا وبادلها العناق وبعد قليل اجلسها وقالت وسط بكائها وهي تلمس وجنته. بااسل وحشتني اووي يا بااسل وأطلقت شهقات متتاليه
باسل بحنان. خلاص اهدي بقا انا جاي علشان اخرجك والله هترجعي معايا تاني
مسحت لارا دموعها وقالت بصوت متقطع. لارين عامله ايه قولها اني اسفه اووي يا باسل وندمانه والله وقولها اني بحبها اووي كمان انا بجد اسفه ليكو كلكوا
باسل. هترجعي معايا تقولي كل اللي انت عايزاه
لارا. لا مش عايزه اخرج انا هاخد جزاتي
باسل بصدمه. انت حابه القعده هنا وسط الارف دا
لارا. الارف دا هو اللي نضفني من جوا السجن دا يا باسل غير فيا حاجات كتير وانا مش زعلانه اني دخلته انا زعلانه على اللي عملته من البدايه ودا عقابي وانا هتحمل نتيجه غلطتي
باسل. انت اتجننتي ازاي هتفضلي هنا سنتين سنيتن يا لارا تفضلي بين الاربع حيطان دول
لارا. باسل لو في حاجه حابب تقولها غير الخروج هسمعك غير كدا انا هرجع علشان الحق الصلاه
باسل ابتسم لأجل اخر كلمه. طيب خلاص عندي ليكي خبر… كتب كتاب لارين الاسبوع الجاي
لارا بفرحه عارمه. بجد يا باسل.. ربنا يفرحها ويكمل سعادتها على خير انا فرحتها اووي طب هي مبسوطه بيه ومين هو؟!
باسل. وائل اخو حياه لو تعرفيه وهم بيحبوا بعض
لارا. ربنا يسعدها يارب وادمعت عيناها بفرحه لتاتي الضابط تقول بصرامه. وقت الزياره انتهى!!
عانقت لارا باسل وقالت بدموع. وصل أسفي ليها يا باسل ولماما وبابا وخليهم يسامحوني واختفت من أمامه وعادت للسجن لتقابلها يارا. مالك معيطه ليه
لارا بفرحه. باسل كان هنا يا يارا انا فرحانه اوي
يارا. حبيبتي ربنا يفرحك دايما
لارا. انا وانتي يارب وتذكرت دوائها وأخذته فهي تالمت كثيرا في الأيام الماضيه بسبب ابتعادها فجأه عن المخدرات لكن هذه الادويه اراحتها أيضا مع الصلاه وقراءه القرآن فهي بدأت تعود تدريجيا لطبيعتها واقسمت على عدم العوده للمخدرات  مجددا فهي تلقت درسها وكان مولما بحق
باك
بكت لارين. مش قادره انسى اللي عملته يا باسل بس دا ميمنعش انها بتوحشني دايما بس مش قادره
عانقها باسل متالما. خلاص بقا مفيش عياط النهارده وفكي كدا وكل حاجه هتحل بإذن الله