ترويضـ فآرسـ ❤️ (مكتملة)

بارت 33

ترويض فارس
الجزء الثالث والثلاثين
نظر كلاهما بصدمه ثم قالوا: ايه ده ؟
وجدوا مراد يمسك بشادى من قميصه ويحاول إخراجه من المنزل
فارس بغضب وهو يندفع ناحيتهم :انت ليك عين تيجي هنا بعد كل اللي حصل
شادة برجاء:استني يا فارس بالله عليك انا عايز ايلين فى موضوع مهم
ايلين وقد بدأ قلبها يحن:فارس
فارس بغضب هدر بها :متدخليش
شادي بحزن:بابا هيتسجن وانا هترمى فالشارع يرضيكي اترمي انا وامي فالشارع
ايلين ببكاء :وكل اللى عملتوه فيا زمان يرضيك
شادي وهو ينظر بخذي للارض: ميرضينيش وانا عارف ان مليش عين اجي هنا بس انتي بنت عمي مليش غيرك يا ايلين
فارس وهو يمسكه من قميصه:تطلع من هنا ولو شوفتك تاني هاقتلك وساعتها يبقي دفاع عن النفس غووور
ايلين بغضب:انت معتقد اني هساعدك اصلا
شادي بحزن:لانك احسن مننا بكتير وانا متأكد انك مش هيهون عليكي نترمي فالشارع وعمك يتسجن
ايلين بصراخ:ازاى معتقد ده انا مفروض اسيبك تترمي فالشارع بس قلبي مش قادر ليه مش قادر يقسي مش قادرة اقولك اني هتبسط لما اشوفكم كده انا مش عارفه ليه
فارس وهو يحتضنها :علشان قلبك ابيض مش زيهم السواد والحقد ملي قلوبهم ...امشي يا شادي امشي علشان انا عاوز أقتلك اصلا ثم هدر به غوووور
ايلين وهي تتمسك به :فارس ابوس ايدك خليه يستني
فارس بدهشه:نعم؟!
ايلين ببكاء:عمى يا فارس عمي
فارس بغضب:نسيتي كل اللى عملوه فيكي
ايلين بدموع كالسيول وهى تتمسك بفارس :علشان خاطرى انا على اخرى كفايه الخزن اللى انا فيه لوحدى ابوس ايدك هاديله الفلوس خليهم يطلعوا من حياتنا بقي
فارس بدهشه:طيب ليه مديتيهمش الفلوس من الاول
ايلين بصراخ:مكنوش عايزينها بس كانزا عايزين يجوزونى غصب لو على الفلوس قلتلهم خدوها لكنهم مكنوش عايزنهم بس عايزيني فوق البيعه
فارس بعدم فهم:وبعد كل ده صعبانين عليكي
ايلين بصراخ حاد:ابويا مكنش يعرف كل ده وكان بيحب عمى اوى رغم كل عمايلع وعلشان خاطر بابا هاسعدهم بس بشرط يطلعوا من حياتي للابد
شادي بلهفه:صديقيني مش هتشوفيهم تاني
فارس بغضب:ولا نشوفك انت كمان
شادي بخذي: حاضر
قام فارس وايلين وصعدوا الى فوق واحضرت ايلين حقيبتها وذهبوا الى البنك وتم تحويل المال لحساب الدائنين بعدما اخبرهم شادي بإسمائهم وتم تسديد جميع ديون الشركه وبذلك لن يتم الحجز على اى أملاك لعمها
فارس وهو يمسك بشادي من قميصه:مشوفش وشك تاني
شادي وهو ينظر لايلين بإمتنان:حاضر وارجوك خلي بالك منها
فارس بغيرة :طيب اتفضل بقي
ايلين ببكاء:اخيرا خرجوا من حياتنا
فارس بحب: اخيرا يا قلبي وبعدين احنا نسينا كنا رايحين فين يلا علشان اتأخرنا اوى
ايلين بإستغراب:هنروح فين
فارس بغيرة:ولو انى مكنتش عايز نروح بس اهو اى حاجه تغير مودك
ثم انطلقوا الى وجهتهم المجهولة ....
******************************
كان رامي ويمنى يتحدثان على الهاتف فقد اصبحت يمنى جزء لا يتجزأ من يومه وأصبح رامي مهم جدا بالنسبه لها يجب ان تسمع صوته كل يوم .....
رامى بضحك:بتعملى ايه
يمنى وهى تمسك بالقلم وتكتب خوطرها كالعادة: قاعدة عادى يعني
رامى وهو يقوم بعمل القهوة:طيب انا بعمل قهوة اعملك معايا
يمنى بضحك وهى تستلقي على السرير:هشربها ازاى طيب
رامى برومانسية:هاشربها انا وهيبقي كإنك شربتيها
يمنى بضيق:ايه ده معلش
رامى بضحك:بوست عالفيس بوك شوفته وقولت لازم اجربه
يمنى بضيق:طيب بلاش تعمل كده تانى علشان انا مش بحب الحاجات ديه وممكن تلاقيني مرة واحده قفلت فى وشك اصلى بحسه تلزيق كده فاهمنى
رامى بضحك شديد:هاشرق القهوة وقفت فى زورى همووت
يمنى بحب:بعد الشر عنك
رامى بحب: يمنى انا عندى ليكي مفاجئتين
يمنى بحماس:ايه هما
رامى برومانسية:انا نازل بكرة بصي هو بصراحه هركب الطيارة كمان ساعتين وعلى بكرة الصبح اكون فى مصر
يمنى بصدمه:احلف
رامى بضحك: والله بس متقوليش لايلين انتى عارفه بكرة ايه فلازم اكون معاها كفايه بعد عنها كده ثم اكمل برقه :وعنك
يمنى بخجل حاولت تغير الموضوع:ايوة لازم تكون معاها بكرة وكمان كلنا هنكون معاها اصلا
رامى بضحك:بتوهى
يمنى بضحك:ديه المفاجأة الاولى ايه التانيه
رامى برومانسية ومشاعر الحب تسري في عروقه فتجبره على البوح:يمنى انا بحبك ومش عايز حياتى تبقى من غيرك عايزك تكونى جمبي فى كل وقت وكل لحظه تبقي شريكتى فكل حاجه عايزك امى وحبيبتي واختى وصحبتي
يمنى بضحك:بلاش اختك تموتنى
رامى بضحك:تمام بلاش اختى بصي بقي يا ستي انا ثم قام بالهمس قائلاً:هاجي بيتكم
يمنى بإستغراب: تيجي بيتنا ليه
رامى برومانسيه:علشان اتقدملك يا يمنيتي ثم لم يجد رد فقال:الو ...الو قفلت بنت المجنونه بحبك يا يمنى بحبك يا نبض الفؤاد
على الجانب الآخر كانت يمني فى صدمه كبيره ثم قالت بفرحه:مستنياك يا حبيبي مستنياك يا قلب يمنى .......
******************************
كان فارس ينطلق بالسيارة ثم توقف امام مشفي فنظرت ايلين له بإستغراب ثم قالت :انت جايبني فين يا فارس
فارس وهو يمسك يدها ويقبلها:انزلى وهتعرفى انا بحبك قد ايه لدرجه انى مستحمل نيجي هنا
ايلين بعدم فهم :انا مش فاهمه اى حاجه
فارس بضحك:لو نزلتى هتفهمي
نزلت ايلين فأمسك فارس بيدها وقبض عليها فقالت بضحك:مش هاهرب
فارس بحب وهو ينظر فى عيونها :انا اللى بطمن لما اكون ماسك ايدك
نظرت له بإبتسامه ثم دخلا سوياً الى المشفى وأخيراً وقف فارس بها امام غرفه ثم قال بتحذير:علشان خاطرى متسبيش ايدي ومتحاوليش تعصبيني انا جيت على نفسي وجبتك هنا علشان اغير مودك وافرحك علشان عارف قلبك الطيب ده بيفرح بإيه فبلاش تخليني اتهور
ايلين وهى تضيق ما بين حاجبيها:ولو اني مش فاهمه بس حاضر يا فارس
فارس وهو يقترب منها بشده:حاضر يا حبيبي
ايلين بخجل:فارس احنا فالمستشفي
فارس برومانسية:حبيبي
ايلين بخجل شديد:فارس
فارس بهيام:حبيبي وظل يقترب منها فقالت بإبتسامه جذابة:حبيبي
قبلها فارس بسرعه على وجنتها ثم قال:حبيبه قلب فارس كانت مندهشه من تصرفاته لكنها كانت سعيدة طرق فارس الباب فجاء صوت شخص من الداخل يسمح لهم بالدخول امسك فارس بمقبض الباب واداره ودلف هو وايلين فوجدت ايلين ان فارس احضرها لرؤية عمار قد تناسته تماماً فجاءت لتذهب اليه فإشتدت قبضه فارس على يدها فتذكرت كلامه وفهمته فعادت لموضعها ثم قالت بفرحه:حمدالله على سلامتك كل ده يا عمار
عمار بضحك:انتى لسه فاكرة
فارس بغيرة:وهى هتفتكرك ليه
ايلين بخجل :فارس قصده يعنى انى كنت تعبانه انا كمان معلش بس قولى ايه اخبارك
عمار بإبتسامته الاخاذة:قربت اخرج خلاص وفارس بيه وعدنى انه هيشغلنى بالقاهرة مع الدكتور عاصم
ايلين بفرحه: مبروك
عمار :الله يبارك فيكي كل بفضل فارس بيه
فارس بضحكه صفراء:انا معملتش حاجه يا عمار كفايه اللى عملته مع ايلين
عمار بضحك :ايلين تبقي اختي صح يا ايلين
ايلين بإبتسامه: طبعاً يا عمار
عمار برجاء:ابقوا اسألوا عليا انا اتبسطت لما شوفتكم
فارس وقد شعر به :متقلقش يا عمار انا اخوك وفى ضهرك
عمار بإمتنان :تسلم يا فارس بيه
فارس بسخرية:يعني تقولها يا ايلين وانا فارس بيه خليها فارس بس
عمار وقد احب إغاظته:ايلين انا وهى قدينا وقت طويل مع بعض لكن انت لسه معرفكش اوى
فارس بعصبيه:سمعنى كده قولت ايه
عمار بخوف:انا قصدي لما ايلين كانت مخطوفه وكده يعني
فارس بغيرة:طيب تمام كفايه الذكريات ديه
عمار بضحك: مكنتش اعرف انك بتغير عليها اوى كده
فارس وهو ينظر لها: مراتى وحبيبتي مغيرش عليها ازاى
عمار بضحك:انا مكونتش اعرف فالاول انها متجوزة ولما عرفت زعلت اوى مكنرش الصراحه
لم يتمالم فارس نفسه فتقدم منه ثم امسكه من قميصه وقال بغيرة واضحه:وايه اللى زعلك بقي
عمار بخوف :يعني ان محدش هيدور عليها وكده
تركه فارس بعد محاولات من ايلين ان تجعله يتركه فقالت لتخفيف الأجواء:انا هاجيب عصير ابوس ايدكم كفايه
خرجت ايلين فقال عمار بضحك:يا فارس انا بهزر انا والله بعتبر ايلين زى اختى بالظبط وبعدين حبيت اعرف جوز اختي بيحبها بجد ولالا وبعدين مراد قالى انك بتغير عليها اوى وانا مكنتش مصدقه
فارس بإستغراب:مراد اخويا
عمار :ايوة ده بيجي كل يوم وبنقعد مع بعض لحد ما بقينا صحاب
فارس بضحك:انا حبيتك على فكرة بس بلاش تجرب غيرتي على ايلين
عمار بضحك:ربنا يخليكم لبعض
رن هاتف فارس فنظؤ له فوجده والده امجد فإستأذن من عمار ورد عليه قائلاً:الو
جاءه الرد فجحظت عيون فارس واحمرت بشدة فأغلق الهاتف وبدأت عروقه تبرز ووجهه يحمر بشده من الغضب فجأءت ايلين وقالت بخوف:مالك يا فارس
فارس بغضب:لازم تمشي
سلام يا عمار هجيلك تانى
عمار بتوتر:ماشي ابقوا طمنونى
ثم امسك يد ايلين وانطلق يها الى المنزل وامامه فقط الخبر الذي سمعه من والده بينما كانت ايلين تتسائل عما حدث .......
*****************************
وصل فارس وهو يكاد يخرج شرار من عيونه فظلت ايلين تنادى عليه بينما هو فى عالم آخر تماما فقالت بصراخ وهى تهزه:فااااارس
فارس بدهشه:بتصرخى ليه
ايلين بحزن:بنده عليه من بدرى وانت مش سامعنى ايه اللى حصل عمار ضايقك
فارس وهو يمسك بيدها وبتكلم بنبرة رجاء :خليكي معايا متسبيش ايدي تمام
ايلين بخضوع:حاضر
نزلوا من السيارة ودلفوا الى المنزل فسمعوا صوت دولت تصرخ بحدة قائلة:اطلعى براا
دخلت ايلين فصدمت حين رأتها تقف بكل جرأة فقالت :روان
التفت الجميع على صوت ايلين بينما ركضت روان ووقفت امام فارس ثم قالت ببكاء ودموع التماسيح :فارس ارجوك انا مش جاية اعمل مشاكل او اشحت منكم انا جاية علشان حاجه واحدة بس عايزاك تسامحنى يا فارس
ايلين بغيرة:ملكيش دعوة بفارس واتفضلي براااا
روان ببرائه مصطنعه عكس الغضب الذي يشتعل بداخلها :ايلين انا عايزة فارس يسامحني وبس والله ربنا يهنيكم مع بعض
فارس مقاطعاً لها بغضب:اسامحك ليه وازاى انتى معجونة من ايه ماية كدب وبجاحه ازاى قادرة تقفي قدامى وتقوليلى سامحنى
روان ببكاء شديد مصطنع:انا عارفه انه صعب تسامحنى بس لو عرفت انا بعانى من ايه وليه بطلب منك السماح هتسامحنى
ايلين بغضب:مش عايزين نسمع
روان بغضب:انا بكلم فارس
فارس بعصبيه وهو يمسك يد ايلين بقوة: ديه مراتي يعني تتكلمى معاها كويس
روان بغيرة :طيب اسمعني بس
فارس بغضب وهو يتفاداها:اطلعى براا مش عايز اسمعك
روان ببكاء:حتى لو قولتلك ان ربنا انتقملك منى
فارس بإستغراب:قصدك ايه
روان بتمثيل بارع:انا جالى سرطان فالدم يا فارس السرطان بينهي حياتي بينهش في جسمي انا ايامي فالدنيا معدودة شوفت ربنا بينتقملك منى ازاى
فارس بدهشه:انتى بتقولى ايه
روان وهى تبكى ودموعها كالسيول وبالطبع كلها تمثيل برعت فيه بشدة:عرفت من شهر ونص اني عندى سرطان وابتديت اتعالج لكن زى مانت عارف العلاج صعب وغالى قد ايه طلبت مساعدة من كل الناس واولهم خالى وزى مانت بردوا عارفه رفض وطردنى من البيت بيعت الشقه بتاعتى القديمه وتعالجت بفلوسها ودلوقتى انا مرميه فالشارع من غير علاج ومن غير بيت ومن غير اى حاجه انا ايامي بقت معدودة يا فارس انا مش عايزة منك مساعدة بس عايزاك تعتبرني ريناد او شيماء او حتي ايلين وتسامحنى على الاقل اموت وانا ضميري مرتاح
ثم وقعت على الارض وظلت تبكي  .....رق قلب الجميع لحالها فقالت دولت وهى تتجه نحوها:قومي يا روان قومى يا بنتي
روان وهى تقف معها ببكاء:انا بموت وخايفه اموت وفارس مش مسامحنى كفايه اني بقيت فالشارع وكلها يوم ولا اتنين واموت ارجوك سامحنى يا فارس
جعلتها دولت تجلس على الاريكه وجلست بجانبها فإرتمت روان بحضنها وظلت تبكي فنظرت دولت لفارس الذي كان فى دوامة أخرى وكانت ايلين بداخلها صراع منه تريد مساعدتها ومنه تكرهها ولا ترتاح لها ........
امجد بحزن عليها:روان يا بنتي اهدي شويه
روان ببكاء :انا اسفه والله انا غلطت سامحونى انا اسفه
توجه الجميع إليها وظلوا يحولون مواساتها
بينما كان هناك شخصان لا يصدقان من يحدث البته هما جواد وايلين بينما ترك فارس يد ايلين مما جعلها تنظر لها بعدم فهم ثم توجه الى روان وقال بحزن:روان انا اكيد مكنتش عايز ده يجرالك كله الا المرض مينفعش نشمت فيه او نتمناه لحد وعلشان تبقي مرتاحه انا عمرى ما دعيت عليكي ابدا
كلنت ايلين تشتعل من حديثه معها بينما اكمل فارس بهدوء:ياريت تهدى وتبطلى عياط
جواد بغضب:معلش يعنى ايه اللى يثبت لينا انك بتقولى الحقيقه
عاصم بغضب: جواد اسكت انت
ايلين بعصبيه:جواد معاه حق يا عمي
روان وعى تنظر بغضب لايلين :حرام عليكي انتى للدرجه ديه بتكرهيني انا عملتلك ايه بس
دولت بحزن ثم قالت بنبرة لوم:يا ايلين يا بنتي كفايه اللى هي فيه
جواد بتبرير:طيب يا جدتى مهو ده اللى بنقوله احنا عايزين نعرف اللى هى فيه ده صح ولالا
نظرت له روان ثم وقفت واتجهت نحو حقيبتها واخرجت عدة ملفات واشاعات وتحاليل ثم اعطتهم لفارس
الذي امسك بهم بدهشه فتدقمت منه ايلين وقالت :انا دكتورة
روان قاصدا اغاظتها:انتى دكتورة حيوانات صح يا ايلين هتفهمي فيهم ازاى
فارس بتأكيد : هى كلامها صح احنا نكلم طبيب العيله وهو اللى يحكم ولحد ما ده يحصل يا مامل ياريت تودى روان الملحق تقعد فيه
روان بتمثيل:لا يا فارس انا ماشية مش عايزة ابقي عبئ عليكم
فارس يهدوء: روان ياريت تسمعي الكلام احنا كنا فيوم اصدقاء مهما حصل
روان وهى تمثل التعب وللارهاق :انا مش قادرة اقف
مراد بغضب:سندوها يا بنات
وبالفعل قامت ريناد وشيماء بإسنادها حتى الملحق بينما تركت ايلين فارس بغضب وصعدت الى غرفتها فصعد هو خلفها ..............
*************************
دخلت روان الى الملحق وشكرت البنات خرجوا فقالت شيماء بحزن:هى صعبانه عليا اوى
ريناد بعدم فهم:انا مش عارفه اصدقها ولا لا
شمياء بعصبيه:فى حد هيكدب بخصوص مرض زى ده وبعدين التحاليل مع فارس وهنتأكد من كل حاجه
ريناد بتفكير:ايوة صح ربنا يقدم اللى فيه الخير
شيماء بضحك:ايلين هتطلع عين فارس
ريناد بغضب:معاها حق ده كان هيشلنى بطريقته مع روان
شيماء بتفكير:تفتكرى فارس يكون لسه بيحب روان
ريناد بشرود:لا مستحيل فارس بيعشق ايلين بس هو ممكن يحس بالذنب ناحيه روان ويعطف عليها لكن فارس مش بيحبها انا عارفه اخويا
شيماء بيأس :يارب ايلين تفهم ده .........
******************************
فى غرفة فارس
كانت ايلين لا تصدق حرف مما قالته روان وتشعر بالغضب والغيرة من تصرفات فارس معها افاقت من كل افكارها على دخول فارس للغرفه وهو يقول :انا مش فاهم ليه انتى متضايقه كده
ايلين بغضب:انا متضايقه صح وانت مكنتش متضايق لما عرفت انها هنا
فارس بهدوء:كنت متضايق بس لما سمعت كلامها مبقتش متضايق لما عرفت انها هتموت وأنها يتصارع مرض زي ده لوحدها ومن غير حد حوليها ولا حتي علاج صعبت عليا
ايلين بعصبيه:يا حرام ميصعبش عليك غالى
فارس بضحك:انتى غيرانه
ايلين بغضب وهى تضرب الارض بقدمها:متعصبنيش
فارس بهدوء:طيب نتكلم بالعقل انتى مش مصدقاها ليه
ايلين بتفكير:مش راكب على بعضه وتمثيل اوڤر الصراحه
فارس وهو يقترب منها :اولا حرام تقولى تمثيل لانها مكنتش بتمثل وبعدين هى هتكدب ليه
ايلين وهو تظر له:يمكن مثلا بتكدب علشان ترجعلك
فارس وهو يحتضنها:مهما حصل انا مفيش فقلبي غيرك اصلا يا حبيبه قلبي مش عايزك تغيرى منها لانى مش بفكر فحد غيرك انتى الوحيده اللى مليتي قلبي وعقلي انتي الوحيده اللى صورتها مش بتفارقنى
ايلين بغضب:وروان
فارس بهدوء:روان صديقه او اخت مش اكتر ولو ساعدتها فده لوجه الله مش اكتر
ايلين وهى تحاول ان تهدئ:هتسيبها تقعد هنا
فارس بحنان:هتقعد فالملحق اديكي سمعتى انها باعت شقتها وخالها طردها يرضيكي تقعد فالشارع
ايلين وقد هدئت فى حضنه:لا ميرضنيش
فارس وهو يقبل جبهتها:قلبي الحنين يا ناس
ايلين بغيرة:متقربش منها ومتتكلمش معاها
فارس بضحك: بحبك
ايلين برومانسية:بموووت فيك
اقترب منها فارس بهدوء ثم قبلها قبله بثها بها كل شغفه وعشقه لها وحبه المكبوت بداخله كانت قبلته رقيقه سرعان ما تحولت الى قبله متعمقه بادلته ايلين بخجل ثم تجاوبت معه بعد ذلك فهى تحبه بشده لثم فارس شفتيها بحب ثم  فصل فارس القبله لحاجتهم للتنفس ثم الصق جبهته بجبهتها وقال:بحبك يا ايلين
نظرت له بخجل:بحبك يا قلب ايلين
رن هاتف فارس قاطعا عليهم لحظتهم الرومانسيه فأجاب فارس ثم قال :حاضر نازلين
نظرت له فقال: الدكتور خلص وعاوز بقول النتيجه ايه
وقفت ايلين واتجهت معه للاسفل لتعرف اذا كانت تكذب ام تقول الحقيقه ......

ياترى ايه النتيجه حقيقه ولا كذب؟
ايه اللى جاي بين روان وايلين؟
كل ده الفصل الجاى من ترويض فارس❤️🔥